ആകാശത്ത് മിസൈലുകൾ മിന്നിമറഞ്ഞു, ഭീതിദമായ ശബ്​ദവും

കോ​ഴി​ക്കോ​ട്: ‘സാ​ഹ​ച​ര്യ​ങ്ങ​ൾ മാ​റി​യ​ത് പെ​ട്ടെ​ന്നാ​യി​രു​ന്നു. വ്യാ​ഴാ​ഴ്ച രാ​ത്രി എ​ട്ടോ​ടെ ​പെ​ട്ടെ​ന്ന് ക​ട​ക​ളെ​ല്ലാം അ​ട​ച്ചു, വൈ​ദ്യു​തി വി​ച്ഛേ​ദി​ക്ക​പ്പെ​ട്ടു. ബ​യ്യ​മാ​ർ പ​റ​ഞ്ഞ​തു പ്ര​കാ​രം ഞ​ങ്ങ​ൾ ഉ​ട​ൻ താ​മ​സി​ക്കു​ന്ന മു​റി​യി​ലേ​ക്കു പോ​യി. കു​റ​ച്ചു ക​ഴി​ഞ്ഞ​പ്പോ​ഴേ​ക്കും ആ​കാ​ശ​ത്ത് മി​സൈ​ലു​ക​ൾ മി​ന്നി​മ​റ​യു​ന്ന​തു​ക​ണ്ടു.

ചെ​റു​തെ​ങ്കി​ലും ഭീ​തി​ദ​മാ​യ ശ​ബ്ദം. ഞ​ങ്ങ​ൾ​ക്ക് ഭ​യ​മാ​യി. അ​ന്ന് രാ​ത്രി ഉ​റ​ക്കം​വ​ന്നി​ല്ല’ -ഇ​ന്ത്യ-​പാ​ക് അ​തി​ർ​ത്തി​യി​ൽ ഷെ​ൽ​വ​ർ​ഷം തു​ട​ങ്ങി​യ​തോ​ടെ പ​രി​ഭ്രാ​ന്ത​രാ​യി നാ​ട്ടി​ലേ​ക്കു മ​ട​ങ്ങു​ന്ന ജ​മ്മു കേ​ന്ദ്ര സ​ർ​വ​ക​ലാ​ശാ​ല​യി​ലെ മ​ല​യാ​ളി വി​ദ്യാ​ർ​ഥി സം​ഘ​ത്തി​ലെ കോ​ഴി​ക്കോ​ട് സ്വ​ദേ​ശി​നി അ​ന്ന ഫാ​ത്തി​മ ത​ങ്ങ​ളു​ടെ അ​നു​ഭ​വ​ങ്ങ​ൾ പ​ങ്കു​വെ​ച്ച​ത് ന​ടു​ക്ക​ത്തോ​ടെ​യാ​ണ്.

സാം​ബ ജി​ല്ല​യി​ൽ ജ​ക്കി​ലാ​ണ് ഇ​വ​ർ താ​മ​സി​ക്കു​ന്ന​ത്. ഓ​പ​റേ​ഷ​ൻ സി​ന്ദൂ​ർ തു​ട​ങ്ങി​യ ശേ​ഷം സ​ർ​വ​ക​ലാ​ശാ​ല​യി​ൽ ഈ ​മാ​സം എ​ട്ടി​ന് തു​ട​ങ്ങേ​ണ്ട പ​രീ​ക്ഷ​ക​ളെ​ല്ലാം 26ലേ​ക്ക് നീ​ട്ടി​യി​രു​ന്നു. എ​ങ്കി​ലും നാ​ട്ടി​ലെ​ത്തി തി​രി​കെ​യെ​ത്ത​ൽ പ്ര​യാ​സ​മാ​യ​തി​നാ​ൽ ജ​മ്മു​വി​ൽ​ത​ന്നെ ത​ങ്ങാ​നാ​യി​രു​ന്നു ഇ​വ​രു​ടെ തീ​രു​മാ​നം. എ​ന്നാ​ൽ, എ​ട്ടാം തീ​യ​തി പെ​ട്ടെ​ന്നാ​ണ് സാ​ഹ​ച​ര്യം മാ​റി​യ​ത്.

