അലകടലിൻ അലയൊലിയായ് എളമരം കരീം

കോ​ഴി​ക്കോ​ട്: ചു​രു​ങ്ങി​യ വാ​ക്കു​ക​ളി​ലാ​ണ് എ​ള​മ​രം ക​രീ​മി​ന്‍റെ പ്ര​സം​ഗം. അ​മി​താ​വേ​ശ​മി​ല്ല, നി​റ​വേ​റ്റാ​ൻ ക​ഴി​യാ​ത്ത മോ​ഹ​ന വാ​ഗ്ദാ​ന​ങ്ങ​ളി​ല്ല, പ​ഞ്ചാ​ര​പ്പു​ഞ്ചി​രി​യോ കെ​ട്ടി​പ്പി​ടി​ക്ക​ലു​ക​ളോ എ​ന്തി​ന്, ക​ല​പി​ല കൂ​ട്ടു​ന്ന കു​ശ​ലാ​ന്വേ​ഷ​ണ​ങ്ങ​ൾ പോ​ലു​മി​ല്ല. കാ​ര്യ​മാ​ത്ര പ്ര​സ​ക്ത​മാ​യ സം​സാ​ര​വും ആ​ത്മാ​ർ​ഥ​ത​യോ​ടെ​യു​ള്ള കൈ​കു​ലു​ക്ക​ലും. ഉ​പ​ചാ​ര​ങ്ങ​ളെ​ല്ലാം അ​വി​ടെ ക​ഴി​യു​ന്നു. പ​ക്ഷേ, കോ​ഴി​ക്കോ​ട്ടു​കാ​രു​ടെ ഹൃ​ദ​യ​ത്തി​ൽ തൊ​ടു​ന്ന​താ​ണ് സ​ഖാ​വി​ന്‍റെ സം​സാ​രം.

‘എ​ന്നെ ര​ണ്ടു ത​വ​ണ​യാ​ണ് പാ​ർ​ല​മെ​ന്‍റി​ൽ​നി​ന്ന് മോ​ദി സ​ർ​ക്കാ​ർ പു​റ​ത്താ​ക്കി​യ​ത്. ക​ട്ട​തി​നോ മോ​ഷ്ടി​ച്ച​തി​നോ ആ​ണോ? അ​ല്ല, കേ​ര​ള​ത്തി​നു​വേ​ണ്ടി സം​സാ​രി​ച്ച​തി​ന്. കേ​ര​ള​ത്തി​ന്‍റെ ആ​വ​ശ്യ​ങ്ങ​ൾ​ക്കു​വേ​ണ്ടി സ​മ​രം ചെ​യ്ത​തി​ന്..... ജ​നാ​ധി​പ​ത്യ​ബോ​ധം തൊ​ട്ടു​തീ​ണ്ടി​യി​ട്ടി​ല്ലാ​ത്ത കേ​ന്ദ്ര​സ​ർ​ക്കാ​ർ എ​ന്നെ അ​തി​ന് പു​റ​ത്താ​ക്കി.

ഇ​നി​യും കേ​ര​ള​ത്തി​നു​വേ​ണ്ടി ഞാ​ൻ ശ​ബ്ദ​മു​യ​ർ​ത്തു​ക ത​ന്നെ ചെ​യ്യും, പാ​ർ​ല​മെ​ന്‍റി​ന​ക​ത്ത് മാ​ത്ര​മ​ല്ല, പാ​ർ​ല​മെ​ന്‍റി​ന് പു​റ​ത്തും...’ കോ​ഴി​ക്കോ​ട്ടെ എ​ൽ.​ഡി.​എ​ഫ് സ്ഥാ​നാ​ർ​ഥി​യു​ടെ വാ​ഗ്ദാ​നം ഇ​താ​ണ്: എ​ന്നും ജ​ന​ങ്ങ​ൾ​ക്കൊ​പ്പം, കേ​ര​ള​ത്തി​ന്‍റെ ആ​വ​ശ്യ​ങ്ങ​ൾ​ക്കൊ​പ്പം.

