സമരം ശക്തമാണ്, പക്ഷേ... തങ്കമലക്ക് ആര് മണികെട്ടും?

മേ​പ്പ​യൂ​ർ: ത​ങ്ക​മ​ല ക്വാ​റി​ക്കും ക്ര​ഷ​റി​നു​മെ​തി​രെ​യു​ള്ള രാ​ഷ്ട്രീ​യ പാ​ർ​ട്ടി​ക​ളു​ടെ സ​മ​രം പു​റ​മെ ശ​ക്ത​മാ​ണെ​ങ്കി​ലും ചി​ല ക​ളി​ക​ൾ ന​ട​ക്കു​ന്ന​താ​യി നാ​ട്ടു​കാ​ർ സം​ശ​യി​ക്കു​ന്നു​ണ്ട്. കീ​ഴ​രി​യൂ​രി​ലും തു​റ​യൂ​രി​ലും ഭ​ര​ണം ന​ട​ത്തു​ന്ന എ​ൽ.​ഡി.​എ​ഫി​ലെ സി.​പി.​എം, സി.​പി.​ഐ, എ​ൻ.​സി.​പി ക​ക്ഷി​ക​ൾ സ​മ​ര​രം​ഗ​ത്തു​ണ്ട്. സി.​പി.​എം ഏ​രി​യ ക​മ്മി​റ്റി നേ​തൃ​ത്വ​ത്തി​ൽ ക്വാ​റി​യി​ലേ​ക്ക് മാ​ർ​ച്ച് ന​ട​ത്തി​യി​രു​ന്നു. സി.​പി.​ഐ, എ​ൻ.​സി.​പി നേ​താ​ക്ക​ൾ വ്യ​ത്യ​സ്ത ദി​വ​സ​ങ്ങ​ളി​ൽ ത​ങ്ക​മ​ല സ​ന്ദ​ർ​ശി​ച്ച് ഖ​ന​നം നി​ർ​ത്ത​ണ​മെ​ന്നാ​വ​ശ്യ​പ്പെ​ട്ടി​രു​ന്നു. പ്ര​തി​പ​ക്ഷ​മാ​യ യു.​ഡി.​എ​ഫി​ലെ കോ​ൺ​ഗ്ര​സും മു​സ്‍ലിം ലീ​ഗും ക്വാ​റി- ക്ര​ഷ​ർ വി​രു​ദ്ധ സ​മ​ര​ത്തി​ൽ സ​ജീ​വ​മാ​ണ്. ഡി.​സി.​സി പ്ര​സി​ഡ​ന്റ് അ​ഡ്വ. കെ. ​പ്ര​വീ​ൺ​കു​മാ​ർ സ്ഥ​ലം സ​ന്ദ​ർ​ശി​ച്ചി​രു​ന്നു. മു​സ്‍ലിം ലീ​ഗും സ​മ​ര​ത്തി​ൽ പ​ങ്കാ​ളി​ക​ളാ​യി. ബി.​ജെ.​പി ക്വാ​റി ഉ​പ​രോ​ധ​സ​മ​രം സം​ഘ​ടി​പ്പി​ച്ചി​രു​ന്നു. എം.​ടി. ര​മേ​ശാ​ണ് പ​രി​പാ​ടി ഉ​ദ്ഘാ​ട​നം ചെ​യ്ത​ത്.

വെ​ൽ​ഫെ​യ​ർ പാ​ർ​ട്ടി​യും സ്ഥ​ലം സ​ന്ദ​ർ​ശി​ച്ച് സ​മ​ര​ക്കാ​ർ​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ചു. തു​റ​യൂ​ർ പ​ഞ്ചാ​യ​ത്തി​ന്റെ ഭാ​ഗ​ത്ത് ചേ​ണി​ക്ക​ണ്ടി മൊ​യ്തീ​ന്റെ നേ​തൃ​ത്വ​ത്തി​ലും കീ​ഴ​രി​യൂ​ർ പ​ഞ്ചാ​യ​ത്തി​ന്റെ ഭാ​ഗ​ത്ത് കെ.​എം. സു​ജി​ത്തി​ന്റെ നേ​തൃ​ത്വ​ത്തി​ലും ആ​ക്ഷ​ൻ ക​മ്മി​റ്റി​ക​ൾ നി​ല​വി​ലു​ണ്ട്. എ​ന്നാ​ൽ, ര​ണ്ടു ക​മ്മി​റ്റി​ക​ളും ഒ​രു​മി​ച്ചു​ള്ള പ്ര​വ​ർ​ത്ത​നം ഇ​തു​വ​രെ ന​ട​ത്തി​യി​ട്ടി​ല്ല. ക​മ്പ​നി ന​ട​ത്തി​യ നി​യ​മ​ലം​ഘ​ന​ങ്ങ​ൾ അ​ക്ക​മി​ട്ടു​നി​ര​ത്തി കോ​ട​തി​യെ സ​മീ​പി​ച്ചാ​ൽ ക്വാ​റി പ്ര​വ​ർ​ത്ത​ന​ത്തി​ന് സ്റ്റേ ​ല​ഭി​ക്കു​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

