മണ്ടൻ ചോദ്യങ്ങൾ മാറുന്നു, മോട്ടോർ വാഹന ഡ്രൈവിങ് ടെസ്റ്റുകൾ കാര്യക്ഷമമാകും

കോ​ഴി​ക്കോ​ട്: റോ​ഡ് സു​ര​ക്ഷ​ക്ക് പ്രാ​ധാ​ന്യം ന​ൽ​കി ഡ്രൈ​വി​ങ് ടെ​സ്റ്റു​ക​ൾ കാ​ര്യ​ക്ഷ​മ​മാ​കു​ന്നു. മോ​ട്ടോ​ർ വാ​ഹ​ന വ​കു​പ്പി​ന്റെ ലേ​ണി​ങ് ടെ​സ്റ്റി​ൽ മ​ണ്ട​ൻ ചോ​ദ്യ​ങ്ങ​ളു​ടെ അ​തി​പ്ര​സ​ര​മു​ള്ള​ത് ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. ഡ്രൈ​വി​ങ് ടെ​സ്റ്റി​നും ബാ​ഡ്ജി​നും വേ​ണ്ടി പ​രി​വാ​ഹ​ൻ സൈ​റ്റി​ലൂ​ടെ ന​ട​ത്തു​ന്ന ഓ​ൺ​ലൈ​ൻ പ​രീ​ക്ഷ​യി​ൽ നി​ല​വാ​ര​മി​ല്ലാ​ത്ത​തും മ​ണ്ട​ൻ ചോ​ദ്യ​ങ്ങ​ളും പ​രീ​ക്ഷാ​ർ​ഥി​ക​ളെ വ​ല​ച്ചി​രു​ന്നു.

വാ​ഹ​നം ഓ​ടി​ക്കാ​ൻ പ​ഠി​ക്കു​ന്ന​യാ​ൾ അ​റി​ഞ്ഞി​രി​ക്കേ​ണ്ട കാ​ര്യ​ങ്ങ​ളാ​ണ് ഇ​നി​മു​ത​ൽ ചോ​ദ്യ​ങ്ങ​ളാ​യി ഉ​ണ്ടാ​വു​ക. ലേ​ണേ​ഴ്സ് ടെ​സ്റ്റി​ൽ പ്ര​സ​ക്ത​മാ​യ 35 ചോ​ദ്യ​ങ്ങ​ളോ​ളം ഉ​ൾ​ക്കൊ​ള്ളി​ക്കേ​ണ്ട​താ​ണെ​ന്നും പാ​സ്/​ഫെ​യി​ൽ എ​ന്നി​വ​ക്കു​ള്ള മാ​ന​ദ​ണ്ഡം ത​യാ​റാ​ക്കാ​നും ഇ​തു​സം​ബ​ന്ധി​ച്ചു​ള്ള പ​രി​ഷ്ക​ര​ണ​ത്തി​ന് നി​യോ​ഗി​ച്ച ക​മ്മി​റ്റി​ക്ക് നി​ർ​ദേ​ശം ന​ൽ​കി ഉ​ത്ത​ര​വി​റ​ക്കി. ഡ്രൈ​വി​ങ് ടെ​സ്റ്റു​ക​ൾ ന​ട​ത്തു​മ്പോ​ൾ വ​ള​ഞ്ഞു​പു​ള​ഞ്ഞു​ള്ള വ​ള​വു​ക​ളി​ലെ ഡ്രൈ​വി​ങ്, കു​ത്ത​നെ​യു​ള്ള ക​യ​റ്റ​ത്തി​ലെ ഡ്രൈ​വി​ങ്, അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ സ്വീ​ക​രി​ക്കേ​ണ്ട ഡ്രൈ​വി​ങ് ആ​വ​ശ്യ​ക​ത​ക​ൾ മു​ത​ലാ​യ​വ ഉ​ൾ​പ്പെ​ടെ ലോ​കോ​ത്ത​ര നി​ല​വാ​ര​ത്തി​ലു​ള്ള ടെ​സ്റ്റി​ങ് രീ​തി​ക​ൾ അ​വ​ലം​ബി​ക്കും.

മോ​ട്ടോ​ർ ഡ്രൈ​വി​ങ് സ്കൂ​ളു​ക​ൾ ടെ​സ്റ്റ് സ​മ​യ​ത്ത് കാ​മ​റ​ക​ൾ ഘ​ടി​പ്പി​ക്കു​ക​യും റെ​ക്കോ​ഡ് മൂ​ന്നു​മാ​സം സൂ​ക്ഷി​ക്കു​ക​യും വേ​ണം. മോ​ട്ടോ​ർ വാ​ഹ​ന​വ​കു​പ്പി​ലെ ഉ​ദ്യോ​ഗ​സ്ഥ​ർ ആ​വ​ശ്യ​പ്പെ​ടു​മ്പോ​ൾ സൂ​ക്ഷി​ച്ച​വ ല​ഭ്യ​മാ​ക്കേ​ണ്ട​തു​മാ​ണ്.

കോ​വി​ഡ് കാ​ല​ത്ത് ‘സാ​ര​ഥി’​യി​ൽ ക്ര​മീ​ക​രി​ച്ച അ​ഞ്ഞൂ​റോ​ളം ചോ​ദ്യാ​വ​ലി​യി​ൽ നി​ന്നാ​ണ് ഇ​പ്പോ​ഴും ക്ര​മ​ര​ഹി​ത​മാ​യ രീ​തി​യി​ൽ 20 എ​ണ്ണം ചോ​ദി​ക്കു​ന്ന​ത്. ഇ​തു​വ​രെ​യാ​യി​ട്ടും ചോ​ദ്യാ​വ​ലി​ക​ൾ അ​പ്ഡേ​റ്റ് ചെ​യ്തി​രു​ന്നി​ല്ല. ഇ​പ്പോ​ൾ റോ​ഡു​ക​ളി​ലെ വാ​ഹ​ന​ങ്ങ​ളു​ടെ വേ​ഗ​പ​രി​ധി മാ​റ്റി​യി​ട്ടു​മു​ണ്ട്. ഇ​തൊ​ന്നും ചോ​ദ്യാ​വ​ലി​യി​ൽ അ​പ്ഡേ​റ്റ് ചെ​യ്തി​ട്ടി​ല്ല. ഒ​മ്പ​തു​പേ​ര​ട​ങ്ങി​യ ക​മ്മി​റ്റി​യെ​യാ​ണ് പ​രി​ഷ്ക​ര​ണ​ത്തി​നാ​യി നി​യ​മി​ച്ച​ത്.