ഖ​ജ​നാ​വ് കാ​ലി​യാ​ക്കാ​ൻ​ മ​റൈ​ൻ ആം​ബു​ല​ൻ​സു​ക​ൾ

ബേ​പ്പൂ​ർ:​മ​ത്സ്യ​ത്തൊ​ഴി​ലാ​ളി​ക​ളു​ടെ ര​ക്ഷാ​ക​വ​ച​മാ​യി സ​ർ​ക്കാ​ർ ഒ​രു​ക്കി​യ മ​റൈ​ൻ ആം​ബു​ല​ൻ​സ്, ഖ​ജ​നാ​വ് കാ​ലി​യാ​ക്കാ​ൻ വേ​ണ്ടി​യാ​ണെ​ന്നു​ള്ള ആ​ക്ഷേ​പം ശ​ക്ത​മാ​കു​ന്നു. ക​ട​ൽ​സു​ര​ക്ഷ​ക്കാ​യി മൂ​ന്ന് മ​റൈ​ൻ ആം​ബു​ല​ൻ​സ് 'കാ​രു​ണ്യ', 'പ്ര​ത്യാ​ശ', 'പ്ര​തീ​ക്ഷ'​ എ​ന്നീ പേ​രു​ക​ളി​ലാ​ണ് ഫി​ഷ​റീ​സ് വ​കു​പ്പി​ന് സ​ർ​ക്കാ​ർ അ​നു​വ​ദി​ച്ചു ന​ൽ​കി​യ​ത്. ആ​റു കോ​ടി​യി​ല​ധി​കം രൂ​പ മു​ട​ക്കി​യാ​ണ് ഓ​രോ മ​റൈ​ൻ ആം​ബു​ല​ൻ​സും നി​ർ​മി​ച്ച​ത്. കേ​ര​ള ഷി​പ്പി​ങ് ആ​ൻ​ഡ് ഇ​ൻ​ലാ​ൻ​ഡ് നാ​വി​ഗേ​ഷ​ൻ കോ​ർ​പ​റേ​ഷ​നാ​ണ് ആം​ബു​ല​ൻ​സ്​ ജീ​വ​ന​ക്കാ​രു​ടെ സേ​വ​നം ല​ഭ്യ​മാ​ക്കേ​ണ്ട​െ​ത​ങ്കി​ലും അ​വ​ർ ഏ​ൽ​പി​ച്ച മ​റ്റൊ​രു ഏ​ജ​ൻ​സി​യാ​ണ് നി​ല​വി​ൽ ജീ​വ​ന​ക്കാ​രെ നി​യ​മി​ച്ച​ത്.

മ​റൈ​ൻ ആം​ബു​ല​ൻ​സി​​ൻെ​റ മേ​ൽ​നോ​ട്ട​ച്ചു​മ​ത​ല​യു​ള്ള ഏ​ജ​ൻ​സി​ക്ക് ഫി​ഷ​റീ​സ് വ​കു​പ്പ് മാ​സം​തോ​റും ന​ൽ​കു​ന്ന​ത് ഒ​മ്പ​ത​ര ല​ക്ഷ​ത്തി​ൽ​പ​രം രൂ​പ​യാ​ണ്. ജീ​വ​ന​ക്കാ​ർ​ക്ക് ന​ൽ​കു​ന്ന ശ​മ്പ​ള​വും മ​റ്റ് ആ​നു​കൂ​ല്യ​ങ്ങ​ളു​മാ​യി നാ​ല​ര ല​ക്ഷ​ത്തി​ൽ​പ​രം രൂ​പ വേ​റെ​യും ചെ​ല​വാ​കു​ന്നു.​ ആ​കെ​യു​ള്ള 11 ജീ​വ​ന​ക്കാ​രി​ൽ ക്യാ​പ്റ്റ​ൻ, സ്രാ​ങ്ക് ഉ​ൾ​പ്പെ​ടെ അ​ഞ്ചു​പേ​ർ​ക്കു​ള്ള ശ​മ്പ​ളം ഏ​ജ​ൻ​സി മു​ഖാ​ന്ത​രം ന​ൽ​കു​മ്പോ​ൾ, ര​ണ്ട് പാ​രാ​മെ​ഡി​ക്ക​ൽ ജീ​വ​ന​ക്കാ​ർ​ക്കും നാ​ല് ലൈ​ഫ് ഗാ​ർ​ഡു​മാ​ർ​ക്കു​മു​ള്ള ശ​മ്പ​ളം ഫി​ഷ​റീ​സ് വ​കു​പ്പ് നേ​രി​ട്ട് ന​ൽ​കു​ന്നു. ഇ​ങ്ങ​നെ ഏ​ജ​ൻ​സി​ക്കും ആം​ബു​ല​ൻ​സി​​െൻറ മേ​ൽ​നോ​ട്ട​ത്തി​നും, ജീ​വ​ന​ക്കാ​ർ​ക്കും ചേ​ർ​ത്ത് സ​ർ​ക്കാ​ർ മാ​സം​തോ​റും ചെ​ല​വ​ഴി​ക്കു​ന്ന​ത് ല​ക്ഷ​ങ്ങ​ളാ​ണ്.