ക്വാ​റി​ക്ക് 50 മീ​റ്റ​ർ ദൂ​ര​പ​രി​ധി​യി​ൽ വീ​ടു​ക​ൾ ഉ​ണ്ടെ​ന്ന കാ​ര്യം മ​റ​ച്ചു​വെ​ച്ചാ​ണ് പാ​രി​സ്ഥി​തി​കാ​നു​മ​തി സം​ഘ​ടി​പ്പി​ച്ച​തെ​ന്ന ആ​രോ​പ​ണ​മു​ണ്ട്. മൈ​നി​ങ് ആ​ൻ​ഡ് ജി​യോ​ള​ജി വ​കു​പ്പി​ൽ​നി​ന്ന് ക​മ്പ​നി​ക്ക് റോ​യ​ൽ​റ്റി ഫീ​സി​ൽ ഉ​ൾ​പ്പെ​ടെ വ​ൻ കു​റ​വ് വ​രു​ത്തി​യെ​ന്നും സം​സാ​ര​മു​ണ്ട്. ഖ​ന​നം ന​ട​ത്താ​ൻ ജി​യോ​ള​ജി​യി​ൽ അ​ട​ക്കേ​ണ്ട ഫീ​സാ​ണ് റോ​യ​ൽ​റ്റി ഫീ​സ്. ഖ​ന​നം ന​ട​ത്തു​ന്ന അ​ള​വി​ന​നു​സ​രി​ച്ചാ​ണ് ഫീ​സ് ഈ​ടാ​ക്കു​ന്ന​ത്. ക്വാ​റി, ക്ര​ഷ​ർ വി​വ​ര​ങ്ങ​ള​റി​യാ​ൻ ജി​യോ​ള​ജി വ​കു​പ്പി​ൽ ഉ​ൾ​പ്പെ​ടെ വി​വ​രാ​വ​കാ​ശ അ​പേ​ക്ഷ ന​ൽ​കി​യെ​ങ്കി​ലും വി​വ​രം ത​രേ​ണ്ട സ​മ​യ​പ​രി​ധി ക​ഴി​ഞ്ഞി​ട്ടും ല​ഭി​ച്ചി​ല്ലെ​ന്ന് സ​മ​ര​സ​മി​തി ക​ൺ​വീ​ന​ർ സു​ജി​ത്ത് പ​റ​ഞ്ഞു. ഒ​രു ക്ര​ഷ​റി​നേ അ​നു​മ​തി​യു​ള്ളൂ​വെ​ങ്കി​ലും ര​ണ്ടു ക്ര​ഷ​ർ പ്ര​വ​ർ​ത്തി​ക്കു​ന്നു​ണ്ട്. കാ​ല​വ​ർ​ഷം ശ​ക്തി​പ്രാ​പി​ച്ച​തോ​ടെ സം​സ്ഥാ​ന ദു​ര​ന്ത​നി​വാ​ര​ണ സ​മി​തി​യു​ടെ നി​ർ​ദേ​ശ​പ്ര​കാ​രം നി​ല​വി​ൽ എ​ല്ലാ ക്വാ​റി പ്ര​വ​ർ​ത്ത​ന​വും നി​ർ​ത്തി​വെ​ച്ച​തു​കൊ​ണ്ട് ത​ങ്ക​മ​ല​യി​ലും ഇ​പ്പോ​ൾ ഖ​ന​നം ന​ട​ക്കു​ന്നി​ല്ല. എ​ന്നാ​ൽ, മ​ഴ​യു​ടെ ശ​ക്തി കു​റ​ഞ്ഞാ​ൽ ഈ ​നി​രോ​ധ​നം നീ​ങ്ങും. അ​പ്പോ​ൾ ത​ങ്ക​മ​ല ക്വാ​റി, ക്ര​ഷ​ർ പ്ര​വ​ർ​ത്ത​നം പൂ​ർ​വാ​ധി​കം ശ​ക്ത​മാ​യി പു​ന​രാ​രം​ഭി​ക്കു​മെ​ന്ന ഭ​യ​പ്പാ​ടി​ലാ​ണ് നാ​ട്ടു​കാ​ർ. ന​ട​ക്കു​ന്ന​തെ​ല്ലാം നി​യ​മ​ലം​ഘ​ന​​ങ്ങ​ളാ​ണെ​ങ്കി​ലും അ​തി​നെ​തി​രെ ശ​ക്ത​മാ​യി നി​ല​കൊ​ള്ളും. ഇ​ക്കാ​ര്യ​ങ്ങ​ൾ കോ​ട​തി​യി​ൽ അ​വ​ത​രി​പ്പി​ച്ച് ക്വാ​റി​പ്ര​വ​ർ​ത്ത​നം അ​വ​സാ​നി​പ്പി​ച്ച് നാ​ടി​ന്റെ സ​മാ​ധാ​നം ആ​ര് തി​രി​ച്ചു​കൊ​ണ്ടു​വ​രും എ​ന്നാ​ണ് അ​വ​ർ ചോ​ദി​ക്കു​ന്ന ചോ​ദ്യം.

