നോ​ക്കാ​നാ​ളി​ല്ല; മു​ക്ക​ത്തെ ട്രാ​ഫി​ക് പ​രി​ഷ്ക​ര​ണം പൂ​ർ​ണ പ​രാ​ജ​യ​ം

മു​ക്കം: ആ​ർ​ക്കും ഏ​തു വാ​ഹ​ന​വും എ​വി​ടെ​യും എ​ത്ര​നേ​ര​വും നി​ർ​ത്തി​യി​ടാം. ഏ​തു റോ​ഡി​ലൂ​ടെ​യും ഏ​തു ദി​ശ​യി​ലേ​ക്കും ഒ​രു നി​യ​ന്ത്ര​ണ​വു​മി​ല്ലാ​തെ വാ​ഹ​ന​മോ​ടി​ക്കാം. ആ​രും ത​ട​യി​ല്ല, ചോ​ദി​ക്കു​ക​യു​മി​ല്ല. ആ​രെ​യും പേ​ടി​ക്കേ​ണ്ട. കോ​ഴി​ക്കോ​ടി​ന്റെ കി​ഴ​ക്ക​ൻ മ​ല​യോ​ര​ത്തി​ന്റെ സി​രാ​കേ​ന്ദ്ര​മാ​യി അ​റി​യ​പ്പെ​ടു​ന്ന മു​ക്ക​ത്താ​ണ് ഈ ‘​സ്വാ​ത​ന്ത്ര്യം.’

നി​യ​മ​വും നി​യ​മ​പാ​ല​ക​രും ഇ​ല്ലാ​ഞ്ഞി​ട്ട​ല്ല. ഏ​റെ​നാ​ൾ ആ​ലോ​ച​ന​യും പ​ഠ​ന​വും ന​ട​ത്തി ന​ഗ​ര​സ​ഭ​യു​ടെ ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി അം​ഗീ​ക​രി​ച്ച് ഏ​ഴു​വ​ർ​ഷം മു​മ്പ് ന​ട​പ്പാ​ക്കി​യ ട്രാ​ഫി​ക് പ​രി​ഷ്കാ​ര നി​യ​മ​മു​ണ്ട്. വി​വി​ധ സം​ഘ​ട​ന​ക​ളി​ൽ ഉ​ൾ​പ്പെ​ട്ട തൊ​ഴി​ലാ​ളി​ക​ളും അ​ങ്ങാ​ടി​യി​ലെ വ്യാ​പാ​രി​ക​ളു​മ​ട​ക്കം ബ​ന്ധ​പ്പെ​ട്ട​വ​രെ​യെ​ല്ലാം വി​ളി​ച്ചു​കൂ​ട്ടി അം​ഗീ​കാ​രം വാ​ങ്ങി​യാ​ണ് ഈ ​ട്രാ​ഫി​ക് പ​രി​ഷ്കാ​രം ന​ട​പ്പാ​ക്കി​യ​ത്. ഇ​തു​പ്ര​കാ​രം ബ​സു​ക​ൾ നേ​രെ അ​ങ്ങാ​ടി​യി​ലൂ​ടെ വ​ന്ന് ബ​സ് സ്റ്റാ​ൻ​ഡു​ക​ളി​ൽ പ്ര​വേ​ശി​ക്കു​ക​യും ബൈ​പാ​സ് വ​ഴി പു​റ​ത്തു​പോ​കു​ക​യും ചെ​യ്യ​ണം.

പു​തി​യ സ്റ്റാ​ൻ​ഡി​ലേ​ക്ക് പോ​കു​ന്ന ബ​സു​ക​ൾ പ​ഴ​യ സ്റ്റാ​ൻ​ഡി​ന്റെ മു​ന്നി​ൽ ഇ​ടു​ങ്ങി​യ റോ​ഡി​ൽ നി​ർ​ത്തി​യി​ടാ​നോ അ​വി​ടെ​നി​ന്ന് യാ​ത്ര​ക്കാ​രെ ക​യ​റ്റാ​നോ ഇ​റ​ക്കാ​നോ പാ​ടി​ല്ല. മു​ക്കം ക​ട​വ് പാ​ലം വ​ഴി വ​രു​ന്ന വാ​ഹ​ന​ങ്ങ​ൾ ഓ​ർ​ഫ​നേ​ജി​ന് മു​ന്നി​ൽ​നി​ന്ന് ഇ​ട​ത്തോ​ട്ട് തി​രി​ഞ്ഞു പോ​ക​ണം. അ​വി​ടെ​നി​ന്ന് മു​ന്നോ​ട്ടു​ള്ള റോ​ഡ് വ​ൺ​വേ​യാ​ണ്.

