ആ​ന​ക്കാം​പൊ​യി​ൽ- ക​ള്ളാ​ടി- മേ​പ്പാ​ടി തു​ര​ങ്ക​പാ​ത: ടെ​ൻ​ഡ​ർ ന​ൽ​കി​യ​ത് 25ല​ധി​കം ക​മ്പ​നി​ക​ൾ

മു​ക്കം: കോ​ഴി​ക്കോ​ട്-​വ​യ​നാ​ട്-​മ​ല​പ്പു​റം ജി​ല്ല​ക​ളു​ടെ സ​മ​ഗ്ര വി​ക​സ​ന​ത്തി​നു​ത​കു​ന്ന ആ​ന​ക്കാം​പൊ​യി​ൽ- ക​ള്ളാ​ടി- മേ​പ്പാ​ടി തു​ര​ങ്ക​പാ​ത നി​ർ​മാ​ണ​ഘ​ട്ട​ത്തി​ലേ​ക്ക് അ​ടു​ക്കു​ന്നു. പാ​ത​യു​ടെ ടെ​ൻ​ഡ​ർ ഈ ​മാ​സം 19 ന് ​തു​റ​ക്കും. 1643.33 കോ​ടി രൂ​പ ചെ​ല​വ് പ്ര​തീ​ക്ഷി​ക്കു​ന്ന ഇ​ര​ട്ട തു​ര​ങ്ക​പാ​ത നി​ർ​മാ​ണ​ത്തി​നും 93.12 കോ​ടി ചെ​ല​വ് പ്ര​തീ​ക്ഷി​ക്കു​ന്ന ഇ​രു​വ​ഴി​ഞ്ഞി​പു​ഴ​ക്ക് കു​റു​കെ​യു​ള്ള മേ​ജ​ർ ആ​ർ​ച്ച് പാ​ലം, നാ​ലു​വ​രി സ​മീ​പ​ന റോ​ഡ് നി​ർ​മാ​ണം എ​ന്നി​ങ്ങ​നെ ര​ണ്ട് സീ​രീ​സാ​യാ​ണ് ടെ​ൻ​ഡ​ർ ക്ഷ​ണി​ച്ച​ത്. 25ല​ധി​കം ക​മ്പ​നി​ക​ൾ ടെ​ൻ​ഡ​ർ സ​മ​ർ​പ്പി​ച്ച​താ​യാ​ണ് അ​നൗ​ദ്യോ​ഗി​ക വി​വ​രം. ടെ​ൻ​ഡ​ർ ന​ട​പ​ടി​ക​ൾ​ക്കു​ശേ​ഷം നി​ർ​മാ​ണ ക​മ്പ​നി​യെ ക​ണ്ടെ​ത്തി പ​ദ്ധ​തി ആ​രം​ഭി​ക്കാ​നാ​ണ് നി​ർ​മാ​ണ ചു​മ​ത​ല​ക്കാ​രാ​യ കൊ​ങ്ക​ൺ റെ​യി​ൽ​വേ കോ​ർ​പ​റേ​ഷ​ൻ ശ്ര​മം. നാ​ല് വ​ർ​ഷ​മാ​ണ് നി​ർ​മാ​ണ കാ​ലാ​വ​ധി. തു​ര​ങ്ക​പാ​ത​യു​ടെ നി​ർ​മാ​ണ​ത്തി​നാ​യി ഏ​റ്റെ​ടു​ത്ത ഭൂ​മി​യു​ടെ ന​ഷ്ട​പ​രി​ഹാ​ര തു​ക ഉ​ട​ൻ വി​ത​ര​ണം ചെ​യ്യും.