ഇ​ന്ധ​ന​ച്ചെ​ല​വും അ​റ്റ​കു​റ്റ​പ്പ​ണി​ക്കു​മാ​യി വ​രു​ന്ന തു​ക​യും ചേ​ർ​ക്കു​മ്പോ​ൾ വ​ർ​ഷ​ത്തി​ൽ കോ​ടി​ക​ളാ​ണ് ഖ​ജ​നാ​വി​ൽ​നി​ന്ന് കാ​ലി​യാ​കു​ന്ന​ത്.

ഏ​ത് ദു​ർ​ഘ​ട സാ​ഹ​ച​ര്യ​വും അ​തി​ജീ​വി​ച്ച് ക​ട​ലി​ൽ പോ​കേ​ണ്ടു​ന്ന ആം​ബു​ല​ൻ​സി​ലെ തൊ​ഴി​ലാ​ളി​ക​ൾ ക​ഴി​വും, വൈ​ദ​ഗ്ധ്യ​മു​ള്ള​വ​രും ആ​ക​ണ​മെ​ന്ന നി​ബ​ന്ധ​ന പാ​ലി​ക്ക​പ്പെ​ട്ടി​ല്ലെ​ന്ന്​ ആ​ക്ഷേ​പ​മു​ണ്ട്. കോ​ഴി​ക്കോ​ട്, മ​ല​പ്പു​റം, ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ളി​ലെ തീ​ര​ങ്ങ​ളു​ടെ അ​ധി​കാ​ര​പ​രി​ധി​യി​ൽ ബേ​പ്പൂ​ർ തു​റ​മു​ഖ​ത്തെ 'കാ​രു​ണ്യ'​ആം​ബു​ല​ൻ​സും എ​റ​ണാ​കു​ളം തൃ​ശൂ​ർ തീ​ര​ങ്ങ​ൾ​ക്ക്​ വൈ​പ്പി​നി​ലു​ള്ള 'പ്ര​ത്യാ​ശ'​യും തി​രു​വ​ന​ന്ത​പു​രം, കൊ​ല്ലം , ആ​ല​പ്പു​ഴ ജി​ല്ല​ക​ൾ​ക്കാ​യി വി​ഴി​ഞ്ഞ​ത്തു​ള്ള 'പ്ര​തീ​ക്ഷ'​യു​മാ​ണ് സ​ജ്ജ​മാ​ക്കി​യ​ത്. ആം​ബു​ല​ൻ​സ് വ​ല്ല​പ്പോ​ഴും മ​റൈ​ൻ എ​ൻ​ഫോ​ഴ്സ്മെൻറ് വി​ഭാ​ഗം റോ​ന്തു​ചു​റ്റ​ലി​ന് മാ​ത്രം ഉ​പ​യോ​ഗി​ക്കു​ന്ന​ത​ല്ലാ​തെ, ഇ​തു​വ​രെ ജീ​വ​ൻ​ര​ക്ഷാ ദൗ​ത്യം ന​ട​ത്താ​ൻ ക​ഴി​ഞ്ഞി​ട്ടി​ല്ല.

ബേ​പ്പൂ​ർ ഫി​ഷി​ങ് ഹാ​ർ​ബ​റി​ലെ ആം​ബു​ല​ൻ​സി​ന് കാ​സ​ർ​കോ​ട് ജി​ല്ല വ​രെ അ​ധി​കാ​ര​പ​രി​ധി​യു​ണ്ടെ​ങ്കി​ലും, അ​പ​ക​ട സാ​ഹ​ച​ര്യ​ങ്ങ​ൾ അ​റി​ഞ്ഞാ​ൽ ഇ​ത്ര​യും ദൂ​രം ഓ​ടി​യെ​ത്തു​ന്ന​തി​നു​പ​ക​രം അ​ത​ത് മേ​ഖ​ല​യി​ലെ മ​ത്സ്യ​ത്തൊ​ഴി​ലാ​ളി​ക​ളു​ടെ മീ​ൻ​പി​ടി​ത്ത ബോ​ട്ടു​ക​ളാ​ണ് അ​തി​വേ​ഗ​ത്തി​ൽ ര​ക്ഷ​ക​രാ​യി എ​ത്തു​ന്ന​ത്.