അ​ങ്ങാ​ടി​യി​ൽ​നി​ന്ന് പ​ടി​ഞ്ഞാ​റോ​ട്ടു പോ​കു​ന്ന വാ​ഹ​ന​ങ്ങ​ൾ പി.​സി റോ​ഡ് വ​ഴി​യാ​ണ് പോ​കേ​ണ്ട​ത്. മെ​യി​ൻ റോ​ഡ് പോ​സ്റ്റ് ഓ​ഫി​സ് ജ​ങ്ഷ​ൻ​മു​ത​ൽ അ​ഭി​ലാ​ഷ് ജ​ങ്ഷ​ൻ വ​രെ വ​ൺ​വേ​യാ​ണ്. ബ​സ് സ്റ്റാ​ൻ​ഡി​ൽ​നി​ന്ന് പു​റ​ത്തേ​ക്കു പോ​കാ​നു​ള്ള ബൈ​പാ​സ്, വ​യ​ലി​ൽ മ​മ്മ​ദ് ഹാ​ജി റോ​ഡ്, വി​ല്ലേ​ജ് ഓ​ഫി​സ് റോ​ഡി​ൽ​നി​ന്ന് മാ​ർ​ക്ക​റ്റി​ലേ​ക്കു​ള്ള മ​ര​ക്കാ​ർ ഹാ​ജി റോ​ഡ്, പി.​സി റോ​ഡ് എ​ന്നി​വ​യും വ​ൺ​വേ​യാ​ണ്. വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​നും ചി​ല നി​ർ​ദേ​ശ​ങ്ങ​ൾ നി​യ​മ​ത്തി​ൽ ഉ​ൾ​പ്പെ​ടു​ത്തു​ക​യും ഈ ​വി​വ​ര​ങ്ങ​ളെ​ല്ലാം വി​സ്ത​രി​ച്ച് ഉ​ച്ച​ഭാ​ഷി​ണി​യി​ലൂ​ടെ നി​ര​വ​ധി ദി​വ​സം അ​റി​യി​പ്പു ന​ൽ​കു​ക​യും ചെ​യ്ത​താ​ണ്.

എ​ല്ലാ റോ​ഡു​ക​ളി​ലും ബോ​ർ​ഡു​ക​ളും സ്ഥാ​പി​ച്ചി​ട്ടു​ണ്ട്. വാ​ഹ​ന​മോ​ടി​ക്കു​ന്ന​വ​രി​ൽ ബ​ഹു​ഭൂ​രി​ഭാ​ഗ​വും ഇ​തൊ​ന്നും ക​ണ്ടി​ല്ലെ​ന്ന് ന​ടി​ച്ച് നി​യ​മം ലം​ഘി​ക്കു​ക​യും ലം​ഘ​നം ക​ണ്ടി​ല്ലെ​ന്നു ന​ടി​ച്ച് നി​യ​മ​പാ​ല​ക​ർ മൗ​നം പാ​ലി​ക്കു​ന്ന​തും ന​ഗ​ര​സ​ഭ അ​ധി​കൃ​ത​ർ നി​സ്സ​ഹാ​യ​രാ​യി നോ​ക്കി​നി​ൽ​ക്കു​ന്ന​തു​മാ​ണ് മു​ക്ക​ത്ത് ഇ​പ്പോ​ൾ കാ​ണു​ന്ന കാ​ഴ്ച. പ​ത്തു​മാ​സം പി​ന്നി​ട്ട ട്രാ​ഫി​ക് പ​രി​ഷ്കാ​ര ന​ട​പ​ടി​ക​ൾ ക​ർ​ശ​ന​മാ​യി ന​ട​പ്പാ​ക്കാ​ൻ ഇ​നി എ​ത്ര​കാ​ലം വേ​ണ്ടി​വ​രു​മെ​ന്നാ​ണ് ജ​ന​ത്തി​ന്റെ ചോ​ദ്യം.