കു​ന്ദ​മം​ഗ​ലം മ​ണ്ഡ​ല​ത്തി​ലാ​ണ് എ​ള​മ​രം ക​രീ​മി​ന്‍റെ വോ​ട്ടു​തേ​ട​ൽ. പ്ര​ചാ​ര​ണ​ഗാ​ന​ങ്ങ​ളി​ലെ​ല്ലാം നി​റ​ഞ്ഞു​നി​ൽ​ക്കു​ന്ന​ത് കോ​ഴി​ക്കോ​ടും കോ​ഴി​ക്കോ​ടി​ന്‍റെ മ​ത​സൗ​ഹാ​ർ​ദ​വും. കോ​വൂ​രി​ലെ വീ​ട്ടി​ൽ​നി​ന്ന് പൂ​വാ​ട്ടു​പ​റ​മ്പി​ലെ സ്വീ​ക​ര​ണ​കേ​ന്ദ്ര​ത്തി​ൽ രാ​വി​ലെ എ​ട്ടു​മ​ണി​ക്ക് ത​ന്നെ എ​ത്തി​യെ​ങ്കി​ലും പാ​ർ​ട്ടി പ്ര​വ​ർ​ത്ത​ക​ന്‍റെ മ​ര​ണ​ത്തി​ൽ അ​നു​ശോ​ചി​ച്ച് സ്വീ​ക​ര​ണ പ​രി​പാ​ടി മാ​റ്റി​വെ​ച്ചി​രു​ന്നു.

ഷോ​ക്കേ​റ്റ് മ​രി​ച്ച പ്ര​ദീ​പ് കു​മാ​റി​ന്‍റെ വീ​ട്ടി​ലെ​ത്തി ബ​ന്ധു​ക്ക​ളെ ആ​ശ്വ​സി​പ്പി​ച്ച് നേ​രെ പാ​ലാ​ഴി​യി​ലെ സ്വീ​ക​ര​ണ​കേ​ന്ദ്ര​ത്തി​ലേ​ക്ക്. കാ​ത​ട​പ്പി​ക്കു​ന്ന ശ​ബ്ദ​ഘോ​ഷ​ങ്ങ​ളോ​ടെ പൊ​ട്ടി​യ പ​ട​ക്ക​ങ്ങ​ൾ​ക്കും മീ​തെ ക​രീം​ക്ക​യു​ടെ ജ​യ​ത്തി​ന് വേ​ണ്ടി​യു​ള്ള മു​ദ്രാ​വാ​ക്യം വി​ളി​ക​ൾ. മു​ത്തു​ക്കു​ട​യു​ടെ​യും ചെ​ണ്ട​മേ​ള​ത്തി​ന്‍റെ​യും ക​ട്ടൗ​ട്ടു​ക​ളു​ടെ​യും അ​ക​മ്പ​ടി​യോ​ടെ അ​ടു​ത്ത സ്വീ​ക​ര​ണ​കേ​ന്ദ്ര​ത്തി​ലേ​ക്ക്.

പാ​ലാ​ഴി​യി​ലും എം.​ജി ന​ഗ​റി​ലും ക​യ​റ്റി​യി​ലും കൊ​ടി​നാ​ട്ടു​മു​ക്കി​ലും കോ​ഴി​ക്കോ​ട​ൻ കു​ന്നി​ലും ക​യ​റ്റി​റ​ക്ക​ങ്ങ​ളി​ല്ലാ​ത്ത സൗ​മ്യ​മാ​യ പ്ര​സം​ഗം. തൊ​ട്ട​ടു​ത്ത ക​ട​ക​ളി​ലെ​ത്തി തൊ​ഴു​കൈ​യോ​ടെ വോ​ട്ടു​ചോ​ദി​ക്കു​ന്നു. വീ​ടു​ക​ളി​ൽ പോ​യി, പ്രാ​യ​മാ​യ​വ​രു​ടെ അ​നു​ഗ്ര​ഹാ​ശി​സ്സു​ക​ളു​മാ​യി മ​ട​ങ്ങു​ന്നു.

കൂ​ടെ​യു​ള്ള​വ​ർ ഓ​ർ​മി​പ്പി​ക്കു​മ്പോ​ൾ മാ​ത്രം, സ​മ​യ​ത്തെ​ച്ചൊ​ല്ലി കൃ​ത്യ​നി​ഷ്ഠ​നാ​കു​ന്നു. സ​മ​യം കൃ​ത്യ​മാ​യി പാ​ലി​ക്കു​ന്ന​തു​കൊ​ണ്ടു​ത​ന്നെ ഒ​ട്ടും തി​ര​ക്കി​ല്ലാ​തെ സൗ​മ്യ​മാ​യ പു​ഞ്ചി​രി​യു​മാ​യി ജ​ന​ങ്ങ​ളി​ലൊ​രാ​ളാ​യി കൈ​കൊ​ടു​ത്തും കൈ​കൂ​പ്പി​യും പ​തു​ക്കെ ന​ട​ന്നു​നീ​ങ്ങു​ന്നു. കോ​ഴി​ക്കോ​ട​ൻ കു​ന്നി​ലെ കു​ട്ടി​ക​ളു​ടെ സം​ഘ​ത്തി​ന്‍റെ നാ​സി​ക് ഡോ​ൽ ആ​സ്വ​ദി​ക്കു​ന്നു.

