മെഡിക്കൽ കോളജിൽ അധ്യാപകൻ ഹോസ്റ്റലിൽ കയറി മർദിച്ചെന്ന്​ പരാതി

കോ​ഴി​ക്കോ​ട്​: മെ​ഡി​ക്ക​ൽ കോ​ള​ജ്​ എം.​ബി.​ബി.​എ​സ്​ ര​ണ്ടാം വ​ർ​ഷ വി​ദ്യാ​ർ​ഥി​യെ അ​ധ്യാ​പ​ക​ൻ ഹോ​സ്റ്റ​ലി​ൽ ക​യ​റി മ​ർ​ദി​ച്ച​താ​യി പ​രാ​തി. ചീ​ഫ്​ വാ​ർ​ഡ​ന്‍റെ ചു​മ​ത​ല​യു​ള്ള, ഗൈ​ന​ക്ക് ​ഓ​ങ്കോ​ള​ജി വി​ഭാ​ഗ​ത്തി​ലെ ഡോ. ​സ​ന്തോ​ഷ്​ കു​ര്യാ​ക്കോ​സ്​ മ​ർ​ദി​ച്ചു​വെ​ന്നാ​ണ്​ വി​ദ്യാ​ർ​ഥി പ​രാ​തി ന​ൽ​കി​യ​ത്. വ്യാ​ഴാ​ഴ്ച വൈ​കീ​ട്ട്​ മൂ​ന്നോ​ടെ​യാ​ണ്​ സം​ഭ​വം. ഹോ​സ്റ്റ​ൽ മു​റി​യി​ൽ ഉ​റ​ങ്ങി​ക്കി​ട​ക്കു​ക​യാ​യി​രു​ന്ന വി​ദ്യാ​ർ​ഥി​യെ അ​ധ്യാ​പ​ക​ൻ ബൂ​ട്ടി​ട്ട്​ ച​വി​ട്ടി എ​ന്ന്​ പ​രാ​തി​യി​ൽ പ​റ​യു​ന്നു. ച​വി​ട്ടി എ​ഴു​ന്നേ​ൽ​പ്പി​ച്ച ശേ​ഷം വി​ദ്യാ​ർ​ഥി​യു​ടെ മു​ഖ​ത്ത്​ അ​ടി​ക്കാ​ൻ ശ്ര​മി​ക്കു​ക​യും മാ​താ​പി​താ​ക്ക​ളെ അ​ട​ക്കം അ​സ​ഭ്യം പ​റ​യു​ക​യും ചെ​യ്തു​വെ​ന്നും പ​രാ​തി​യി​ൽ ഉ​ണ്ട്. അ​ടു​ത്തു​ണ്ടാ​യി​രു​ന്ന വി​ദ്യാ​ർ​ഥി​ക​ളെ​യും അ​വ​രു​ടെ മാ​താ​പി​താ​ക്ക​ളെ​യും അ​സ​ഭ്യം പ​റ​യു​ക​യും തി​രി​കെ​പോ​കു​ന്ന വ​ഴി സെ​ക്യൂ​രി​റ്റി ജീ​വ​ന​ക്കാ​ര​നോ​ടും മോ​ശ​മാ​യി പെ​രു​മാ​റു​ക​യും ചെ​യ്തു​വെ​ന്നും പ​രാ​തി​യി​ൽ വ്യ​ക്​​ത​മാ​ക്കു​ന്നു. അ​ധ്യാ​പ​ക​നി​ൽ നി​ന്ന്​ ഉ​ണ്ടാ​കാ​ൻ പാ​ടി​ല്ലാ​ത്ത പെ​രു​മാ​റ്റ​മാ​യ​തി​നാ​ൽ ഉ​ചി​ത​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന്​ പ്രി​ൻ​സി​പ്പ​ലി​ന്​ ന​ൽ​കി​യ പ​രാ​തി​യി​ൽ യൂ​നി​യ​ൻ ആ​വ​ശ്യ​പ്പെ​ട്ടു.