കോ​ഴി​ക്കോ​ട് ജി​ല്ല​യി​ൽ 45 പേ​രി​ൽ 14 പേ​ർ​ക്കു​ള്ള ന​ഷ്ട​പ​രി​ഹാ​ര വി​ത​ര​ണം പൂ​ർ​ത്തി​യാ​യ​താ​യി പ​ദ്ധ​തി​യു​ടെ പി.​ആ​ർ.​ഒ അ​രു​ൺ പ​റ​ഞ്ഞു. തി​രു​വ​മ്പാ​ടി, നെ​ല്ലി​പ്പൊ​യി​ൽ വി​ല്ലേ​ജു​ക​ളി​ലെ 11 ഹെ​ക്ട​ർ സ്വ​കാ​ര്യ ഭൂ​മി​യാ​ണ് തു​ര​ങ്ക​പാ​ത​ക്കും സ​മീ​പ റോ​ഡ് നി​ർ​മാ​ണ​ത്തി​നു​മാ​യി ഏ​​റ്റെ​ടു​ക്കു​ന്ന​ത്. പ​ദ്ധ​തി​യു​ടെ പൊ​തു ഹി​യ​റി​ങ് ജ​നു​വ​രി 11ന് ​വ​യ​നാ​ട്ടി​ലും 13ന് ​കോ​ഴി​ക്കോ​ട്ട് സി​വി​ൽ സ്റ്റേ​ഷ​നി​ലും ന​ട​ന്നി​രു​ന്നു. 34.31 ഹെ​ക്ട​ർ വ​ന​ഭൂ​മി​യാ​ണ് പ​ദ്ധ​തി​ക്കാ​യി ഉ​പ​യോ​ഗി​ക്കേ​ണ്ട​ത്. ഇ​തി​ൽ 34.10 ഹെ​ക്ട​റും ഭൂ​ഗ​ർ​ഭ പാ​ത​യാ​ണ്. ഏ​റ്റെ​ടു​ക്കു​ന്ന വ​ന​ഭൂ​മി​ക്ക് പ​ക​രം വ​ന​മാ​ക്കി മാ​റ്റേ​ണ്ട ഭൂ​മി വ​നം വ​കു​പ്പ് വ​യ​നാ​ട് ജി​ല്ല​യി​ൽ ക​ണ്ടെ​ത്തി​യി​ട്ടു​ണ്ട്. സൗ​ത്ത് വ​യ​നാ​ട് ഡി​വി​ഷ​നി​ൽ​പെ​ട്ട ചു​ള്ളി​ക്കാ​ട്, കൊ​ള്ളി​വ​യ​ൽ, മ​ട​പ്പ​റ​മ്പ്, മ​ണ​ൽ​വ​യ​ൽ വി​ല്ലേ​ജു​ക​ളി​ൽ വ​നം വ​കു​പ്പ് ഏ​റ്റെ​ടു​ത്ത ഭൂ​മി​യി​ൽ 17.263 ഹെ​ക്ട​റി​ൽ മ​ര​ങ്ങ​ൾ വെ​ച്ചു​പി​ടി​പ്പി​ക്കും. ശേ​ഷം അ​ത് റി​സ​ർ​വ് വ​ന​മാ​യി വി​ജ്ഞാ​പ​നം ചെ​യ്ത് കേ​ന്ദ്ര​മ​ന്ത്രാ​ല​യ​ത്തെ അ​റി​യി​ക്ക​ണം. ഇ​തി​നു​ള്ള ന​ട​പ​ടി​ക​ളും അ​ന്തി​മ​ഘ​ട്ട​ത്തി​ലാ​ണ്. പാ​ത​ക്ക് ക​ഴി​ഞ്ഞ ഏ​പ്രി​ലി​ൽ കേ​ന്ദ്ര വ​നം- പ​രി​സ്ഥി​തി മ​ന്ത്രാ​ല​യ​ത്തി​ന്റെ പ്രാ​ഥ​മി​ക അ​നു​മ​തി ല​ഭി​ച്ചി​രു​ന്നു. ഒ​ന്നാം പി​ണ​റാ​യി സ​ർ​ക്കാ​ർ ആ​ദ്യ നൂ​റു ദി​ന ക​ർ​മ​പ​രി​പാ​ടി​യി​ൽ ഉ​ൾ​പ്പെ​ടു​ത്തി​യ പ​ദ്ധ​തി 2020 ഒ​ക്ടോ​ബ​ർ അ​ഞ്ചി​നാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഔ​ദ്യോ​ഗി​ക​മാ​യി ലോ​ഞ്ചി​ങ് ന​ട​ത്തി​യ​ത്. കി​ഫ്ബി​യി​ല്‍ ഉ​ള്‍പ്പെ​ടു​ത്തി പാ​ത​ക്ക് 2,138 കോ​ടി രൂ​പ​യു​ടെ ഭ​ര​ണാ​നു​മ​തി നേ​ര​ത്തേ ല​ഭി​ച്ച​താ​ണ്.