ഇ​രു​വ​ഴി​ഞ്ഞി​പ്പു​ഴ​യി​ൽ നീർനായ്​ശല്യം രൂക്ഷം

മു​ക്കം: ഇ​രു​വ​ഴി​ഞ്ഞി​പ്പു​ഴ​യി​ൽ നീ​ർ​നാ​യ്​​ശ​ല്യം രൂ​ക്ഷ​മാ​കു​ന്നു. ക​ഴി​ഞ്ഞ ദി​വ​സം പു​ഴ​യി​ലി​റ​ങ്ങി​യ കു​ട്ടി​ക​ള​ട​ക്കം നാ​ലു പേ​ർ​ക്കാ​ണ് നീ​ർ​നാ​യു​ടെ ക​ടി​യേ​റ്റ​ത്.

കാ​ര​ശ്ശേ​രി തി​രു​വാ​ലൂ​ർ ഇ​ല്ല​ത്ത് മ​ധു​സൂ​ദ​ന​ൻ ന​മ്പൂ​തി​രി​യു​ടെ മ​ക്ക​ളാ​യ ശ്രീ​കു​മാ​ർ (13), ശ്രീ​ന​ന്ദ (8), കാ​രാ​ട്ട് ക​ട​വി​ൽ അ​ല​ക്കാ​നി​റ​ങ്ങി​യ കു​ഞ്ഞാ​ലി​യു​ടെ ഭാ​ര്യ പാ​ത്തു​മ്മ, പാ​ഴൂ​ർ ഇ​ട​വ​ഴി​ക്ക​ട​വ് കു​ളി​ക്ക​ട​വി​ൽ അ​ല​ക്കു​ക​യാ​യി​രു​ന്ന ക​രു​വാ​ൻ തൊ​ടി​ക ഖ​ദീ​ജ (60 എ​ന്നി​വ​ർ​ക്കാ​ണ് ക​ടി​യേ​റ്റ​ത്.

അ​മ്മ​യു​ടെ കൂ​ടെ കു​ളി​ക്കാ​നി​റ​ങ്ങി​യ കു​ട്ടി​ക​ളെ പ​ത്തോ​ളം നീ​ർ​നാ​യ്​​ക്ക​ൾ കൂ​ട്ട​മാ​യി എ​ത്തി​യാ​ണ് ആ​ക്ര​മി​ച്ച​ത്. ഉ​ട​ൻ കു​ട്ടി​ക​ളെ കോ​ഴി​ക്കോ​ട് മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ എ​ത്തി​ച്ച് ചി​കി​ത്സ ന​ൽ​കി.

കാ​ലു​ക​ൾ​ക്കാ​ണ് അ​ധി​ക​പേ​ർ​ക്കും ക​ടി​യേ​റ്റ​ത്. ക​ഴി​ഞ്ഞ ദി​വ​സ​ങ്ങ​ളി​ൽ നീ​ർ​നാ​യ്​​ക്ക​ൾ കൂ​ട്ട​മാ​യി ഇ​രു​വ​ഴി​ഞ്ഞി​പ്പു​ഴ​യി​ലൂ​ടെ നീ​ന്തു​ന്ന ദൃ​ശ്യ​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​ച്ചി​രു​ന്നു.

ക​ഴി​ഞ്ഞ ആ​റ് മാ​സ​ത്തി​നി​ടെ നി​ര​വ​ധി പേ​ർ​ക്കാ​ണ് നീ​ർ​നാ​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ​ത്. ഒ​റ്റ​ക്കും കൂ​ട്ട​മാ​യും സ​ഞ്ച​രി​ക്കു​ന്ന ഇ​വ​യു​ടെ ആ​ക്ര​മ​ണം രൂ​ക്ഷ​മാ​യ​പ്പോ​ൾ നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് വ​നം വ​കു​പ്പി​‍െൻറ ആ​ർ.​ആ​ർ.​ടി സ്ഥ​ലം സ​ന്ദ​ർ​ശി​ച്ചി​രു​ന്നു​വെ​ങ്കി​ലും ഒ​രു ന​ട​പ​ടി​യു​മു​ണ്ടാ​യി​ല്ല.

പു​ഴ​യു​ടെ ഇ​രു​ക​ര​ക​ളി​ലു​മു​ള്ള ജ​ന​ങ്ങ​ള്‍ക്ക് വെ​ള്ള​ത്തി​ല്‍ ഇ​റ​ങ്ങി കു​ളി​ക്കാ​നോ വ​സ്ത്രം ക​ഴു​കാ​നോ ക​ഴി​യാ​ത്ത അ​വ​സ്ഥ​യാ​ണ്. വെ​ള്ള​ത്തി​ന​ടി​യി​ലൂ​ടെ​യു​ള്ള ആ​ക്ര​മ​ണ​മാ​യ​തി​നാ​ൽ പെ​ട്ടെ​ന്ന് ര​ക്ഷ​പ്പെ​ടാ​ൻ സാ​ധി​ക്കു​ന്നി​ല്ല.

വേ​ന​ൽ ക​ന​ത്താ​ൽ പ്ര​ദേ​ശ​വാ​സി​ക​ൾ ഏ​റ്റ​വും കൂ​ടു​ത​ൽ ആ​ശ്ര​യി​ക്കു​ന്ന​ത് ഇ​രു​വ​ഴി​ഞ്ഞി​യെ​യാ​ണ്. നീ​ർ​നാ​യു​ടെ തു​ട​ർ​ച്ച​യാ​യ ആ​ക്ര​മ​ണ​ത്തി​ന് പ​രി​ഹാ​ര​ത്തി​നാ​യി അ​ധി​കൃ​ത​രെ സ​മീ​പി​ക്കാ​നു​ള്ള ശ്ര​മ​ത്തി​ലാ​ണ് നാ​ട്ടു​കാ​ർ.