രാ​ത്രി ഭ​ക്ഷ​ണം ക​ഴി​ക്കാ​ൻ പു​റ​ത്തി​റ​ങ്ങി​യ​പ്പോ​ഴാ​ണ് വൈ​ദ്യു​തി വി​ച്ഛേ​ദി​ക്ക​പ്പെ​ട്ട​തും ക​ട​ക​ളെ​ല്ലാം അ​ട​ച്ച​തും. താ​മ​സ​സ്ഥ​ല​ത്തെ​ത്തി​യ ശേ​ഷം പു​ല​ർ​ച്ചെ​വ​രെ ഹു​ങ്കാ​ര ശ​ബ്ദ​വും മി​സൈ​ലു​ക​ൾ മി​ന്നി​മ​റി​യു​ന്ന​തും ക​ണ്ടു. വാ​ർ​ത്ത​ക​ളി​ൽ മാ​ത്രം കേ​ട്ടു​പ​രി​ച​യ​മു​ള്ള സാ​ഹ​ച​ര്യം ക​ൺ​മു​ന്നി​ലെ​ത്തി​യ​തോ​ടെ ആ​കെ പ​രി​ഭ്രാ​ന്ത​രാ​വു​ക​യാ​യി​രു​ന്നു ഇ​വ​ർ.

സൈ​നി​ക​രാ​യ ബ​ന്ധു​ക്ക​ളി​ൽ​നി​ന്ന് ജാ​ഗ്ര​ത നി​ർ​ദേ​ശം ല​ഭി​ച്ചി​രു​ന്നു. എ​ന്നാ​ൽ, ഇ​ത്ര​ത്തോ​ള​മെ​ത്തു​മെ​ന്ന് ക​രു​തി​യി​രു​ന്നി​ല്ലെ​ന്നും അ​ന്ന പ​റ​ഞ്ഞു. ആ​കാ​ശ​ത്തു​കൂ​ടെ മി​സൈ​ലു​ക​ൾ പോ​വു​ന്ന​ത് ക​ണ്ട​പ്പോ​ൾ അ​വ ഏ​തു നി​മി​ഷ​വും എ​വി​ടെ​യും പ​തി​ക്കാ​മെ​ന്ന ആ​ശ​ങ്ക​യി​ലാ​യി​രു​ന്നു എ​ല്ലാ​വ​രും. പി​ന്നീ​ട് അ​ന്ന​യു​ടെ നേ​തൃ​ത്വ​ത്തി​ൽ 40ഓ​ളം മ​ല​യാ​ളി വി​ദ്യാ​ർ​ഥി​ക​ൾ സം​ഘ​ടി​ച്ച് രാ​വി​ലെ 10.45ന് ​ജ​മ്മു​വി​ൽ​നി​ന്ന് ഡ​ൽ​ഹി​യി​ലേ​ക്ക് പു​റ​പ്പെ​ടു​ന്ന സ്പെ​ഷ​ൽ ട്രെ​യി​നി​ൽ മ​ട​ങ്ങാ​ൻ തീ​രു​മാ​നി​ച്ചു. അ​ന്ന് ഉ​ച്ച​ക്ക് ഒ​ന്നോ​ടെ​യാ​ണ് ട്രെ​യി​ൻ എ​ത്തി​യ​ത്. രാ​ത്രി പ​തി​നൊ​ന്നോ​ടെ ഡ​ൽ​ഹി​യി​ലെ​ത്തി. ഇ​വ​രി​ൽ 32 പേ​ർ സു​ർ​ജി​ത് ഭ​വ​നി​ലും സ​ന്തോ​ഷ് കു​മാ​ർ എം.​പി ഏ​ർ​പ്പാ​ടാ​ക്കി​യ ക്വാ​ർ​ട്ടേ​ഴ്സി​ലു​മാ​യി ക​ഴി​യു​ക​യാ​ണ്.

