നിയന്ത്രിക്കാനാളില്ല; മാവൂർ ​റോഡിൽ ഗതാഗതക്കുരുക്ക്

കോ​ഴി​ക്കോ​ട്: ന​ഗ​ര​ത്തി​​ന്റെ മു​ഖ്യ പാ​ത​യാ​യ മാ​വൂ​ർ റോ​ഡി​ൽ ഗ​താ​ഗ​ത​ക്കു​രു​ക്ക് മു​റു​കു​ന്നു. മൊ​ഫ്യൂ​സി​ൽ ബ​സ് സ്റ്റാ​ൻ​ഡ് ജ​ങ്ഷ​നും അ​ര​യി​ട​ത്ത് പാ​ല​ത്തി​നു​മി​ട​യി​ലാ​ണ് ട്രാ​ഫി​ക് നി​യ​ന്ത്ര​ണം കാ​ര്യ​ക്ഷ​മ​മ​ല്ലാ​ത്ത​തി​നാ​ൽ ഏ​തു നേ​ര​വും തി​ര​ക്ക​നു​ഭ​വ​പ്പെ​ടു​ന്ന​ത്. ക്രി​സ്മ​സ് അ​വ​ധി​യു​ടെ തി​ര​ക്കു​കൂ​ടി വ​ന്ന​തോ​ടെ ബു​ദ്ധി​മു​ട്ട് ഇ​ര​ട്ടി​ച്ചു. കെ.​എ​സ്.​ആ​ർ.​ടി.​സി​യ​ട​ക്കം ബ​സ് സ്റ്റാ​ൻ​ഡു​ക​ൾ, ആ​ശു​പ​ത്രി​ക​ൾ, തി​യ​റ്റ​റു​ക​ൾ, മാ​ളു​ക​ൾ തു​ട​ങ്ങി​യ​വ​യെ​ല്ലാം നി​റ​ഞ്ഞ റോ​ഡി​ൽ നി​ര​വ​ധി ഓ​ട്ടോ സ്റ്റാ​ൻ​ഡു​ക​ളു​മു​ണ്ട്. വാ​ഹ​ന​ങ്ങ​ൾ ത​ല​ങ്ങും വി​ല​ങ്ങും ഓ​ടു​ന്ന സ്ഥി​തി​യാ​ണി​​പ്പോ​ൾ. ഇ​തു​കാ​ര​ണം യാ​ത്ര​ക്കാ​ർ​ക്ക് ഏ​റെ ബു​ദ്ധി​മു​ട്ടു​ണ്ടാ​വു​ന്നു. ഇ​തു​വ​ഴി ട്രെ​യി​ൻ ക​യ​റാ​നാ​യി പോ​വു​ന്ന​വ​ർ​ക്ക് സ​മ​യ​ത്തി​ന് എ​ത്താ​നാ​വാ​ത്ത അ​വ​സ്ഥ​യാ​ണി​പ്പോ​ൾ. കൃ​ത്യ​സ​മ​യ​ത്തി​ന് എ​ത്താ​തെ ട്രെ​യി​ൻ ന​ഷ്ട​പ്പെ​ടു​ന്ന​ത് സ്ഥി​ര​മാ​ണ്. ഈ ​ഭാ​ഗ​ങ്ങ​ളി​ൽ അ​ടി​യ​ന്ത​ര​മാ​യി ട്രാ​ഫി​ക് ഉ​ദ്യോ​ഗ​സ്ഥ​രെ നി​യ​മി​ക്കു​ക​യാ​ണ് പോം​വ​ഴി​യെ​ന്ന് കൗ​ൺ​സി​ല​ർ ടി. ​സു​രേ​ഷ് കു​മാ​ർ പ​റ​ഞ്ഞു.

