ഏപ്രിൽ മാസം റേഷൻ ലഭിക്കാതെ നിരവധി കുടുംബങ്ങൾ

കോ​ഴി​ക്കോ​ട്: സി​റ്റി, സൗ​ത്ത് മേ​ഖ​ല​യി​ൽ 40 ഓ​ളം റേ​ഷ​ൻ ക​ട​ക​ളി​ൽ ഏ​പ്രി​ൽ മാ​സ​ത്തെ റേ​ഷ​ൻ സാ​ധ​ന​ങ്ങ​ൾ ഇ​തു​വ​രെ എ​ത്തി​യി​ട്ടി​ല്ലെ​ന്നും ഇ​രു​പ​തി​നാ​യി​രം കു​ടും​ബ​ങ്ങ​ൾ​ക്ക് റേ​ഷ​ൻ ല​ഭി​ച്ചി​ട്ടി​ല്ലെ​ന്നും റേ​ഷ​ൻ വ്യാ​പാ​രി​ക​ൾ. ഇ​വി​ട​ങ്ങ​ളി​ൽ മാ​ർ​ച്ച് മാ​സ​ത്തി​ൽ മി​ച്ചം​വ​ന്ന അ​രി​യെ​ടു​ത്താ​ണ് മ​റ്റ് ഗു​ണ​ഭോ​ക്താ​ക്ക​ൾ​ക്ക് വി​ത​ര​ണം ചെ​യ്ത​ത്. ബേ​പ്പൂ​ർ, മാ​റാ​ട് ച​ക്കും​ക​ട​വ്, മു​ഖ​ദാ​ർ ബീ​ച്ച് ഉ​ൾ​പ്പെ​ടെ​യു​ള്ള തീ​ര​ദേ​ശ​മേ​ഖ​ല​ക​ളി​ലാ​ണ് പ്ര​ധാ​ന​മാ​യും റേ​ഷ​ൻ മു​ട​ങ്ങി​യ​ത്.

സി​റ്റി സൗ​ത്ത് റേ​ഷ​നി​ങ് ഓ​ഫി​സ​റു​ടെ പ​രി​ധി​യി​ലെ 37 റേ​ഷ​ന്‍ ക​ട​ക​ളി​ലാ​ണ് പൂ​ര്‍ണ​മാ​യും റേ​ഷ​ന്‍ ഭ​ക്ഷ്യ​സാ​ധ​ന​ങ്ങ​ള്‍ എ​ത്താ​തി​രി​ക്കു​ന്ന​ത്. 47 ക​ട​ക​ളി​ല്‍ ഭാ​ഗി​ക​മാ​യാ​ണ് സാ​ധ​ന​ങ്ങ​ള്‍ എ​ത്തി​യ​ത്. തി​ങ്ക​ൾ, ചൊ​വ്വ ദി​വ​സ​ങ്ങ​ളി​ലാ​യി അ​രി എ​ത്തു​മെ​ന്നാ​ണ് അ​ധി​കൃ​ത​ർ അ​റി​യി​ച്ചി​രി​ക്കു​ന്ന​ത്. എ​ന്നാ​ൽ, സ​മ​യ​പ​രി​ധി ക​ഴി​ഞ്ഞ​തി​നാ​ൽ ഇ​തു​വ​രെ റേ​ഷ​ൻ വാ​ങ്ങാ​ൻ സാ​ധി​ക്കാ​ത്ത​വ​ർ​ക്ക് ഇ​ത് ഗു​ണം ചെ​യ്യി​ല്ല.

