മെഡിക്കല്‍ കോളജ് ഐ.സി.യു പീഡനം; അഡീഷനല്‍ സൂപ്രണ്ട് അടക്കമുള്ളവരിൽനിന്ന് ഇന്ന് വീണ്ടും മൊഴിയെടുക്കും

കോ​ഴി​ക്കോ​ട്: മെ​ഡി​ക്ക​ല്‍ കോ​ള​ജ് ഐ.​സി.​യു പീ​ഡ​ന​ക്കേ​സി​ല്‍ നേ​ര​ത്തെ മൊ​ഴി​ന​ൽ​കി​യ അ​ഡീ​ഷ​ന​ല്‍ സൂ​പ്ര​ണ്ട് അ​ട​ക്ക​മു​ള്ള ജീ​വ​ന​ക്കാ​രി​ൽ​നി​ന്ന് തി​ങ്ക​ളാ​ഴ്ച മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പ് വീ​ണ്ടും മൊ​ഴി​യെ​ടു​ക്കു​ന്നു. തി​രു​വ​ന​ന്ത​പു​രം മെ​ഡി​ക്ക​ല്‍ വി​ദ്യാ​ഭ്യാ​സ ഡ​യ​റ​ക്ട​റു​ടെ ചേം​ബ​റി​ലാ​ണ് മൊ​ഴി​യെ​ടു​ക്കു​ന്ന​ത്. ജൂ​ലൈ 31ന് ​മെ​ഡി​ക്ക​ല്‍ കോളജിൽ എ​ത്തി​യ വി​ദ്യാ​ഭ്യാ​സ​വ​കു​പ്പ് ജോ​യ​ന്റ് ഡ​യ​റ​ക്ട​ര്‍ ഡോ. ​ഗീ​ത ര​വീ​ന്ദ്ര​ന്റെ നേ​തൃ​ത്വ​ത്തി​ലു​ള്ള സം​ഘ​ത്തി​ന് മു​ന്നി​ൽ മൊ​ഴി രേ​ഖ​പ്പെ​ടു​ത്തി​യ​വ​രെ​യാ​ണ് വീ​ണ്ടും തി​രു​വ​ന​ന്ത​പു​ര​ത്തേ​ക്ക് വി​ളി​പ്പി​ച്ചി​രി​ക്കു​ന്ന​ത്.

നേ​ര​ത്തെ അ​തി​ജീ​വി​ത​ക്ക് അ​നു​കൂ​ല​മാ​യി മൊ​ഴി​കൊ​ടു​ത്ത​വ​രി​ൽ​നി​ന്നാ​ണ് തി​ങ്ക​ൾ, ബു​ധ​ൻ ദി​വ​സ​ങ്ങ​ളി​ൽ വീ​ണ്ടും മൊ​ഴി​യെ​ടു​ക്കു​ന്ന​തെ​ന്നാ​ണ് വി​വ​രം. അ​ഡീ​ഷ​ന​ല്‍ സൂ​പ്ര​ണ്ട് ഡോ. ​സു​നി​ല്‍കു​മാ​ര്‍, മു​ന്‍ സീ​നി​യ​ര്‍ എ.​ഒ നീ​ല​ക​ണ്ഠ​ന്‍, ഹെ​ഡ്‌​ന​ഴ്‌​സ് പി.​ബി. അ​നി​ത, ഓ​ഫി​സ് അ​റ്റ​ൻ​ഡ​ന്റ് പ്ര​വീ​ണ്‍ എ​ന്നി​വ​രാ​ണ് തി​ങ്ക​ളാ​ഴ്ച ഹാ​ജ​രാ​കേ​ണ്ട​ത്. നി​ർ​ദേ​ശി​ക്ക​പ്പെ​ട്ട ദി​വ​സ​ങ്ങ​ളി​ൽ ഉ​ദ്യോ​ഗ​സ്ഥ​ര്‍ ഹാ​ജ​രാ​യി​ല്ലെ​ങ്കി​ൽ ക​ര്‍ശ​ന ന​പ​ടി സ്വീ​ക​രി​ക്കു​മെ​ന്നും മു​ന്ന​റി​യി​പ്പു​ണ്ട്. ഇ​നി​യൊ​രു അ​വ​സ​രം ന​ല്‍കാ​തെ റി​പ്പോ​ര്‍ട്ട് ത​യാ​റാ​ക്കു​മെ​ന്നും നോ​ട്ടീ​സി​ല്‍ വ്യ​ക്ത​മാ​ക്കു​ന്നു.

ആ​ര്‍.​എം.​ഒ ഡോ. ​ഡാ​നി​ഷ്, ലേ ​സെ​ക്ര​ട്ട​റി ബാ​ബു ച​ന്ദ്ര​ന്‍, ചീ​ഫ് ന​ഴ്‌​സി​ങ് ഓ​ഫി​സ​ര്‍ സു​മ​തി എ​ന്നി​വ​രോ​ട് ബു​ധ​നാ​ഴ്ച​യാ​ണ് ഹാ​ജ​രാ​വാ​ൻ ആ​വ‍ശ്യ​പ്പെ​ട്ടി​രി​ക്കു​ന്ന​ത്. അ​തേ​സ​മ​യം, കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലെ​ത്തി വി​ശ​ദ​മാ​യ മൊ​ഴി​യെ​ടു​ത്ത സം​ഘം എ​ന്തി​നാ​ണ് വീ​ണ്ടും ജീ​വ​ന​ക്കാ​രെ തി​രു​വ​ന​ന്ത​പു​ര​ത്തേ​ക്ക് വി​ളി​പ്പി​ച്ച​ത് എ​ന്ന​ത് സം​ബ​ന്ധി​ച്ച് സം​ശ​യം നി​ല​നി​ല്‍ക്കു​ന്നു​ണ്ട്. ഇ​ത് കേ​സ് അ​ട്ടി​മ​റി​ക്കാ​നാ​ണെ​ന്ന ആ​രോ​പ​ണ​വു​മു​ണ്ട്.

കേ​സി​ൽ സാ​ക്ഷി​പ്പ​ട്ടി​ക​യി​ൽ ഇ​ല്ലാ​ത്ത ഓ​ഫി​സ് അ​റ്റ​ൻ​ഡ​ന്റ് പ്ര​വീ​ണി​നെ​യും തെ​ളി​വെ​ടു​പ്പി​ന് വി​ളി​പ്പി​ച്ച​ത് അ​ന്വേ​ഷ​ണ​ത്തി​ൽ ഇ​ട​പെ​ട​ൽ ന​ട​ക്കു​ന്നു​വെ​ന്ന​തി​ന് തെ​ളി​വാ​ണെ​ന്നാ​ണ് ആ​​ക്ഷേ​പം. മാ​ത്ര​മ​ല്ല, ഇ​തേ കേ​സു​മാ​യി ബ​ന്ധ​പ്പെ​ട്ട് ഹെ​ഡ് ന​ഴ്സി​നെ യൂ​നി​യ​ൻ നേ​താ​വ് ഭീ​ഷ​ണി​പ്പെ​ടു​ത്തി​യെ​ന്ന് കേ​സി​ൽ ആ​രോ​ഗ്യ വ​കു​പ്പ് അ​ന്വേ​ഷ​ണം ന​ട​ത്തി റി​പ്പോ​ർ​ട്ട് സ​മ​ർ​പ്പി​ച്ച​തെ​ങ്കി​ലും ഇ​തു​വ​രെ പു​റ​ത്തു​വ​ന്നി​ട്ടി​ല്ല.