കണ്ടെയ്​ൻമെൻറ് സോണിൽ കടകൾ അടപ്പിക്കുന്നതിനെതിരെ വ്യാപാരികൾ

കോഴിക്കോട്​: കോവിഡ്​ പ്രതിരോധവുമായി ബന്ധപ്പെട്ട്​ പ്രഖ്യാപിക്കുന്ന കണ്ടെയ്​ൻമെൻറ് സോണിലെ കടകളടപ്പിക്കുന്നതിനെതിരെ വ്യാപാരികൾ​. അവശ്യസാധന കടകൾ ഒഴികെ മറ്റെല്ലാം അടച്ചിടണമെന്നത് അശാസ്ത്രീയമാ​െണന്ന്​​​ വ്യാപാരി വ്യവസായി ഏകോപന സമിതിയും വ്യപാരി വ്യവസായി സമിതിയും ചൂണ്ടിക്കാട്ടുന്നു​. കണ്ടെയ്​ൻമെൻറ്​ സോണുകളിൽ പൊതു വാഹനഗതാഗതം, ബാങ്കുകൾ, ധനകാര്യ സ്ഥാപനങ്ങൾ, സർക്കാർ ഓഫിസുകൾ, മറ്റ്​ ഒാഫിസുകൾ എന്നിവ പതിവുപോലെ പ്രവർത്തിക്കുന്നുണ്ട്​. ഹോട്ടൽ, പലചരക്കുകട, പഴം -പച്ചക്കറിക്കട എന്നിവക്കും വിലക്കില്ല. ഇൗ അവസ്​ഥയിൽ ചുരുക്കം വരുന്ന ഇതര സ്​ഥാപനങ്ങൾ പൂട്ടിയിടണമെന്നത്​ ശാസ്​ത്രീയ നടപടിയല്ല​. നിയന്ത്രണങ്ങൾ കർശനമാക്കി എല്ലാ കടകളും തുറക്കാൻ ജില്ല ഭരണകൂടം അനുവദിക്കുകയാണ്​ വേണ്ടതെന്ന്​ ഭാരവാഹികൾ ആവശ്യപ്പെട്ടു.

മാർക്കറ്റുകളിൽ കോവിഡ്നിയന്ത്രണം ശക്തമാക്കി എല്ലാ കടകളും തുറന്നു പ്രവർത്തിക്കാൻ അനുവദിക്കണമെന്നാവശ്യപ്പെട്ട് പ്രക്ഷോഭം ആരംഭിക്കാനുള്ള ഒരുക്കത്തിലാണ്​ സംഘടനകൾ. ശനിയാഴ്​ച നിലനിൽപിനായുള്ള സത്യഗ്രഹ സമരം എല്ലാ യൂണിനിറ്റിലും സംഘടിപ്പിക്കാൻ വ്യാപാരി വ്യവസായി സമിതി ജില്ല കമ്മിറ്റി തീരുമാനിച്ചു​. പ്രസിഡൻറ്​ സൂര്യ അബ്​ദുൽ ഗഫൂർ അധ്യക്ഷത വഹിച്ചു. ജില്ല സെക്രട്ടറി ടി. മരക്കാർ, സി.കെ. വിജയൻ, കെ.എം. റഫീഖ്, ഗഫൂർ രാജധാനി, സന്തോഷ്‌ സെബാസ്​റ്റ്യൻ എന്നിവർ സംസാരിച്ചു.

കോവിഡി​െൻറ പേരിൽ അശാസ്​ത്രീയമായി കടകളടപ്പിക്കുന്നതിനെതിരെ വ്യാപാരി വ്യവസായി ഏകോപന സമിതി യൂത്ത്​വിങ്​ ജില്ല കമ്മിറ്റിയുടെ നേതൃത്വത്തിൽ കലക്​ടറേറ്റിനുമുന്നിൽ നിരാഹാര സമരം നടത്തി. ജില്ല പ്രസിഡൻറ്​ മനാഫ്​ കാപ്പാട്​, ജനറൽ സെക്രട്ടറി സലീം രാമനാട്ടുകര, വൈസ്​ പ്രസിഡൻറ്​ സിദ്ദീഖ്​ പൂവാട്ടുപറമ്പ്​ എന്നിവർ നടത്തിയ സമരം ഏകോപന സമിതി സംസ്​ഥാന പ്രസിഡൻറ്​ ടി. നസിറുദ്ദീൻ ഉദ്​ഘാടനം ചെയ്​തു. യൂത്ത്​വിങ്​ സംസ്​ഥാന പ്രസിഡൻറ്​ ജോജിൻ ടി. ജോയ്​ അധ്യക്ഷതവഹിച്ചു.

സംസ്​ഥാന സെക്രട്ടറി കെ. സേതുമാധവൻ, എ.വി.എം. കബീർ, കെ.പി. അബ്​ദുൽ റസാഖ്​, വി. സുനിൽ കുമാർ, നൗഷാദ്​ വയനാട്, സലീം രാമനാട്ടുകര തുടങ്ങിയവർ സംസാരിച്ചു.

വ്യാപാരികളുടെ പ്രശ്​നങ്ങൾക്ക്​ ഉടൻ പരിഹാരം കാണുമെന്ന ജില്ല കലക്​ടർ സാംബശിവറാവുവി​െൻറ ഉറപ്പിനെ തുടർന്ന്​ സമരം അവസാനിപ്പിച്ചു.