ഞങ്ങൾക്കും ജീവിക്കണം; ഉൽപന്നങ്ങൾ വാങ്ങാൻ ആളെത്തുന്നതും കാത്ത് ഭിന്നശേഷിക്കാർ

മു​ക്കം: നി​ർ​മി​ച്ച ഉ​ൽ​പ​ന്ന​ങ്ങ​ൾ​ക്ക് വി​പ​ണി ക​ണ്ടെ​ത്താ​നാ​വാ​തെ ഭി​ന്ന​ശേ​ഷി​ക്കാ​ർ ദു​രി​ത​ത്തി​ൽ. ത​ള​ർ​ന്ന ശ​രീ​ര​വും ത​ള​രാ​ത്ത മ​ന​സ്സു​മാ​യി ജീ​വി​ത​ത്തോ​ട് പൊ​രു​തു​ന്ന ഇ​വ​ർ സ്കൂ​ൾ വി​പ​ണി​യു​ൾ​പ്പെ​ടെ മു​ന്നി​ൽ ക​ണ്ട് നി​ർ​മി​ച്ച വി​വി​ധ ത​രം കു​ട​ക​ളും ക​ലാ​സ് പേ​ന​ക​ളും ഉ​ൾ​പ്പെ​ടെ​യു​ള്ള ഉ​ൽ​പ​ന്ന​ങ്ങ​ളാ​ണ് വി​പ​ണി ക​ണ്ടെ​ത്താ​നാ​വാ​തെ കെ​ട്ടി​ക്കി​ട​ക്കു​ന്ന​ത്.

ചേ​ന്ദ​മം​ഗ​ലൂ​ർ സ്വ​ദേ​ശി ഷ​മീ​ർ, മു​രി​ങ്ങം​പു​റാ​യി സ്വ​ദേ​ശി മു​ഹ​മ്മ​ദ​ലി ഉ​ൾ​പ്പെ​ടെ​യു​ള്ള​വ​രാ​ണ് ഇ​ത്ത​ര​ത്തി​ൽ ബു​ദ്ധി​മു​ട്ടു​ന്ന​ത്. ഇ​വ​രു​ടെ നേ​തൃ​ത്വ​ത്തി​ലു​ള്ള കൂ​ട്ടാ​യ്മ​യാ​ണ് സാ​ധ​ന​ങ്ങ​ൾ നി​ർ​മി​ക്കു​ന്ന​ത്. വ​ർ​ഷ​ങ്ങ​ൾ​ക്ക് മു​മ്പ് ക​വു​ങ്ങി​ൽ നി​ന്ന് വീ​ണ​തി​നെ തു​ട​ർ​ന്നാ​ണ് ഷ​മീ​റി​ന്റെ ജീ​വി​തം വീ​ൽ​ചെ​യ​റി​ലാ​യ​ത്. വീ​ട്ടി​ൽ ഷ​മീ​ർ മാ​ത്ര​മ​ല്ല, ഉ​മ്മ​യും ഭാ​ര്യ​യും ഭി​ന്ന​ശേ​ഷി​ക്കാ​രാ​ണ്.

മാ​സം​തോ​റും മ​രു​ന്ന് വാ​ങ്ങാ​ൻ ത​ന്നെ വ​ലി​യ സം​ഖ്യ വേ​ണം. സീ​സ​ൺ മു​ന്നി​ൽ​ക്ക​ണ്ട് നി​ർ​മി​ച്ച പേ​ന​ക​ളും കു​ട​ക​ളും വി​പ​ണി​യി​ല്ലാ​തെ കെ​ട്ടി​ക്കി​ട​ക്കു​ക​യാ​ണെ​ന്ന് ഇ​വ​ർ പ​റ​യു​ന്നു. പ​ല​രി​ൽ നി​ന്നും ക​ടം വാ​ങ്ങി​യാ​ണ് നി​ർ​മാ​ണ സാ​മ​ഗ്രി​ക​ൾ വാ​ങ്ങി​യ​ത്.

