മാവൂരിൽ ബസും മിനിലോറിയും കൂട്ടിയിടിച്ച് നിരവധി പേർക്ക് പരിക്ക്

മാവൂർ: മാവൂർ-കൂളിമാട് റോഡിൽ എളമരത്ത് സ്വകാര്യ ബസ്സും മിനി ലോറിയും കൂട്ടിയിടിച്ച് നിരവധി പേർക്ക് പരിക്ക്. എളമരം ഈർച്ചമില്ലിനു സമീപത്തെ വളവിൽ ശനിയാഴ്ച രാവിലെ 10.30 ഓടെയാണ് അപകടം.

അരീക്കോട് നിന്നും മാവൂർ വഴി കോഴിക്കോട്ടേക്ക് പോകുകയായിരുന്ന കൊളക്കാടൻ ബസ് മിനിലോറിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ റോഡിൽ പിന്നോട്ടേക്ക് തിരിഞ്ഞ മിനിലോറി പിന്നിലുണ്ടായിരുന്ന ബുള്ളറ്റിലും ഇടിച്ചു.

പരിക്കേറ്റ ബസ് യാത്രക്കാർ ഉൾപ്പെടെയുള്ളവരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.