വാ​ർ​ഡ​ൻ​സ്ഥാ​ന​ത്തു​നി​ന്ന്​ ഡോ. ​സ​ന്തോ​ഷ്​ കു​ര്യാ​ക്കോ​സ്​ രാ​ജി​വെ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ കോ​ള​ജ്​ യൂ​നി​യ​ന്‍റെ നേ​തൃ​ത്വ​ത്തി​ൽ വി​ദ്യാ​ർ​ഥി​ക​ൾ ഐ.​എം.​സി.​എ​ച്ചി​ലേ​ക്ക്​ പ്ര​തി​ഷേ​ധ മാ​ർ​ച്ച്​ ന​ട​ത്തി. പ്രി​ൻ​സി​പ്പ​ൽ ഓ​ഫി​സി​ന്​ മു​ന്നി​ൽ​നി​ന്ന് ആ​രം​ഭി​ച്ച മാ​ർ​ച്ച്​ ഐ.​എം.​സി.​എ​ച്ചി​ലെ വാ​ർ​ഡു​ക​ൾ​ക്ക്​ മു​ന്നി​ലൂ​ടെ പ്ര​തി​ഷേ​ധ മു​ദ്രാ​വാ​ക്യ​മു​യ​ർ​ത്തി മു​ന്നേ​റി. വാ​ർ​ഡു​ക​ളി​ൽ രോ​ഗി​ക​ൾ ഉ​ള്ള​തി​നാ​ൽ അ​വ​ർ​ക്ക്​ ബു​ദ്ധി​മു​ട്ട്​ ഉ​ണ്ടാ​ക്ക​രു​തെ​ന്ന മ​റ്റു ഡോ​ക്ട​ർ​മാ​രു​ടെ അ​ഭ്യ​ർ​ഥ​ന മാ​നി​ച്ച്​ ആ​ശു​പ​ത്രി​യി​ൽ​നി​ന്ന്​ പു​റ​ത്തി​റ​ങ്ങി​യ വി​ദ്യാ​ർ​ഥി​ക​ൾ വീ​ണ്ടും പ്രി​ൻ​സി​പ്പ​ൽ ഓ​ഫി​സി​നു മു​​ന്നി​ലേ​ക്ക്​ മാ​ർ​ച്ച്​ ന​ട​ത്തി. തു​ട​ർ​ന്ന്​ പ്രി​ന്‍സി​പ്പ​ലി​ന്​ യൂ​നി​യ​ൻ പ​രാ​തി കൈ​മാ​റി. സം​ഭ​വ​ത്തി​ൽ വി​ദ്യാ​ർ​ഥി​യും വി​ദ്യാ​ർ​ഥി യൂ​നി​യ​നും എ​സ്.​എ​ഫ്.​ഐ​യും പ്രി​ൻ​സി​പ്പ​ലി​ന്​ പ​രാ​തി ന​ൽ​കി​യി​ട്ടു​ണ്ട്. പ​രാ​തി​ ഉ​റ​പ്പു​വ​രു​ത്തി​യ ശേ​ഷം അ​ന്വേ​ഷ​ണ ക​മ്മി​റ്റി​യെ നി​യോ​ഗി​ക്കു​മെ​ന്നും ക​മ്മി​റ്റി​യു​ടെ റി​പ്പോ​ർ​ട്ട്​ പ്ര​കാ​ര​മാ​യി​രി​ക്കും തു​ട​ർ ന​ട​പ​ടി​ക​ളെ​ന്നും മെ​ഡി​ക്ക​ൽ കോ​ള​ജ്​ പ്രി​ൻ​സി​പ്പ​ൽ ഡോ. ​വി.​ആ​ർ. രാ​ജേ​ന്ദ്ര​ൻ പ​റ​ഞ്ഞു.

അ​തേ​സ​മ​യം, വി​ദ്യാ​ർ​ഥി​യെ ദേ​ഹോ​പ​ദ്ര​വം ചെ​യ്​​തെ​ന്ന ആ​രോ​പ​ണം ഡോ. ​സ​ന്തോ​ഷ്​ കു​ര്യാ​ക്കോ​സ്​ നി​ഷേ​ധി​ച്ചു. ഒ​ന്നാം വ​ർ​ഷ വി​ദ്യാ​ർ​ഥി​ക​ളെ റാ​ഗ്​ ചെ​യ്യു​ന്നു​ണ്ടെ​ന്ന വി​വ​ര​ത്തെ തു​ട​ർ​ന്ന്​ ഈ ​ബ്ലോ​ക്കി​ൽ​നി​ന്ന്​ ര​ണ്ടാം വ​ർ​ഷ വി​ദ്യാ​ർ​ഥി​ക​ളെ മാ​റ്റാ​ൻ ഡി.​എം.​ഇ​യി​ൽ​നി​ന്ന്​ ഉ​ത്ത​ര​വു​ണ്ടാ​യി​രു​ന്നു​വെ​ന്ന്​ ഡോ​ക്ട​ർ പ​റ​ഞ്ഞു. വി​ദ്യാ​ർ​ഥി​ക​ളെ മാ​റ്റാ​ൻ പ്രി​ൻ​സി​പ്പ​ലി​ന്‍റെ നി​ർ​ദേ​ശ​പ്ര​കാ​ര​മാ​ണ്​ താ​ൻ ഹോ​സ്റ്റ​ലി​ൽ ചെ​ന്ന​ത്. വി​ദ്യാ​ർ​ഥി​ക​ൾ മാ​റാ​ൻ ത​യാ​റ​ല്ലെ​ന്ന്​ പ​റ​ഞ്ഞ്​ ത​ന്നോ​ട്​ ത​ട്ടി​ക്ക​യ​റു​ക​യാ​യി​രു​ന്നു. ത​നി​ക്കെ​തി​രെ പ​രാ​തി​യു​ണ്ടെ​ങ്കി​ൽ ​പ്രി​ൻ​സി​പ്പ​ലി​നെ സ​മീ​പി​ക്കു​​ക​യോ നി​യ​മ​വ​ഴി സ്വീ​ക​രി​ക്കു​ക​യോ ചെ​യ്യാ​മാ​യി​രു​ന്നി​ട്ടും ന​വ​ജാ​ത ശി​ശു​ക്ക​ളും അ​മ്മ​മാ​രും കി​ട​ക്കു​ന്ന വാ​ർ​ഡി​ലൂ​ടെ വി​ദ്യാ​ർ​ഥി​ക​ൾ ത​നി​ക്കെ​തി​രെ മു​ദ്രാ​വാ​ക്യം വി​ളി​ച്ച്​ മാ​ർ​ച്ച്​ ന​ട​ത്തി​യ​ത്​ അം​ഗീ​ക​രി​ക്കാ​നാ​വി​ല്ലെ​ന്നും ഡോ​ക്ട​ർ പ​റ​ഞ്ഞു.