വേണം മെഡിക്കൽ കോളജിന് അടിയന്തര ചികിത്സ സഹായം

കോ​ഴി​ക്കോ​ട്: മ​രു​ന്നി​ല്ലാ​തെ ശീ​ട്ടി​ൽ സീ​ൽ അ​ടി​ച്ചു​കൊ​ടു​ക്കു​ന്ന ന്യാ​യ​വി​ല മെ​ഡി​ക്ക​ൽ ഷോ​പ്, ഇം​പ്ലാ​ന്‍റു​ക​ൾ ല​ഭി​ക്കാ​തെ രോ​ഗി​ക​ൾ ഒ​ഴി​ഞ്ഞ ഓ​ർ​ത്തോ വാ​ർ​ഡു​ക​ൾ, തി​ര​ക്കൊ​ഴി​ഞ്ഞ ഓ​പ​റേ​ഷ​ൻ തി​യ​റ്റ​റു​ക​ൾ, സ്റ്റ​ൻഡി​ല്ലാ​തെ പ്ര​വ​ർ​ത്ത​നം മു​ട​ങ്ങി​യ ഡി​ജി​റ്റ​ൽ സ​ബ്സ്ട്രാ​ക്ഷ​ൻ ആ​ൻ​ജി​യോ​ഗ്ര​ഫി യൂ​നി​റ്റ്, ഡ​യ​ലൈ​സ​ർ ല​ഭി​ക്കാ​തെ വ​ട്ടം ക​റ​ങ്ങു​ന്ന ഡ​യാ​ലി​സി​സ് യൂ​നി​റ്റ്.... ഒ​രു അ​ടി​യ​ന്ത​ര ചി​കി​ത്സ​ക്കു​ള്ള സ​ഹാ​യം കാ​ത്തു​കി​ട​ക്കു​യാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി.

ആ​ശു​പ​ത്രി വി​ക​സ​ന സ​മി​തി​യു​ടെ ന്യാ​യ​വി​ല മെ​ഡി​ക്ക​ൽ ഷോ​പ്പി​ലേ​ക്കും സ​ർ​ജി​ക്ക​ൽ ഷോ​പ്പി​ലും മ​രു​ന്നും ഉ​പ​ക​ര​ണ​ങ്ങ​ളും ല​ഭി​ക്കാ​തെ ചി​കി​ത്സ മു​ട​ങ്ങി രോ​ഗി​ക​ൾ ദു​രി​തം​പേ​റു​മ്പോ​ഴും അ​ധി​കൃ​ത​ർ നി​സ്സം​ഗ​രാ​യി നോ​ക്കി​നി​ൽ​ക്കു​ന്നു. അ​ടി​യ​ന്ത​ര ശ​സ്ത്ര​ക്രി​യ​ക​ൾ​ക്കു​ള്ള ഇം​പ്ലാ​ന്‍റു​ക​ളു​ടെ വി​ത​ര​ണം വ​രെ നി​ല​ച്ച മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പു​റ​ത്തു​നി​ന്ന് പ​ണം​മു​ട​ക്കി മ​രു​ന്നും ഉ​പ​ക​ര​ണ​ങ്ങ​ളും വാ​ങ്ങി​ന​ൽ​കി​യാ​ലേ ശ​സ്ത്ര​ക്രി​യ​ക​ൾ ന​ട​ക്കു​ക​യു​ള്ളു. ചി​കി​ത്സ​ക്ക് ഇ​ൻ​ഷു​റ​ൻ​സ് ആ​നു​കൂ​ല്യം പ്ര​തീ​ക്ഷി​ച്ചെ​ത്തു​ന്ന പാ​വ​പ്പെ​ട്ട മ​നു​ഷ്യ​രാ​ണ് ഏ​റെ പ്ര​യാ​സ​പ്പെ​ടു​ന്ന​ത്.