മെ​ഡി​ക്ക​ൽ കോ​ള​ജ് റൂ​ട്ടി​ലേ​ക്കു​ള്ള ബ​സു​ക​ൾ ത​ല​ങ്ങും വി​ല​ങ്ങും നി​ർ​ത്തു​ന്ന​തും പ്ര​ശ്ന​മാ​ണ്. രാ​ജാ​ജി റോ​ഡി​ൽ ​ഇ​​ൻ​ഡോ​ർ സ്റ്റേ​ഡി​യ​ത്തി​ന് മു​ന്നി​ലാ​ണ് മെ​ഡി​ക്ക​ൽ കോ​ള​ജ് ഭാ​ഗ​ത്തേ​ക്കു​ള്ള ബ​സു​ക​ൾ​ക്കു​ള്ള സ്റ്റോ​പ്പ്. എ​ന്നാ​ൽ, ഇ​വ ജ​ങ്ഷ​ൻ ക​ട​ന്ന് സ്റ്റാ​ൻ​ഡി​ന്റെ വ​ട​ക്ക് ഭാ​ഗം പാ​ത​യി​ലു​ട​നീ​ളം നി​ർ​ത്തി ആ​ളെ ക​യ​റ്റു​ന്നു. ന​ടു​റോ​ഡി​ൽ​വ​രെ വ​ണ്ടി നി​ർ​ത്തു​മ്പോ​ഴു​ള്ള ബു​ദ്ധി​മു​ട്ട് ചി​ല്ല​റ​യ​ല്ല. സ്റ്റാ​ൻ​ഡി​ന്റെ ക​വാ​ട​ത്തി​ലും മ​ർ​ക​സ് ​കോം​പ്ല​ക്സി​നു മു​ന്നി​ലും തു​ട​ങ്ങി നാ​യ​നാ​ർ മേ​ൽ​പാ​ല​ത്തി​ന്റെ ക​വാ​ടം വ​രെ ബ​സു​ക​ൾ നി​ർ​ത്തു​ന്നു. ജാ​ഫ​ർ ഖാ​ൻ റോ​ഡി​ലേ​ക്ക് തി​രി​യേ​ണ്ട വാ​ഹ​ന​ങ്ങ​ൾ ഇ​തു​കാ​ര​ണം മാ​വൂ​ർ റോ​ഡി​ൽ ബ​സു​ക​ൾ​ക്ക് പു​റ​കി​ൽ നി​ർ​ത്തി​യി​ടേ​ണ്ടി വ​രു​ന്നു. ഇ​ങ്ങ​നെ വ​ലി​യ​നി​ര​ത​ന്നെ​യാ​ണ് റോ​ഡി​ൽ രൂ​പം കൊ​ള്ളു​ന്ന​ത്. സ്റ്റാ​ൻ​ഡി​നു​മു​ന്നി​ലെ സീ​ബ്ര ലൈ​നി​ൽ യാ​ത്ര​ക്കാ​രെ നി​യ​ന്ത്രി​ക്കാ​ൻ വേ​ണ്ട​ത്ര ഉ​ദ്യോ​ഗ​സ്ഥ​രി​ല്ലാ​ത്ത​തും പ്ര​ശ്ന​മാ​ണ്. മു​മ്പ് ഇ​വി​ടെ ഫൂ​ട്ട് ഓ​വ​ർ ബ്രി​ഡ്ജി​ന് പ​ദ്ധ​തി​യു​ണ്ടാ​യി​രു​ന്നു​വെ​ങ്കി​ലും പി​ന്നീ​ട് ഒ​ഴി​വാ​ക്കി.

ട്രാ​ഫി​ക് അ​ഡ്വൈ​സ​റി ക​മ്മി​റ്റി യോ​ഗം ചേ​ർ​ന്ന് അ​ടി​യ​ന്ത​ര ന​ട​പ​ടി​ക​ളി​ല്ലാ​ത്ത​തും പ്ര​ശ്ന​മാ​ണ്. പ്ര​ശ്ന​ങ്ങ​ൾ അ​ഡ്വൈ​സ​റി ക​മ്മി​റ്റി​യു​ടെ ശ്ര​ദ്ധ​യി​ൽ​പെ​ടു​ത്താ​ൻ കോ​ർ​പ​റേ​ഷ​ൻ തീ​രു​മാ​നി​ച്ചി​ട്ടു​ണ്ട്.