ഭാര്യയുടെയും കുഞ്ഞി​െൻറയും കൊല: പ്രതിയുടെ ജാമ്യം റദ്ദാക്കാനാവശ്യപ്പെടും

കോഴിക്കോട്​: ഭാര്യയെയും കുഞ്ഞിനെയും കൊലപ്പെടുത്തിയ കേസിൽ പ്രതിയുടെ ജാമ്യം റദ്ദാക്കാനാവശ്യപ്പെട്ട്​​ പൊലീസ്​ കോടതിയിൽ റിപ്പോർട്ട്​ നൽകും. മടപ്പള്ളി സ്വദേശി മാളിയേക്കൽ സി.കെ. അബ്​ദുൽ ബഷീറിനെതിരെയാണ്​​ (49) കുന്ദമംഗലം പൊലീസ്​ കോടതിയെ സമീപിക്കുക. ജാമ്യക്കാലയളവിൽ മറ്റു കുറ്റകൃത്യങ്ങളിൽ ഉൾപ്പെടരുത്, അന്വേഷണ ഉദ്യോഗസ്​ഥൻ ആവശ്യപ്പെടു​േമ്പാൾ ഹാജരാകണം തുടങ്ങിയ ​ജാമ്യവ്യവസ്​ഥയി​െല നിബന്ധനകൾ പ്രതി ലംഘിച്ചെന്നുകാട്ടിയാണ്​ റിപ്പോർട്ട്​ നൽകുക. ഇ​പ്പോൾ കവർച്ചക്കേസിൽ അറസ്​റ്റിലായ പ്രതി വീണ്ടും ജാമ്യത്തിലിറങ്ങി ഒളിവിൽ പോകാനുള്ള സാധ്യതയും​ പൊലീസ്​ ചൂണ്ടിക്കാട്ടും.

കൊലക്കേസിൽ വിചാരണക്കുമു​േമ്പ ജാമ്യത്തിലിറിങ്ങിയ ബഷീർ 2019 ഡിസംബർ 19ന്​ സൗത്ത്​ ബീച്ചിലെ പള്ളിയിയിൽ നിന്ന്​ മടങ്ങുകയായിരുന്ന ഭിന്നശേഷിക്കാരനെ കബളിപ്പിച്ച്​ മുച്ചക്രവാഹനം തട്ടിയെടുക്കുകയായിരുന്നു. വാഹനത്തിൽ വെച്ചുമറന്ന മൊ​ൈബൽ ഫോൺ കേന്ദ്രീകരിച്ചുള്ള അന്വേഷണത്തിലാണ്​ ഭിന്നശേഷിക്കാരനായ ബഷീറിനെ​ വെള്ളിയാഴ്​ച ടൗൺ പൊലീസ്​ അറസ്​റ്റുചെയ്​തത്​. കൊലക്കേസ്​ പ്രതി ജാമ്യത്തിലിറങ്ങി വീണ്ടും കേസിലുൾപ്പെട്ടത്​ സംബന്ധിച്ച്​ ടൗൺ പൊലീസ്​ നേര​േത്ത കുന്ദമംഗലം പൊലീസിന്​ റിപ്പോർട്ട്​ നൽകിയിരുന്നു. ഇൗ റിപ്പോർട്ടും എഫ്​.​െഎ.ആറും ഹാജരാക്കിയാണ്​ കോടതിയിൽ ജാമ്യം റദ്ദാക്കാനാവശ്യപ്പെടുക.

2017ലാണ്​ ഭാര്യ ഷാഹിദ, ഒന്നരവയസ്സുള്ള മകൾ ഖദീജത്തുൽ മിസ്​രിയ്യ എന്നിവരെ കുന്ദമംഗലം പിലാശ്ശേരിയിലെ വീട്ടിൽവെച്ച്​ ബഷീർ ശ്വാസം മുട്ടിച്ച്​ കൊലപ്പെടുത്തിയത്​. ഭാര്യയുടെ മൃതദേഹം കളരിക്കണ്ടിയിലെ ആലുംതോട്ടത്തിൽ വീട്ടിലും കുഞ്ഞി​െൻറ മൃതദേഹം അരയിടത്തുപാലത്തിനടുത്ത്​ കനോലി കനാലിൽ നിന്നുമാണ്​ കണ്ടെത്തിയത്​.

ഭാര്യയെക്കുറിച്ചുള്ള സംശയമാണ്​ ​െകാലക്കു​ കാരണമായതെന്ന്​ ചൂണ്ടിക്കാട്ടി അന്വേഷണസംഘം കുന്ദമംഗലം കോടതയിൽ സമർപ്പിച്ച ക​ുറ്റപത്രത്തിൽ വിചാരണ ആരംഭിക്കാനിരിക്കെയാണ്​ ബഷീർ കവർച്ചക്കേസിൽ അറസ്​റ്റിലായത്​.