ഇ​ൻ​സ്​​റ്റ​ഗ്രാ​മി​ലൂ​ടെ യു​വ​തി​യെ പ​രി​ച​യ​പ്പെ​ട്ട്​ എ.ടി.എം കാർഡ്​ കൈക്കലാക്കി പണം തട്ടിയയാൾ അറസ്​റ്റിൽ

കോ​ഴി​ക്കോ​ട്‌: ഇ​ൻ​സ്​​റ്റ​ഗ്രാ​മി​ലൂ​ടെ യു​വ​തി​യെ പ​രി​ച​യ​പ്പെ​ട്ട്​ എ.​ടി.​എം കാ​ർ​ഡ്​ കൈ​ക്ക​ലാ​ക്കി പ​ണം ത​ട്ടി​യ​യാ​ൾ അ​റ​സ്​​റ്റി​ൽ. ത​ങ്ങ​ൾ​സ് റോ​ഡ് ചാ​പ്പ​യി​ൽ ത​ല​നാ​ർ​തൊ​ടു​ക​യി​ൽ അ​റ​ഫാ​നെ(19)​യാ​ണ്​ ക​സ​ബ സി.​ഐ എ​ൻ. പ്ര​ജീ​ഷി​െൻറ നേ​തൃ​ത്വ​ത്തി​ൽ അ​റ​സ്​​റ്റ്​​ചെ​യ്‌​ത​ത്‌.

എ.​ടി.​എം കാ​ർ​ഡ്​ വീ​ട്ടി​ൽ ത​ന്നെ​യു​ണ്ടാ​യി​ട്ടും അ​ക്കൗ​ണ്ടി​ൽ​നി​ന്ന്‌ പ​ണം ന​ഷ്​​ട​മാ​യെ​ന്നാ​യി​രു​ന്നു ന​ഗ​ര​ത്തി​ലെ 50കാ​രി ക​സ​ബ പൊ​ലീ​സി​ൽ പ​രാ​തി​പ്പെ​ട്ട​ത്‌. നാ​ല്‌ ത​വ​ണ​യാ​യി അ​ക്കൗ​ണ്ടി​ൽ​നി​ന്ന്‌ 44,000 രൂ​പ ന​ഷ്​​ട​പ്പെ​ട്ടു. ക​ല്ലാ​യി റോ​ഡ്‌, ഫോ​ക്ക​സ്‌ മാ​ൾ, ചെ​റൂ​ട്ടി റോ​ഡ്‌ എ​ന്നി​വി​ട​ങ്ങ​ളി​ലെ എ.​ടി.​എം കൗ​ണ്ട​റു​ക​ളി​ൽ​നി​ന്നാ​ണ്‌ പി​ൻ​വ​ലി​ച്ച​ത്‌. സി.​സി.​ടി.​വി ദൃ​ശ്യം പ​രി​ശോ​ധി​ച്ച​പ്പോ​ൾ യു​വാ​വ്‌ പ​ണം പി​ൻ​വ​ലി​ക്കു​ന്ന ദൃ​ശ്യ​ങ്ങ​ൾ ല​ഭി​ച്ചു. ദൃ​ശ്യം പി​ന്തു​ട​ർ​ന്നു​ള്ള അ​ന്വേ​ഷ​ണ​ത്തി​ൽ പ്ര​തി​യെ തി​രി​ച്ച​റി​യു​ക​യാ​യി​രു​ന്നു.

മു​മ്പ് ​പ​രാ​തി​ക്കാ​രി​യു​ടെ അ​യ​ൽ​വാ​സി​യാ​യി​രു​ന്ന പ്ര​തി അ​വ​രു​ടെ ഇ​ള​യ​മ​ക​ളു​മാ​യി ഇ​ൻ​സ്​​റ്റ​ഗ്രാ​മി​ൽ പ​രി​ച​യ​പ്പെ​ട്ടി​രു​ന്നു. ഈ ​സൗ​ഹൃ​ദം മു​ത​ലെ​ടു​ത്ത്​ എ.​ടി.​എം കൈ​ക്ക​ലാ​ക്കി. 500 രൂ​പ എ.​ടി.​എ​മ്മി​ൽ​നി​ന്ന്‌ പി​ൻ​വ​ലി​ക്കാ​ൻ പെ​ൺ​കു​ട്ടി ഇ​യാ​ളു​ടെ സ​ഹാ​യം തേ​ടി​യ​പ്പോ​ൾ പി​ൻ ന​മ്പ​ർ മ​ന​സ്സി​ലാ​ക്കി​യാ​യി​രു​ന്നു ത​ട്ടി​പ്പ്. കാ​ർ​ഡ്‌ തി​രി​ച്ചു​കൊ​ടു​ക്കാ​തെ ബാ​ക്കി തു​ക പി​ൻ​വ​ലി​ച്ച​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി. വി​വി​ധ കേ​സു​ക​ളി​ൽ നേ​ര​ത്തേ പ്ര​തി​യാ​ണ്. എ​സ്‌.​ഐ ശ്രീ​ജി​ത്ത്‌, പൊ​ലീ​സു​കാ​രാ​യ സു​ധ​ർ​മ​ൻ, ഷെ​റീ​നാ​ബി, ടൗ​ൺ സ്‌​റ്റേ​ഷ​നി​ലെ സി.​പി.​ഒ അ​നൂ​ജ്‌, സ​ജീ​വ​ൻ എ​ന്നി​വ​രും അ​ന്വേ​ഷ​ണ​സം​ഘ​ത്തി​ലു​ണ്ടാ​യി​രു​ന്നു.