ഈ ​മാ​സം മൂ​ന്നു​വ​രെ​യാ​യി​രു​ന്നു മാ​ർ​ച്ച് മാ​സ​ത്തെ റേ​ഷ​ൻ വാ​ങ്ങാ​ൻ അ​നു​വ​ദി​ക്ക​പ്പെ​ട്ട സ​മ​യം. എ​ന്നാ​ൽ, ഈ ​സ​മ​യ​ത്തി​ന​കം റേ​ഷ​ൻ ക​ട​ക​ളി​ൽ സാ​ധ​നം എ​ത്തി​യെ​ന്ന് സി​വി​ൽ സ​പ്ലൈ​സ് ഉ​റ​പ്പു​വ​രു​ത്തി​യി​ല്ലെ​ന്ന് പ​രാ​തി​യു​ണ്ട്. ബേ​പ്പൂ​രി​ലെ റേ​ഷ​ൻ ഭ​ക്ഷ്യ​ധാ​ന്യ സം​ഭ​ര​ണ​കേ​ന്ദ്ര​മാ​യ എ​ൻ.​എ​സ്.​എ​ഫ്.​എ ഗോ​ഡൗ​ണി​ലെ ഹെ​ഡ് ലോ​ഡ് വ​ർ​ക്ക​ർ​മാ​രു​ടെ തൊ​ഴി​ൽ ത​ർ​ക്കം കാ​ര​ണം ലോ​ഡ് ക​യ​റ്റു​ന്ന​ത് കു​റ​ഞ്ഞ​ത് കാ​ര​ണ​മാ​ണ് റേ​ഷ​ൻ വി​ത​ര​ണം അ​വ​താ​ള​ത്തി​ലാ​യ​ത്.

സ​മ​രം കാ​ര​ണ​മു​ള്ള റേ​ഷ​ൻ വി​ത​ര​ണ പ്ര​തി​സ​ന്ധി പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ബേ​പ്പൂ​ർ മ​ണ്ഡ​ലം എം.​എ​ൽ.​എ​യും പൊ​തു​മ​രാ​മ​ത്ത് വ​കു​പ്പ് മ​ന്ത്രി കൂ​ടി​യാ​യ പി.​എ. മു​ഹ​മ്മ​ദ് റി​യാ​സ് അ​ട​ക്ക​മു​ള്ള​വ​രു​ടെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടും ന​ട​പ​ടി​യു​ണ്ടാ​യി​ല്ലെ​ന്ന് വ്യാ​പാ​രി​ക​ൾ പ​റ​യു​ന്നു.

മു​ഴു​വ​ൻ ക​ട​ക​ളി​ലും ഏ​പ്രി​ൽ മാ​സ​ത്തെ റേ​ഷ​ൻ സാ​ധ​ന​ങ്ങ​ളെ​ത്തി​ക്കു​ക​യും ഈ ​മാ​സ​ത്തെ റേ​ഷ​നൊ​പ്പം വി​ത​ര​ണം ന​ട​ത്താ​നു​ള്ള സൗ​ക​ര്യ​മൊ​രു​ക്കു​ക​യും വേ​ണ​മെ​ന്ന് ഓ​ൾ കേ​ര​ള റീ​ട്ട​യി​ൽ റേ​ഷ​ൻ ഡീ​ലേ​ഴ്സ് അ​സോ​സി​യേ​ഷ​ൻ ജി​ല്ല പ്ര​സി​ഡ​ന്റ് ഇ. ​ശ്രീ​ജ​ൻ, ജ​ന​റ​ൽ സെ​ക്ര​ട്ട​റി കെ.​പി. അ​ഷ്റ​ഫ് എ​ന്നി​വ​ർ ആ​വ​ശ്യ​പ്പെ​ട്ടു. റേ​ഷ​ന്‍ വി​ത​ര​ണ​ത്തി​ലെ സ്തം​ഭ​നം ഒ​ഴി​വാ​ക്കാ​ൻ ബേ​പ്പൂ​ര്‍ എ​ൻ.​എ​സ്.​എ​ഫ്.​എ ഗോ​ഡൗ​ണി​ലെ തൊ​ഴി​ലാ​ളി പ്ര​ശ്നം ഉ​ട​ന്‍ പ​രി​ഹ​രി​ക്ക​ണ​മെ​ന്നും അ​സോ​സി​യേ​ഷ​ന്‍ ആ​വ​ശ്യ​പ്പെ​ട്ടു.