കൂ​ട​ത്താ​യി കൊ​ല​പാ​ത​ക പ​ര​മ്പ​ര; ര​ണ്ടു​പേ​രു​ടെ സാ​ക്ഷി​ വി​സ്താ​രം പൂ​ർ​ത്തി​യാ​യി

കോ​ഴി​ക്കോ​ട്: കൂ​ട​ത്താ​യി കൊ​ല​പാ​ത​ക പ​ര​മ്പ​ര കേ​സു​ക​ളി​ലെ റോ​യ് തോ​മ​സ് വ​ധ​ക്കേ​സി​ൽ 252ാം സാ​ക്ഷി ഭാ​ര​തി എ​യ​ർ​ടെ​ൽ കേ​ര​ള സ​ർ​ക്കി​ൾ നോ​ഡ​ൽ ഓ​ഫി​സ​ർ കെ. ​വാ​സു​ദേ​വ​ൻ, ഓ​മ​ശ്ശേ​രി ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യാ​യി​രു​ന്ന ലു​ക്മാ​ൻ എ​ന്നി​വ​രു​ടെ വി​സ്താ​രം മാ​റാ​ട് പ്ര​ത്യേ​ക കോ​ട​തി ജ​ഡ്ജി കെ. ​സു​രേ​ഷ് കു​മാ​ർ മു​മ്പാ​കെ പൂ​ർ​ത്തി​യാ​യി. എ​യ​ർ​ടെ​ൽ ക​മ്പ​നി​യു​ടെ ക​ണ​ക്ഷ​നു​ള്ള മൂ​ന്നാം​പ്ര​തി പ്ര​ജി​കു​മാ​റി​ന്റെ മൊ​ബൈ​ൽ ഫോ​ണി​ൽ​നി​ന്ന് ജോ​ളി അ​റ​സ്റ്റ് ചെ​യ്യ​പ്പെ​ടു​ന്ന തീ​യ​തി വ​രെ പു​റ​ത്തേ​ക്കും തി​രി​കെ​യു​മു​ള്ള ഫോ​ൺ​കാ​ൾ വി​ശ​ദാം​ശ​ങ്ങ​ളാ​ണ് സാ​ക്ഷി വാ​സു​ദേ​വ​ൻ കോ​ട​തി​യി​ൽ മൊ​ഴി ന​ൽ​കി​യ​ത്.

ര​ണ്ടാം പ്ര​തി​ക്കു​വേ​ണ്ടി അ​ഡ്വ. എം. ​ഷ​ഫീ​ർ സി​ങ്, മൂ​ന്നാം പ്ര​തി​ക്കു​വേ​ണ്ടി അ​ഡ്വ. കെ. ​രാ​ജേ​ഷ് കു​മാ​ർ എ​ന്നി​വ​ർ സാ​ക്ഷി​യെ എ​തി​ർ​വി​സ്താ​രം ചെ​യ്തു. ഭാ​ര​തി എ​യ​ർ​ടെ​ൽ മൊ​ബൈ​ൽ ക​മ്പ​നി​യു​ടെ സെ​ർ​വ​ർ അ​ക്കാ​ല​ത്ത് ബം​ഗ​ളൂ​രു​വി​ലാ​യി​രു​ന്നു​വെ​ന്നും ഓ​രോ കാ​ളി​ന്റെ​യും വി​ശ​ദാം​ശ​ങ്ങ​ൾ ഓ​ട്ടോ​മാ​റ്റി​ക്കാ​യി രേ​ഖ​പ്പെ​ടു​ത്ത​പ്പെ​ടു​ന്ന​താ​ണെ​ന്നും എ​തി​ർ​വി​സ്താ​ര​ത്തി​ൽ വാ​സു​ദേ​വ​ൻ മൊ​ഴി ന​ൽ​കി. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ്രോ​സി​ക്യൂ​ട്ട​ർ എ​ൻ.​കെ. ഉ​ണ്ണി​കൃ​ഷ്ണ​ൻ, അ​ഡീ. സ്പെ​ഷ​ൽ പ്രോ​സി​ക്യൂ​ട്ട​ർ ഇ. ​സു​ഭാ​ഷ് എ​ന്നി​വ​ർ ഹാ​ജ​രാ​യി. ഒ​ന്നാം​പ്ര​തി ജോ​ളി, ര​ണ്ടാം​പ്ര​തി എം.​എ​സ്. മാ​ത്യു, നാ​ലാം പ്ര​തി മ​നോ​ജ് എ​ന്നി​വ​രു​ടെ കാ​ൾ വി​ശ​ദാം​ശ​ങ്ങ​ൾ തെ​ളി​യി​ക്കു​ന്ന​തി​നാ​യി വോ​ഡ​ഫോ​ൺ, ജി​യോ, ബി.​എ​സ്.​എ​ൻ.​എ​ൽ ക​മ്പ​നി​ക​ളു​ടെ നോ​ഡ​ൽ ഓ​ഫി​സ​ർ​മാ​രെ ഈ ​മാ​സം 26ന് ​വി​സ്ത​രി​ക്കും.