ന്യൂനപക്ഷ ക്ഷേമ അനുപാതം റദ്ദാക്കിയ നടപടിയിൽ സർക്കാർ ഇടപെടണം -എം.എസ്.എസ്

കോഴിക്കോട്​: സച്ചാർ കമ്മീഷൻ റിപ്പോർട്ടിൻറെ അടിസ്ഥാനത്തിൽ നടപ്പിലാക്കിയതും സംസ്ഥാനത്തിൽ നിലവിലുണ്ടായിരുന്നതുമായ ന്യൂനപക്ഷ ക്ഷേമ പദ്ധതി അനുപാതം റദ്ദാക്കിയ ഹൈകോടതി നടപടിയിൽ സംസ്ഥാന സർക്കാർ അടിയന്തിരമായി ഇടപെടണമെന്നും അപ്പീൽ പോകണമെന്നും എം.എസ് എസ്​ കോഴിക്കോട് ജില്ല കമ്മിറ്റി ആവശ്യപ്പെട്ടു.

സച്ചാർ റിപ്പോർട്ടി​െൻറ അടിസ്ഥാനത്തിൽ ആവിഷ്​കരിച്ച പദ്ധതികൾ മുസ്ലിങ്ങൾക്ക് മാത്രമുള്ളതാണെന്നിരിക്കെ അതിൽ മറ്റു സമുദായങ്ങൾക്ക് അവകാശമുണ്ടെന്ന വാദം അബദ്ധമാണ്. കൃസ്ത്യൻ സമുദായത്തിന്നും മറ്റും പ്രത്യേക പദ്ധതികൾ ആവിഷ്കരിക്കുകയാണു് വേണ്ടത്. ഇക്കാര്യങ്ങൾ സർക്കാർ കോടതിയെ ബോധ്യപ്പെടുത്തണമെന്നും മുസ്​ലിം സമുദായത്തിന്ന് അവകാശപ്പെട്ട ക്ഷേമപദ്ധതികൾ നില നിർത്തണമെന്നും അഭ്യർഥിക്കുന്നതായി എം.എസ്​.എസ്​ പറഞ്ഞു.

ജില്ലാ പ്രസിഡൻറ്​ പി.പി .അബ്ദുറഹീം അധ്യക്ഷത വഹിച്ചു. പി.ടി.മൊയ്തീൻ കുട്ടി മാസ്റ്റർ, കോതൂർ മുഹമ്മദ് മാസ്റ്റർ, എഞ്ചിനിയർ.പി.മമ്മദ് കോയ, അസ്സൻകോയ പാലക്കണ്ടി, പി.പി.അബ്ദുറഹിമാൻ, വി.ഇസ്മായിൽ, ടി.അബ്ദുൾ അസീസ്, ആർ.പി.അഷ്റഫ്, സി.പി.എം.സഈദ് അഹമ്മദ്, വി.എം.ഷെരീഫ്, കെ.പി.ഖാസിം, കെ.ഫൈജാസ്, പ്രൊ: കെ.കെ.അബ്ദുൾ മജീദ്, മുഹമ്മദ് റോഷൻ , ഉമർ വെളളലശ്ശരി, എൻ.സി.ഹംസക്കോയ സംസാരിച്ചു.