ഉ​ൽ​പ​ന്ന​ങ്ങ​ൾ വി​ൽ​ക്കാ​ൻ ക​ഴി​യാ​തെ വ​ന്ന​തോ​ടെ പ​ല​രും ക​ട​ത്തി​ലാ​യി. പ​ര​സ​ഹാ​യ​ത്താ​ൽ ഇ​രു​ന്നും കി​ട​ന്നും നി​ർ​മി​ക്കു​ന്ന കു​ട​ക​ളാ​യി​രു​ന്നു ഇ​വ​രു​ടെ പ്ര​ധാ​ന ഉ​ൽ​പ​ന്നം. ക​ട​ലാ​സ് പേ​ന, ഫാ​ൻ​സി സാ​ധ​ന​ങ്ങ​ളും നി​ർ​മി​ക്കാ​റു​ണ്ട്.

വീ​ട്ടി​ൽ വീ​ൽ​ചെ​യ​റി​ലി​രു​ന്ന് നി​ർ​മി​ക്കു​ന്ന കു​ട​ക​ൾ ബ​സ് സ്റ്റാ​ൻ​ഡു​ക​ളി​ലെ​ത്തി​ച്ചും പാ​ലി​യേ​റ്റി​വ് സ്ഥാ​പ​ന​ങ്ങ​ളി​ലെ വി​ദ്യാ​ർ​ഥി​ക​ൾ മു​ഖേ​ന​യു​മാ​യി​രു​ന്നു വി​ൽ​പ​ന ന​ട​ത്തി​യി​രു​ന്ന​ത്. ഭി​ന്ന​ശേ​ഷി​ക്കാ​ർ മു​ച്ച​ക്ര വാ​ഹ​ന​ത്തി​ൽ വീ​ടു​ക​ളി​ൽ നേ​രി​ട്ടെ​ത്തി വി​ൽ​പ​ന ന​ട​ത്തു​ക​യും ചെ​യ്തി​രു​ന്നു.

കോ​ഴി​ക്കോ​ട് ജി​ല്ല​യി​ൽ മാ​ത്രം ഇ​രു​നൂ​റി​ലേ​റെ ഭി​ന്ന​ശേ​ഷി​ക്കാ​രാ​ണ് സ്വ​യം​തൊ​ഴി​ൽ ഇ​ല്ലാ​താ​യി ജീ​വി​തം മു​ന്നോ​ട്ടു​കൊ​ണ്ടു​പോ​കാ​ൻ ബു​ദ്ധി​മു​ട്ടു​ന്ന​ത്. സ​ർ​ക്കാ​ർ ന​ൽ​കു​ന്ന പെ​ൻ​ഷ​ൻ മാ​ത്ര​മാ​ണ് ഇ​വ​രു​ടെ ഏ​ക ആ​ശ്ര​യം. ഈ ​തു​ക​യാ​ണെ​ങ്കി​ൽ മ​രു​ന്ന് വാ​ങ്ങാ​ൻ​പോ​ലും തി​ക​യി​ല്ല.

ക​ട​ക്കെ​ണി​യി​ൽ​നി​ന്ന് ര​ക്ഷ​നേ​ടാ​നും ജീ​വി​തം മു​ന്നോ​ട്ട് ത​ള്ളി​നീ​ക്കാ​നും ഇ​വ​ർ​ക്ക് പ​ര​സ​ഹാ​യം കൂ​ടി​യേ തീ​രൂ എ​ന്നു​ള്ള അ​വ​സ്ഥ​യാ​ണ്. ആ​രെ​ങ്കി​ലു​മൊ​ക്കെ സ​ഹാ​യി​ക്കു​മെ​ന്ന പ്ര​തീ​ക്ഷ​യി​ലാ​ണി​വ​ർ. ഫോ​ണി​ൽ ബ​ന്ധ​പ്പെ​ടു​ന്ന​വ​ർ​ക്ക് കു​ട​ക​ൾ ഉ​ൾ​പ്പെ​ടെ എ​ത്തി​ച്ചു​കൊ​ടു​ക്കു​മെ​ന്നും സു​മ​ന​സ്സു​ക​ളു​ടെ വി​ളി​യി​ലാ​ണ് ഏ​ക പ്ര​തീ​ക്ഷ​യെ​ന്നും ഷ​മീ​ർ ചേ​ന്ദ​മം​ഗ​ലൂ​ർ പ​റ​ഞ്ഞു. ഫോൺ നമ്പർ: 9645861715.