മൂരാട് അപകടം ;പൊലീസ് അന്വേഷണം തുടങ്ങി

വ​ട​ക​ര: ദേ​ശീ​യ​പാ​ത​യി​ൽ കാ​റും ട്രാ​വ​ല​റും കൂ​ട്ടി​യി​ടി​ച്ച് നാ​ലു​പേ​ർ മ​രി​ക്കാ​നി​ട​യാ​യ സം​ഭ​വ​ത്തി​ൽ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി. ദേ​ശീ​യ​പാ​ത​യോ​ട് ചേ​ർ​ന്ന സ്ഥാ​പ​ന​ങ്ങ​ളി​ലെ സി.​സി.​ടി.​വി. ദൃ​ശ്യ​ങ്ങ​ൾ പൊ​ലീ​സ് പ​രി​ശോ​ധി​ച്ചു. വ​ട​ക​ര ഭാ​ഗ​ത്തു​നി​ന്ന് കോ​ഴി​ക്കോ​ട് ഭാ​ഗ​ത്തേ​ക്ക് പോ​കു​ക​യാ​യി​രു​ന്ന കാ​ർ ദി​ശ മാ​റി ക​ണ്ണൂ​ർ ഭാ​ഗ​ത്തേ​ക്ക് പോ​കു​ക​യാ​യി​രു​ന്ന ടെ​മ്പോ ട്രാ​വ​ല​റു​മാ​യി കൂ​ട്ടി​യി​ടി​ച്ചാ​ണ് അ​പ​ക​ട​മു​ണ്ടാ​യ​ത്.

കാ​ർ എ​ങ്ങ​നെ ദി​ശ​മാ​റി സ​ഞ്ച​രി​ച്ചു​വെ​ന്നാ​ണ് പൊ​ലീ​സ് പ്ര​ധാ​ന​മാ​യും അ​ന്വേ​ഷി​ക്കു​ന്ന​ത്. ജി​ല്ല പൊ​ലീ​സ് മേ​ധാ​വി​യു​ടെ ഓ​ഫി​സി​ന​ടു​ത്ത് വെ​ച്ചാ​ണ് ദേ​ശീ​യ​പാ​ത ര​ണ്ടാ​യി തി​രി​യു​ന്ന​ത്. ഇ​വി​ടെ​നി​ന്ന് ര​ണ്ട് കി​ലോ​മീ​റ്റ​റി​ല​ധി​കം ദി​ശ മാ​റി സ​ഞ്ച​രി​ച്ചാ​ലേ അ​പ​ക​ടം ന​ട​ന്ന സ്ഥ​ല​ത്ത് എ​ത്തി​ച്ചേ​രാ​ൻ ക​ഴി​യു​ക​യു​ള്ളൂ. ഈ ​വ​ഴി​ക്ക് കാ​ർ സ​ഞ്ച​രി​ക്കാ​നു​ള്ള സാ​ധ്യ​ത പൊ​ലീ​സ് ത​ള്ളി​ക്ക​ള​യു​ക​യാ​ണ്.

മൂ​രാ​ട് പാ​ല​ത്തി​ന്റെ അ​വ​സാ​ന ഭാ​ഗ​ത്ത് സ്ഥാ​പി​ച്ച ഡി​വൈ​ഡ​റി​ന്റ ഇ​ട​യി​ലൂ​ടെ കാ​ർ ദി​ശ മാ​റി എ​തി​ർ ഭാ​ഗ​ത്തേ​ക്ക് ക​യ​റി​യ​താ​ണ് അ​പ​ക​ട​ത്തി​നി​ട​യാ​ക്കി​യ​തെ​ന്നാ​ണ് പൊ​ലീ​സി​ന്റെ പ്രാ​ഥ​മി​ക നി​ഗ​മ​നം. ഈ ​ഭാ​ഗ​ത്ത് 300 മീ​റ്റ​റോ​ളം താ​ൽ​ക്കാ​ലി​ക​മാ​യി ഡി​വൈ​ഡ​റു​ക​ൾ സ്ഥാ​പി​ച്ചി​ട്ടു​ണ്ട്.

നി​ര​വ​ധി വാ​ഹ​ന​ങ്ങ​ൾ പ്ര​ധാ​ന പാ​ത​യി​ൽ​നി​ന്ന് എ​ളു​പ്പ വ​ഴി​യെ​ന്ന​നി​ല​യി​ൽ ഡി​വൈ​ഡ​റു​ക​ൾ​ക്കി​ട​യി​ലൂ​ടെ എ​തി​ർ​വ​ശ​ത്തെ മൂ​ന്നു​വ​രി പാ​ത​യി​ലേ​ക്ക് പ്ര​വേ​ശി​ക്കു​ന്ന​ത് പൊ​ലീ​സി​ന്റെ പ​രി​ശോ​ധ​ന​ക്കി​ടെ കാ​ണാ​നി​ട​യാ​യി. ഇ​ത്ത​ര​ത്തി​ൽ കാ​ർ ദി​ശ മാ​റി​യ​താ​കാ​മെ​ന്നാ​ണ് പൊ​ലീ​സ് പ​റ​യു​ന്ന​ത്. അ​പ​ക​ടം ന​ട​ക്കു​ന്ന​തി​നു​മു​മ്പ് കാ​ർ ക​ട​ന്നു​പോ​യ​തി​ന്റെ സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സി​ന് ല​ഭി​ച്ചി​ട്ടു​ണ്ട്. സ്പെ​ഷ​ൽ ബ്രാ​ഞ്ച് ഡി​വൈ.​എ​സ്.​പി. സു​ഭാ​ഷ് ബാ​ബു, പ​യ്യോ​ളി സി.​ഐ സ​ജീ​ഷ് തു​ട​ങ്ങി​യ​വ​ർ സ്ഥ​ല​ത്ത് പ​രി​ശോ​ധ​ന ന​ട​ത്തി.