കു​ടി​ശ്ശി​ക 80 കോ​ടി ക​ട​ന്ന​തോ​ടെ ജ​നു​വ​രി 10 മു​ത​ലാ​ണ് വി​ത​ര​ണ​ക്കാ​ർ ന്യാ​യ​വി​ല മെ​ഡി​ക്ക​ൽ ഷോ​പ്പി​ലേ​ക്കു​ള്ള മ​രു​ന്ന് വി​ത​ര​ണം നി​ർ​ത്തി​യ​ത്. കാ​ൻ​സ​ർ, ഡ​യാ​ലി​സി​സ്, കാ​ർ​ഡി​യോ​ള​ജി മ​രു​ന്നു​ക​ൾ​ക്ക് ക​ടു​ത്ത ക്ഷാ​മ​മാ​ണ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ അ​നു​ഭ​വ​പ്പെ​ടു​ന്ന​ത്. ഇ​തോ​ടെ കാ​രു​ണ്യ ഇ​ൻ​ഷു​റ​ൻ​സ് വ​ഴി​യു​ള്ള ചി​കി​ത്സ മു​ട​ങ്ങി. പ്ര​തി​ഷേ​ധ​വും വി​മ​ർ​ശ​ന​വും ശ​ക്ത​മാ​യ​തോ​ടെ കാ​രു​ണ്യ ഫാ​ർ​മ​സി വ​ഴി ഇ​ൻ​ഷു​റ​ൻ​സ് വി​ഭാ​ഗ​ത്തി​നു​ള്ള 155 ഇ​നം മ​രു​ന്ന് എ​ത്തി​ക്കാ​ൻ ശ്ര​മം ന​ട​ത്തി​യെ​ങ്കി​ലും ഫ​ല​പ്ര​ദ​മാ​യി​ല്ല. നാ​മ​മാ​ത്ര​മാ​യ സ്റ്റോ​ക്ക് മാ​ത്ര​മാ​ണ് കെ.​എം.​എ​സ്.​സി.​എ​ൽ വ​ഴി കാ​രു​ണ്യ ഫാ​ർ​മ​സി​യി​ൽ എ​ത്തി​യ​ത്. ഇ​തി​നി​ടെ കു​ടി​ശ്ശി​ക ആ​റു കോ​ടി ക​ട​ന്ന് ഡി​ജി​റ്റ​ൽ സ​ബ്സ്ട്രാ​ക്ഷ​ൻ ആ​ൻ​ജി​യോ​ഗ്ര​ഫി യൂ​നി​റ്റ് പ്ര​വ​ർ​ത്ത​നം ത​ട​സ്സ​പ്പെ​ട്ടു.

തൊ​ട്ട​ടു​ത്ത ദി​വ​സം ത​ന്നെ സ​ർ​ജി​ക്ക​ൽ ഇം​പ്ലാ​ന്‍റ് വി​ത​ര​ണ​വും നി​ർ​ത്തി. ഇം​പ്ലാ​ന്‍റു​ക​ൾ ഇ​ല്ലാ​ത്ത​തി​നാ​ൽ ഓ​ർ​ത്തോ വാ​ർ​ഡി​ൽ ശ​സ്ത്ര​ക്രി​യ കാ​ത്തി​രു​ന്ന രോ​ഗി​ക​ൾ ഡി​സ്ചാ​ർ​ജ് ചെ​യ്തു മ​ട​ങ്ങി. ന്യാ​യ​വി​ല മെ​ഡി​ക്ക​ൽ ഷോ​പ്പി​ൽ ല​ഭി​ക്കാ​ത്ത മ​രു​ന്നു പു​റ​ത്ത് മി​ൽ​മ ബൂ​ത്തി​ന​ടു​ത്തു​ള്ള ആ​ശു​പ​ത്രി വി​ക​സ​ന സ​മി​തി​യു​ടെ ഫാ​ർ​മ​സി​യി​ലേ​ക്കും അ​വി​ടെ​യും ല​ഭ്യ​മ​ല്ലെ​ങ്കി​ൽ കാ​രു​ണ്യ ഫാ​ർ​മ​സി​യി​ലേ​ക്കും അ​വി​ടെ​നി​ന്നും കി​ട്ടാ​ത്ത മ​രു​ന്നു​ക​ൾ എ​ച്ച്.​എ​ൽ.​എ​ൽ ഫാ​ർ​മ​സി​യി​ലേ​ക്കും ഇ​വി​ട​ങ്ങ​ളി​ലൊ​ന്നും ല​ഭ്യ​മ​ല്ലെ​ങ്കി​ൽ പു​റ​ത്ത് സ​ഹ​ക​ര​ണ ബാ​ങ്കി​ന്‍റെ നീ​തി മെ​ഡി​ക്ക​ൽ സ്റ്റോ​റി​ലേ​ക്കു​മാ​ണ് ആ​ശു​പ​ത്രി​യി​ൽ ആ​രോ​ഗ്യ ഇ​ൻ​ഷു​റ​ൻ​സ് വ​ഴി​യു​ള്ള മ​രു​ന്നി​ന് ശീ​ട്ട് ന​ൽ​കു​ക.

