മെ​ഡി. കോ​ള​ജ് മാ​ലി​ന്യ​ പ്ലാ​ന്‍റ് ന​വീ​ക​ര​ണം ഈ ​വ​ർ​ഷം പൂ​ർ​ത്തി​യാ​ക്കും

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് കാ​മ്പ​സി​ന​ക​ത്തു​നി​ന്ന് വി​യോ​ജി​പ്പു​ക​ൾ ഉ​യ​രു​ന്നു​ണ്ടെ​ങ്കി​ലും കാ​മ്പ​സി​ലെ ശു​ചി​മു​റി മാ​ലി​ന്യ സം​സ്ക​ര​ണ പ​ദ്ധ​തി​യു​മാ​യി കോ​ർ​പ​റേ​ഷ​ൻ മു​ന്നോ​ട്ട്.കോ​ർ​പ​റേ​ഷ​ൻ അ​മൃ​ത് പ​ദ്ധ​തി​യു​ടെ ഭാ​ഗ​മാ​യി മെ​ഡി​ക്ക​ൽ കോ​ള​ജി​ൽ സ്ഥാ​പി​ച്ച ശു​ചി​മു​റി മാ​ലി​ന്യ സം​സ്ക​ര​ണ (എ​സ്.​ടി.​പി) പ്ലാ​ന്‍റ് ന​വീ​ക​ര​ണം ഈ ​വ​ർ​ഷം ഡി​സം​ബ​ർ 31ന​കം പൂ​ർ​ത്തീ​ക​രി​ക്കാ​നാ​ണ് നീ​ക്കം.

ഇ​തു സം​ബ​ന്ധി​ച്ച അ​ജ​ണ്ട​ക​ളി​ൽ ബു​ധ​നാ​ഴ്ച ന​ട​ക്കു​ന്ന കോ​ർ​പ​റേ​ഷ​ൻ കൗ​ൺ​സി​ൽ അ​ടി​യ​ന്ത​ര തീ​രു​മാ​മെ​ടു​ക്കും. അ​മൃ​ത് ഒ​ന്ന് പ​ദ്ധ​തി​യു​ടെ എ​ല്ലാ പ്ര​വൃ​ത്തി​ക​ളും ഈ ​വ​ർ​ഷം ഡി​സം​ബ​ർ 31ന് ​മു​മ്പ് പൂ​ർ​ത്തി​യാ​ക്കേ​ണ്ട​തി​നാ​ലാ​ണ് അ​ടി​യ​ന്ത​ര​മാ​യി ന​വീ​ക​ര​ണം പൂ​ർ​ത്തി​യാ​ക്കു​ന്ന​ത്. എ​സ്.​ടി.​പി പ്ലാ​ന്‍റി​ലേ​ക്ക് മോ​ട്ട​ർ ഘ​ടി​പ്പി​ക്കു​ന്ന​തി​നും വൈ​ദ്യു​തീ​ക​ര​ണ​ത്തി​നും അ​ധി​ക​മാ​യി വ​രു​ന്ന 27,58,008 രൂ​പ അ​നു​വ​ദി​ക്കു​ന്ന​തി​ന് കോ​ർ​പ​റേ​ഷ​ൻ ത​ത്ത്വ​ത്തി​ൽ അ​നു​മ​തി​യാ​യി​ട്ടു​ണ്ട്.

ഇ​ത് കൗ​ൺ​സി​ലി​ന്‍റെ പ​രി​ഗ​ണ​ന​യി​ലാ​ണ്. പൊ​ലൂ​ഷ​ൻ ക​ൺ​ട്രോ​ൾ ബോ​ഡി​ന്‍റെ നി​ർ​ദേ​ശ​പ്ര​കാ​രം മെ​ഡി​ക്ക​ൽ കോ​ള​ജി​ലെ എ​സ്.​ടി.​പി​ക​ൾ​ക്ക് ഓ​ൺ​ലൈ​ൻ ക​ണ്ടി​ന്യു​സ് എ​ഫ്ലു​വ​ന്‍റ് മോ​ണി​റ്റ​റി​ങ് സി​സ്റ്റം സ്ഥാ​പി​ക്കാ​ൻ നി​ർ​ദേ​ശി​ച്ചി​രു​ന്നു. ഇ​ത് അ​മൃ​ത് ഒ​ന്ന് പ​ദ്ധ​തി​യി​ൽ ഉ​ൾ​പ്പെ​ടു​ത്തി പൂ​ർ​ത്തീ​ക​രി​ക്കാ​നും തീ​രു​മാ​നി​ച്ചി​രു​ന്നു. ഇ​തും അ​ടി​യ​ന്ത​ര പ്രാ​ധാ​ന്യ​ത്തോ​ടെ ഡി​സം​ബ​റി​ന് മു​മ്പ് പൂ​ർ​ത്തീ​ക​രി​ക്കും.

പ​ദ്ധ​തി​യി​ലേ​ക്കാ​യി മൊ​ബൈ​ൽ സെ​പ്റ്റേ​ഡ് യൂ​നി​റ്റ് വാ​ങ്ങു​ന്ന​തി​നു പ​ക​രം സെ​പ്റ്റേ​ജ് സ​ക്ക​ർ മെ​ഷീ​നു​ക​ൾ വാ​ങ്ങാ​നും തീ​രു​മാ​ന​മെ​ടു​ത്തി​രു​ന്നു. ഇ​ത് നി​ല​വി​ൽ ടെ​ൻ​ഡ​ർ ചെ​യ്തി​ട്ടു​ള്ള അ​മൃ​ത് ഒ​ന്ന് പ​ദ്ധ​തി​യി​ൽ ഉ​ൾ​പ്പെ​ടു​ത്തി വാ​ങ്ങു​ന്ന​തി​നു​ള്ള അ​നു​മ​തി​ക്കാ​യി അ​മൃ​ത് ടെ​ക്നി​ക്ക​ൽ ക​മ്മി​റ്റി​ക്ക് സ​മ​ർ​പ്പി​ക്കാ​നും തീ​രു​മാ​ന​മാ​യി​ട്ടു​ണ്ട്. പ​ദ്ധ​തി സ്ഥ​ല​ത്ത് സി.​സി.​ടി.​വി സ്ഥാ​പി​ക്കു​ന്ന​തി​ന് അ​നു​മ​തി ന​ൽ​കു​ന്ന​തും യോ​ഗം ഇ​ന്ന് പ​രി​ഗ​ണി​ക്കും. എ​സ്.​ടി.​പി പ​ദ്ധ​തി​യു​ടെ ഇ​ല​ക്ട്രി​ക്ക​ൽ പ്ര​വൃ​ത്തി​യു​ടെ കാ​ലാ​വ​ധി ദീ​ർ​ഘി​പ്പി​ക്കു​ന്ന​തും കൗ​ൺ​സി​ൽ ബു​ധ​നാ​ഴ്ച പ​രി​ഗ​ണി​ക്കും.