വല്ലത്തായിക്കടവ് പാലം; 4.95 കോടി രൂപയുടെ പുതുക്കിയ ഭരണാനുമതി

മു​ക്കം: കാ​ര​ശ്ശേ​രി ഗ്രാ​മ​പ​ഞ്ചാ​യ​ത്തി​ൽ ചെ​റു​പു​ഴ​യു​ടെ വ​ല്ല​ത്താ​യി ക​ട​വി​ൽ കോ​ൺ​ക്രീ​റ്റ് പാ​ലം നി​ർ​മി​ക്കു​ന്ന​തി​ന് നാ​ല് കോ​ടി തൊ​ണ്ണൂ​റ്റി അ​ഞ്ച് ല​ക്ഷ​ത്തി പ​തി​നാ​യി​രം രൂ​പ​യു​ടെ പു​തു​ക്കി​യ ഭ​ര​ണാ​നു​മ​തി.

2021ൽ ​നാ​ലു കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ച്ച് അ​ന്ന​ത്തെ പൊ​തു​മ​രാ​മ​ത്ത് മ​ന്ത്രി പ്ര​വൃ​ത്തി ഉ​ദ്ഘാ​ട​നം നി​ർ​വ​ഹി​ച്ചി​രു​ന്നെ​ങ്കി​ലും തു​ട​ർ​ന​ട​പ​ടി​ക​ളു​ണ്ടാ​യി​ല്ല. അ​പ്രോ​ച്ച് റോ​ഡി​ന് ആ​വ​ശ്യ​മാ​യ സ്ഥ​ലം വി​ട്ടു​കി​ട്ടാ​ത്ത​തി​നാ​ൽ സാ​ങ്കേ​തി​കാ​നു​മ​തി ല​ഭ്യ​മാ​ക്കി ടെ​ൻ​ഡ​ർ ചെ​യ്യാ​നാ​കാ​ത്ത​താ​യി​രു​ന്നു ത​ട​സ്സം.

തു​ട​ർ​ന്ന് പൊ​തു​പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ ന​ട​ന്ന ശ്ര​മ​ങ്ങ​ളു​ടെ ഭാ​ഗ​മാ​യി റോ​ഡി​ന് സ്ഥ​ലം ല​ഭ്യ​മാ​യെ​ങ്കി​ലും പൊ​തു​മ​രാ​മ​ത്ത് പ്ര​വൃ​ത്തി നി​ര​ക്കി​ൽ മാ​റ്റം വ​ന്ന​തി​നാ​ൽ അ​ട​ങ്ക​ൽ 4.7 കോ​ടി രൂ​പ​യാ​യി ഉ​യ​ർ​ത്തി ഭ​ര​ണാ​നു​മ​തി പു​തു​ക്കി. എ​ന്നാ​ൽ, സാ​ങ്കേ​തി​കാ​നു​മ​തി​ക്ക് സ​മ​ർ​പ്പി​ച്ചെ​ങ്കി​ലും ജി.​എ​സ്.​ടി നി​ര​ക്കി​ൽ മാ​റ്റം വ​ന്നു.

ആ ​മാ​റ്റം കൂ​ടി പ​രി​ഗ​ണി​ച്ചാ​ണ് ഇ​പ്പോ​ൾ പു​തു​ക്കി​യ ഭ​ര​ണാ​നു​മ​തി ല​ഭി​ച്ച​ത്. കാ​ര​ശ്ശേ​രി ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി നി​ർ​മി​ച്ച വെ​ന്റ് പൈ​പ്പ് പാ​ല​മാ​ണ് നി​ല​വി​ൽ ഇ​വി​ടെ​യു​ള്ള​ത്. മ​ഴ​ക്കാ​ല​മാ​യാ​ൽ ഈ ​പാ​ലം വെ​ള്ള​ത്തി​ന​ടി​യി​ലാ​യി ദി​വ​സ​ങ്ങ​ളോ​ളം ഗ​താ​ഗ​തം ത​ട​സ്സ​പ്പെ​ടു​ന്ന അ​വ​സ്ഥ​യാ​ണ്. ഇ​തി​ന് പു​റ​മെ ഇ​തു​വ​ഴി ബ​സ് ഗ​താ​ഗ​ത​ത്തി​ന് അ​നു​മ​തി​യും ഉ​ണ്ടാ​യി​രു​ന്നി​ല്ല.

മു​ക്ക​ത്തു​നി​ന്ന് കാ​ര​മൂ​ല, വ​ല്ല​ത്താ​യി​പ്പാ​റ വ​ഴി മ​ര​ഞ്ചാ​ട്ടി, കൂ​മ്പാ​റ, ക​ക്കാ​ടം​പൊ​യി​ൽ, നി​ല​മ്പൂ​ർ ഭാ​ഗ​ത്തേ​ക്കെ​ത്താ​നു​ള്ള എ​ളു​പ്പ​വ​ഴി​യാ​ണ് ഇ​ത്. കോ​ൺ​ക്രീ​റ്റ് പാ​ലം യാ​ഥാ​ർ​ഥ്യ​മാ​യാ​ൽ ഇ​തു​വ​ഴി ബ​സ് സ​ർ​വി​സ് ആ​രം​ഭി​ക്കു​ന്ന​തി​നും സാ​ധ്യ​ത തെ​ളി​യും. സാ​ങ്കേ​തി​കാ​നു​മ​തി ല​ഭ്യ​മാ​ക്കി ടെ​ൻ​ഡ​ർ ചെ​യ്ത് ഉ​ട​ൻ പ്ര​വൃ​ത്തി ആ​രം​ഭി​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കു​മെ​ന്ന് ലി​ന്റോ ജോ​സ​ഫ് എം.​എ​ൽ.​എ പ​റ​ഞ്ഞു.