ആ​ദ്യ​ഘ​ട്ട​ത്തി​ൽ നീ​തി മെ​ഡി​ക്ക​ൽ സ്റ്റോ​ർ ഇ​ൻ​ഷു​റ​ൻ​സ് ഇ​ന​ത്തി​ൽ മ​രു​ന്ന് വി​ത​ര​ണം ചെ​യ്തെ​ങ്കി​ലും ഇ​പ്പോ​ൾ ല​ഭി​ക്കു​ന്നി​ല്ലെ​ന്ന് രോ​ഗി​ക​ൾ പ​റ​ഞ്ഞു. കു​ടി​ശ്ശി​ക കൂ​ടി​യ​തോ​ടെ എ​ച്ച്.​എ​ൽ.​എ​ല്ലും ഇ​ൻ​ഷു​റ​ൻ​സു​കാ​ർ​ക്കു​ള്ള മ​രു​ന്ന് വി​ത​ര​ണ​ത്തി​ൽ​നി​ന്ന് പി​ന്മാ​റു​ക​യാ​ണെ​ന്ന് അ​റി​യി​ച്ച​താ​യാ​ണ് വി​വ​രം. വി​വി​ധ ആ​രോ​ഗ്യ ഇ​ൻ​ഷു​റ​ൻ​സ് വ​ഴി ചി​കി​ത്സ ല​ഭ്യ​മാ​ക്കി​യ ഇ​ന​ത്തി​ൽ സ്റ്റേ​റ്റ് ഹെ​ൽ​ത്ത് ഏ​ജ​ൻ​സി​യി​ൽ​നി​ന്ന് 225 കോ​ടി രൂ​പ​യാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ന് ല​ഭി​ക്കാ​നു​ള്ള​ത്. ഇ​ത് ല​ഭി​ക്കാ​ത്ത​താ​ണ് ഏ​ജ​സി​ക​ൾ​ക്ക് കു​ടി​ശ്ശി​ക കു​ന്നു​കൂ​ടാ​ൻ ഇ​ട​യാ​ക്കു​ന്ന​ത്.എ​ന്നാ​ൽ, മ​റ്റ് ജി​ല്ല​ക​ളി​ലും കു​ടി​ശ്ശി​ക​യു​ണ്ടെ​ന്നും കോ​ഴി​ക്കോ​ട് മാ​ത്രം എ​ന്തി​നാ​ണ് വി​ത​ര​ണ​ക്കാ​രു​ടെ സ​മ​ര​മെ​ന്നു​മു​ള്ള നി​ഷേ​ധാ​ത്മ​ക നി​ല​പാ​ടാ​ണ് ആ​രോ​ഗ്യ​വ​കു​പ്പ് ഇ​ക്കാ​ര്യ​ത്തി​ൽ സ്വീ​ക​രി​ക്കു​ന്ന​ത്. ഇ​തി​നി​ടെ ചി​കി​ത്സ​കി​ട്ടാ​തെ പ്ര​യാ​സ​പ്പെ​ടു​ക​യാ​ണ് സാ​ധാ​ര​ണ​ക്കാ​ർ.