പ​ഞ്ചാ​ബ്, ആ​ന്ധ്ര, ത​മി​ഴ്നാ​ട് തു​ട​ങ്ങി​യ സം​സ്ഥാ​ന​ങ്ങ​ളി​ൽ നി​ന്നു​ള്ള വി​ദ്യാ​ർ​ഥി​ക​ളും ഡ​ൽ​ഹി​യി​ൽ എ​ത്തി​യി​ട്ടു​ണ്ട്. ജ​മ്മു​വി​ൽ കൂ​ട്ടു​കാ​രു​ടെ വീ​ടി​ന​ടു​ത്ത് മി​സൈ​ലു​ക​ൾ വീ​ണ​താ​യി അ​റി​യാ​ൻ ക​ഴി​ഞ്ഞു. നേ​ര​ത്തെ ജ​മ്മു​വി​ൽ സ്ഥി​തി പൊ​തു​വേ ശാ​ന്ത​മാ​യി​രു​ന്നു. രാ​ത്രി 10നു​ശേ​ഷം പു​റ​ത്തി​റ​ങ്ങി ന​ട​ക്ക​രു​തെ​ന്നു മാ​ത്ര​മേ ഉ​ണ്ടാ​യി​രു​ന്നു​ള്ളു. ക​ശ്മീ​രി​ക​ൾ വ​ള​രെ ന​ല്ല ആ​ളു​ക​ളാ​ണ്. സാ​മൂ​ഹ​മാ​ധ്യ​മ​ങ്ങ​ളി​ൽ ക​ശ്മീ​രി​ക​ൾ​ക്കെ​തി​രെ ന​ട​ക്കു​ന്ന പ്ര​ചാ​ര​ണ​ങ്ങ​ൾ കാ​ണു​മ്പോ​ൾ സ​ങ്ക​ടം തോ​ന്നും. ഇ​പ്പോ​ൾ സു​ര​ക്ഷി​ത ഇ​ട​ത്തി​ലെ​ത്തി​യ​പ്പോ​ൾ, ക​ശ്മീ​രി​ലെ​യും ജ​മ്മു​വി​ലെ​യും ബ​യ്യ​മാ​രു​ടെ സു​ര​ക്ഷ​യാ​ണ് ത​ങ്ങ​ളെ ആ​ശ​ങ്കാ​കു​ല​രാ​ക്കു​ന്ന​തെ​ന്ന് അ​ന്ന പ​റ​യു​ന്നു.

കേ​ര​ള ഹൗ​സു​മാ​യി ബ​ന്ധ​പ്പെ​ട്ട് എ​ത്ര​യും വേ​ഗം നാ​ട്ടി​ലെ​ത്താ​നു​ള്ള ശ്ര​മ​ത്തി​ലാ​ണ് ഇ​വ​ർ. ജ​മ്മു സ​ർ​വ​ക​ലാ​ശാ​ല​യി​ൽ മാ​സ് ക​മ്യൂ​ണി​ക്കേ​ഷ​ൻ ര​ണ്ടാം സെ​മ​സ്റ്റ​ർ വി​ദ്യാ​ർ​ഥി​നി​യാ​ണ് ന​ടു​വ​ണ്ണൂ​ർ- ക​രു​വ​ണ്ണൂ​ർ സ്വ​ദേ​ശി​യാ​യ അ​ന്ന. ഇ​ന്ത്യ-​പാ​ക് വെ​ടി​നി​ർ​ത്ത​ൽ പ്ര​ഖ്യാ​പി​ച്ചി​ട്ടു​ണ്ടെ​ങ്കി​ലും എ​ത്ര​യും വേ​ഗം നാ​ട്ടി​ലെ​ത്താ​നാ​ണ് ഇ​വ​രു​ടെ ശ്ര​മം.