മദ്യലഹരിയിലായ രോഗി ആംബുലൻസിന്റെ ചില്ലുതകർത്ത് പുറത്തുചാടി

മു​ക്കം: മ​ദ്യ​ല​ഹ​രി​യി​ലാ​യ രോ​ഗി ആം​ബു​ല​ൻ​സി​ന്റെ ചി​ല്ലു​ത​ക​ർ​ത്ത് പു​റ​ത്തു ചാ​ടി. നി​ല​മ്പൂ​ർ സ്വ​ദേ​ശി നി​സാ​ർ എ​ന്ന​യാ​ളാ​ണ് ചാ​ടി​യ​ത്. ഇ​യാ​ളു​ടെ ത​ല​ക്കും കൈ​ക്കും പ​രി​ക്കു​ണ്ട്. മു​ക്കം കെ.​എം.​സി.​ടി മെ​ഡി​ക്ക​ൽ കോ​ള​ജി​ൽ​നി​ന്നും കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​കും വ​ഴി​യാ​ണ് 108 ആം​ബു​ല​ൻ​സി​ന്റെ ചി​ല്ലു​ത​ക​ർ​ത്ത് രോ​ഗി പു​റ​ത്തു​ചാ​ടി​യ​ത്. യാ​ത്ര​ക്കി​ടെ വെ​സ്റ്റ് മ​ണാ​ശ്ശേ​രി​യെ​ത്തി​യ​പ്പോ​ൾ രോ​ഗി അ​ക്ര​മാ​സ​ക്ത​നാ​വു​ക​യാ​യി​രു​ന്നു. ഇ​തേ​ത്തു​ട​ർ​ന്ന് ആം​ബു​ല​ൻ​സ് നി​ർ​ത്തി​യ​പ്പോ​ൾ ഗ്ലാ​സ്‌ ത​ക​ർ​ത്ത് പു​റ​ത്തു ചാ​ടു​ക​യാ​യി​രു​ന്നു. ബു​ധ​നാ​ഴ്ച ഉ​ച്ച​ക്ക് ര​ണ്ട​ര മ​ണി​യോ​ടെ​യാ​ണ് സം​ഭ​വം.

ആം​ബു​ല​ൻ​സ് ജീ​വ​ന​ക്കാ​ർ പൊ​ലീ​സി​ൽ വി​വ​ര​മ​റി​യി​ച്ച​തി​നെ തു​ട​ർ​ന്ന് മു​ക്കം പൊ​ലീ​സ് സ്ഥ​ല​ത്തെ​ത്തി, ആം​ബു​ല​ൻ​സി​ൽ​നി​ന്നും ഇ​റ​ങ്ങി​യോ​ടി​യ നി​സാ​റി​നെ മ​ണാ​ശ്ശേ​രി അ​ങ്ങാ​ടി​യി​ൽ നി​ന്ന് ക​ണ്ടെ​ത്തി. തു​ട​ർ​ന്ന് ഇ​യാ​ളെ അ​നു​ന​യി​പ്പി​ച്ച് ര​ണ്ടു പൊ​ലീ​സു​കാ​രു​ടെ അ​ക​മ്പ​ടി​യോ​ടെ അ​തേ ആം​ബു​ല​ൻ​സി​ൽ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി. ഇ​യാ​ൾ മാ​ന​സി​കാ​സ്വാ​സ്ഥ്യ​മു​ള്ള ആ​ളാ​ണെ​ന്ന സം​ശ​യ​മു​ണ്ടെ​ന്ന് പൊ​ലീ​സ് പ​റ​ഞ്ഞു.