പ്ര​വ​ർ​ത്ത​നം നി​യ​മാ​നു​സൃ​തം -വ​ഗാ​ഡ്

മേ​പ്പ​യൂ​ർ: ത​ങ്ക​മ​ല​യി​ലെ ക്വാ​റി, ക്ര​ഷ​ർ പ്ര​വ​ർ​ത്ത​നം നി​യ​മാ​നു​സൃ​ത​മാ​ണെ​ന്ന് വ​ഗാ​ഡ് ക​മ്പ​നി അ​ഡ്മി​നി​സ്ട്രേ​റ്റി​വ് ഓ​ഫി​സ​ർ ജി​നി​ൽ​കു​മാ​ർ ‘മാ​ധ്യ​മ’​ത്തോ​ട് പ​റ​ഞ്ഞു.

ക്വാ​റി, ക്ര​ഷ​ർ പ്ര​വ​ർ​ത്ത​നം നി​ല​ച്ചാ​ൽ ദേ​ശീ​യ​പാ​ത പ്ര​വൃ​ത്തി ത​ട​സ്സ​പ്പെ​ടും. ദേ​ശീ​യ​പാ​ത വി​ക​സ​നം വെ​ങ്ങ​ളം-​അ​ഴി​യൂ​ർ 43 കി​ലോ​മീ​റ്റ​ർ ഏ​റ്റെ​ടു​ത്തി​രി​ക്കു​ന്ന​ത് വ​ഗാ​ഡ് ആ​ണ്. ഈ ​പ്ര​വ​ർ​ത്ത​നം ത്വ​രി​ത​പ്പെ​ടു​ത്താ​ൻ അ​സം​സ്കൃ​ത വ​സ്തു​ക്ക​ൾ ത​ട​സ്സ​മി​ല്ലാ​തെ ല​ഭ്യ​മാ​ക്കേ​ണ്ട​തു​ണ്ട്. മ​ഴ​യി​ൽ ദേ​ശീ​യ​പാ​ത പ​യ്യോ​ളി​യി​ൽ വെ​ള്ള​ത്തി​ൽ മു​ങ്ങാ​ൻ കാ​ര​ണം പു​തി​യ പ്ര​വൃ​ത്തി ത​ട​സ്സ​പ്പെ​ട്ട​താ​ണ്. മേ​പ്പ​യൂ​ർ പ​ഞ്ചാ​യ​ത്തി​ലെ മ​ഞ്ഞ​ക്കു​ള​ത്തു​നി​ന്ന് മ​ണ്ണെ​ടു​ക്കു​ന്ന​ത് ത​ട​ഞ്ഞ​താ​ണ് പ​യ്യോ​ളി വെ​ള്ള​ത്തി​ൽ മു​ങ്ങാ​ൻ കാ​ര​ണം. ക്വാ​റി​യു​ടെ സു​ഗ​മ​മാ​യ ന​ട​ത്തി​പ്പി​ന് ക​ല​ക്ട​റു​ടെ നേ​തൃ​ത്വ​ത്തി​ൽ കൊ​യി​ലാ​ണ്ടി താ​ലൂ​ക്ക് ഓ​ഫി​സി​ൽ ജ​ന​പ്ര​തി​നി​ധി​ക​ളു​ടെ​യും രാ​ഷ്ട്രീ​യ ക​ക്ഷി പ്ര​തി​നി​ധി​ക​ളു​ടെ​യും യോ​ഗം ചേ​ർ​ന്നി​രു​ന്നു. ആ ​യോ​ഗ​ത്തി​ൽ മു​ന്നോ​ട്ടു​വെ​ച്ച എ​ല്ലാ നി​ർ​ദേ​ശ​ങ്ങ​ളും അം​ഗീ​ക​രി​ച്ചാ​ണ് ക​മ്പ​നി മു​ന്നോ​ട്ടു​പോ​കു​ന്ന​ത്. സം​സ്ഥാ​ന പാ​രി​സ്ഥി​തി​കാ​ഘാ​ത വി​ല​യി​രു​ത്ത​ൽ സ​മി​തി, മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ്, മൈ​നി​ങ് ആ​ൻ​ഡ് ജി​യോ​ള​ജി തു​ട​ങ്ങി എ​ല്ലാ അ​ധി​കാ​ര​കേ​ന്ദ്ര​ങ്ങ​ളി​ൽ​നി​ന്നും അ​നു​മ​തി ല​ഭി​ച്ച​താ​ണെ​ന്നും വ​ഗാ​ഡ് അ​ധി​കൃ​ത​ർ വ്യ​ക്ത​മാ​ക്കി.

(അവസാനിച്ചു)