നിർമാണത്തിലെ അശാസ്ത്രീയത; നാട്ടുകാർ സംസ്ഥാന പാത ഉപരോധിച്ചു

മു​ക്കം: ന​വീ​ക​ര​ണ പ്ര​വൃ​ത്തി​ക്ക് ശേ​ഷം അ​പ​ക​ട​ങ്ങ​ൾ പ​തി​വാ​യ എ​ട​വ​ണ്ണ-​കൊ​യി​ലാ​ണ്ടി സം​സ്ഥാ​ന പാ​ത​യു​ടെ ഓ​ട​തെ​രു​വ്-​മാ​ടാം​പു​റം വ​ള​വി​ൽ കാ​ര​ശ്ശേ​രി പ​ഞ്ചാ​യ​ത്ത് പ്ര​സി​ഡ​ന്റി​ന്റെ നേ​തൃ​ത്വ​ത്തി​ൽ നാ​ട്ടു​കാ​ർ ഉ​പ​രോ​ധ​സ​മ​രം ന​ട​ത്തി. നി​ർ​മാ​ണ​ത്തി​ലെ അ​ശാ​സ്ത്രീ​യ​ത​മൂ​ലം ഇ​വി​ടെ വാ​ഹ​ന​ങ്ങ​ൾ ഒ​രു വ​ശ​ത്തേ​ക്ക് തെ​ന്നി അ​പ​ക​ട​ത്തി​ൽ​പെ​ടു​ന്ന​ത് പ​തി​വാ​ണ്. ഇ​തേ തു​ട​ർ​ന്നാ​ണ് പ്ര​വൃ​ത്തി​യി​ലെ പോ​രാ​യ്മ​ക​ൾ പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് തി​ങ്ക​ളാ​ഴ്ച വൈ​കീ​ട്ട് അ​ഞ്ചോ​ടെ പ്ര​തി​ഷേ​ധം ന​ട​ന്ന​ത്.

വി​ഷ​യം ക​രാ​ർ ക​മ്പ​നി അ​ധി​കൃ​ത​രു​ടെ​യും പൊ​തു​മ​രാ​മ​ത്ത്, പൊ​ലീ​സ് ഉ​ദ്യോ​ഗ​സ്ഥ​രു​ടെ​യും ശ്ര​ദ്ധ​യി​ൽ​പെ​ടു​ത്തി​യ ശേ​ഷ​മാ​യി​രു​ന്നു പ​ഞ്ചാ​യ​ത്ത് പ്ര​സി​ഡ​ന്റി​ന്റെ നേ​തൃ​ത്വ​ത്തി​ൽ സ​മ​രം ന​ട​ത്തി​യ​ത്. പ്ര​ശ്ന​ത്തി​ൽ ലി​ന്റോ ജോ​സ​ഫ് എം.​എ​ൽ.​എ ഇ​ട​പെ​ടു​ക​യും പ​രി​ഹാ​ര ന​ട​പ​ടി​ക​ൾ കൈ​ക്കൊ​ള്ളു​ന്ന​തി​ന് ന​ട​പ​ടി​യാ​രം​ഭി​ച്ച​താ​യി അ​റി​യി​ക്കു​ക​യും ചെ​യ്ത​തി​നെ തു​ട​ർ​ന്നാ​ണ് സ​മ​രം അ​വ​സാ​നി​പ്പി​ച്ച​ത്. ര​ണ്ടു ദി​വ​സ​ത്തി​ന​കം പ്ര​ശ്നം പ​രി​ഹ​രി​ച്ചി​ല്ലെ​ങ്കി​ൽ സ​മ​രം ശ​ക്തി​പ്പെ​ടു​ത്തു​മെ​ന്ന് പ്ര​തി​ഷേ​ധ​ക്കാ​ർ പ​റ​ഞ്ഞു. ഉ​പ​രോ​ധ​സ​മ​രം മൂ​ലം റോ​ഡി​ൽ അ​ര​മ​ണി​ക്കൂ​റോ​ളം ഗ​താ​ഗ​തം ത​ട​സ്സ​പ്പെ​ട്ടു.