മൊബൈൽ മോഷണം: യുവാവ് പിടിയിൽ

കോഴിക്കോട്: ട്രെയിനിൽ മൊബൈൽ മോഷ്ടിച്ച യുവാവ് പിടിയിൽ. പത്തനംതിട്ട തിരുവല്ല ചുമത്തറ മുളമൂട്ടിൽ അൽ അമീനാണ് (21) അറസ്റ്റിലായത്. കാസർകോട്ടുനിന്ന് മംഗള എക്സ്പ്രസിൽ തിരൂരിലെത്തിയപ്പോൾ തിരൂരിൽവെച്ച് കാസർകോട്ടുകാരന്റെ മൊബൈൽ ഫോൺ മോഷ്ടിച്ചിറങ്ങവെയാണ് സംശയം തോന്നി പിടിയിലായതെന്ന് റെയിൽവേ പൊലീസ് പറഞ്ഞു. പൊലീസ് ചോദ്യംചെയ്യവേ ഫോൺ അടിച്ചപ്പോൾ കൂടുതൽ ചോദ്യംചെയ്തതിൽ മോഷ്ടിച്ചതാണെന്ന് മനസ്സിലായി.