ചെട്ട്യാലക്കടവ് പാലം നിർമാണം പുരോഗമിക്കുന്നു; പ്രതീക്ഷയിൽ നാട്ടുകാർ

നാ​ദാ​പു​രം: ഉ​മ്മ​ത്തൂ​ർ, മു​ട​വ​ന്തേ​രി പ്ര​ദേ​ശ​ത്തെ ചെ​ട്ട്യാ​ല​ക്ക​ട​വ് നി​വാ​സി​ക​ൾ പ്ര​തീ​ക്ഷ​യു​ടെ ക​ട​വി​ൽ ആ​ഹ്ലാ​ദ​ത്തി​ൽ. 10 വ​ർ​ഷം മു​മ്പ് തു​ട​ങ്ങി​യ പാ​ല​മെ​ന്ന സ്വ​പ്നം പ​ല​ത​രം കു​രു​ക്കു​ക​ളി​ൽ കു​രു​ങ്ങി നി​ശ്ച​ല​മാ​യ​തോ​ടെ എ​ന്നെ​ന്നേ​ക്കു​മാ​യി സ്വ​പ്നം ഇ​വ​ർ ഉ​പേ​ക്ഷി​ക്കു​ക​യാ​യി​രു​ന്നു. എ​ന്നാ​ൽ, നീ​ണ്ട കോ​ട​തി വ്യ​വ​ഹാ​ര​ങ്ങ​ളും നി​യ​മ​പ്ര​ശ്ന​ങ്ങ​ളു​മെ​ല്ലാം മ​റി​ക​ട​ന്ന് ക​ഴി​ഞ്ഞ മാ​ർ​ച്ചി​ൽ പു​ന​രാ​രം​ഭി​ച്ച പാ​ലം നി​ർ​മാ​ണം യാ​ഥാ​ർ​ഥ്യ​ത്തി​ലേ​ക്ക് ക​ട​ക്കു​ന്ന​തി​ന്റെ സ​ന്തോ​ഷ​ത്തി​ലാ​ണ് പ്ര​ദേ​ശ​വാ​സി​ക​ൾ.

68 മീ​റ്റ​ർ നീ​ളം വ​രു​ന്ന പാ​ല​ത്തി​ന്റെ 46 മീ​റ്റ​ർ ഭാ​ഗം ര​ണ്ടു ഘ​ട്ട​ങ്ങ​ളി​ലാ​യി ഇ​ന്ന​ലെ കോ​ൺ​ക്രീ​റ്റ് പൂ​ർ​ത്തി​യാ​ക്കി. 22 മീ​റ്റ​റി​ല​ധി​കം നീ​ളം​വ​രു​ന്ന മൂ​ന്നാം ഘ​ട്ടം കോ​ൺ​ക്രീ​റ്റും അ​ത് ഉ​റ​പ്പി​ച്ചു നി​ർ​ത്താ​നു​ള്ള അ​ടി​ത്തൂ​ണി​ന്റെ പ​ണി​യു​മാ​ണ് പ്ര​ധാ​ന​മാ​യും ബാ​ക്കി​യു​ള്ള​ത്.

അ​തു​കൂ​ടി പൂ​ർ​ത്തി​യാ​ക്കാ​നു​ള്ള ക​ഠി​ന​ശ്ര​മ​ത്തി​ലാ​ണ് ക​രാ​റു​കാ​രും ഉ​ദ്യോ​ഗ​സ്ഥ​രും. 2014ൽ ​അ​നു​മ​തി ല​ഭി​ച്ച പാ​ല​ത്തി​ന് 2019 ലാ​ണ് ത​റ​ക്ക​ല്ലി​ടു​ന്ന​ത്. നാ​മ​മാ​ത്ര പ​ണി​ക​ൾ​ക്ക് ശേ​ഷം ക​രാ​റു​കാ​ര​ൻ ജോ​ലി ഉ​പേ​ക്ഷി​ക്കു​ക​യാ​യി​രു​ന്നു. ഇ​തി​നി​ട​യി​ൽ എ​സ്റ്റി​മേ​റ്റ് തു​ക വ​ർ​ധി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ടു കോ​ട​തി​യെ സ​മീ​പി​ക്കു​ക​യും ചെ​യ്തു. ഒ​ടു​വി​ൽ സ​ർ​ക്കാ​ർ ത​ല​ത്തി​ൽ ഇ​ട​പെ​ട്ട് ആ​ദ്യ​ത്തെ ക​രാ​റു​കാ​ര​നെ ഒ​ഴി​വാ​ക്കി, മ​റ്റൊ​രു ക​രാ​റു​കാ​ര​നെ ജോ​ലി ഏ​ൽ​പി​ച്ച​​തോ​ടെ​യാ​ണ് നി​ർ​മാ​ണ​ത്തി​ന് ഗ​തി​വേ​ഗം വ​ന്ന​ത്. ഏ​ക്ക​ർ ക​ണ​ക്കി​ന് സ്ഥ​ലം നാ​ട്ടു​കാ​ർ സൗ​ജ​ന്യ​മാ​യി ന​ൽ​കു​ക​യാ​യി​രു​ന്നു. സെ​പ്റ്റം​ബ​റോ​ടെ നി​ർ​മാ​ണം പൂ​ർ​ത്തി​യാ​ക്കാ​നാ​ണ് ല​ക്ഷ്യ​മി​ടു​ന്ന​ത്.