മാ​പ്പി​ള​പ്പാ​ട്ടി​ന്‍റെ അ​ക​മ്പ​ടി​യോ​ടെ​യാ​ണ് സ്ഥാ​നാ​ർ​ഥി തെ​ാണ്ടില​ക്ക​ട​വി​ലെ​ത്തി​യ​ത്. പാ​ട്ടി​ന് ഇ​മ്പം തീ​ർ​ക്കാ​നെ​ന്ന​പോ​ലെ ഒ​പ്പ​ന വേ​ഷ​ത്തി​ൽ ചെ​റു​ബാ​ല്യ​ക്കാ​ര​ത്തി​ക​ൾ. അ​രി​വാ​ൾ ചു​റ്റി​ക ന​ക്ഷ​ത്രം കൊ​ത്തി​യ ചു​വ​ന്ന നി​റ​മു​ള്ള ബ​ലൂ​ണു​ക​ളും പി​ടി​ച്ചാ​ണ് ക​സ​വു​ത​ട്ട​മി​ട്ട മൊ​ഞ്ച​ത്തി​ക​ളു​ടെ നി​ൽ​പ്. ര​ക്ത​ഹാ​ര​മ​ണി​ഞ്ഞ് സ്വീ​ക​രി​ച്ച​ത് പ​ഴ​യ​കാ​ല ട്രേ​ഡ് യൂ​നി​യ​ൻ സ​ഖാ​ക്ക​ളാ​യ ച​ന്ദ്രേ​ട്ട​നും കൗ​സ​ല്യ ചേ​ച്ചി​യും.

പ്ര​വ​ർ​ത്ത​ക​ർ​ക്കൊ​പ്പം ഉ​ച്ച​ഭ​ക്ഷ​ണം കഴിച്ച് ചെ​റി​യ ഇ​ട​വേ​ള​യി​ൽ തെ​ര​ഞ്ഞെ​ടു​പ്പി​ന്‍റെ പ​ൾ​സ​റി​യാ​നു​ള്ള കൊ​ച്ചു​വ​ർ​ത്ത​മാ​ന​ങ്ങ​ൾ. മൂ​ന്നു​മ​ണി​യോ​ടെ വീ​ണ്ടും പ്ര​ചാ​ര​ണം. പെ​രു​മ​ണ്ണ​യി​ൽ​നി​ന്ന് തു​ട​ങ്ങി​യ പ്ര​ചാ​ര​ണം രാ​ത്രി വൈ​കി വെ​ള്ളി​പ​റ​മ്പി​ൽ അ​വ​സാ​നി​ക്കു​മ്പോ​ഴും പ്ര​വ​ർ​ത്ത​ക​രു​ടെ ആ​വേ​ശ​ത്തി​ന്‍റെ അ​ല​യ​ട​ങ്ങി​യി​ട്ടി​ല്ലാ​യി​രു​ന്നു.

വി​ജ​യം ഉ​റ​പ്പ്

ഇത്തവണ വിജയം ഉറപ്പാണെന്ന് എളമരം കരീം ‘മാധ്യമ’ത്തോട് പറഞ്ഞു. 2021ൽ ​ഏ​ഴ് അ​സം​ബ്ലി സീ​റ്റു​ക​ളി​ൽ ആ​റി​ലും എ​ൽ.​ഡി.​ഫ് വി​ജ​യി​ച്ച​താ​ണ്. ഒ​രു ല​ക്ഷ​ത്തി പ​തി​നാ​റാ​യി​രം വോ​ട്ടി​ന്‍റെ ഭൂ​രി​പ​ക്ഷ​മു​ണ്ട്. ആ ​സാ​ഹ​ച​ര്യ​ത്തി​നെ​ക്കാ​ൾ കൂ​ടു​ത​ൽ മെ​ച്ച​മാ​ണ് ഇ​പ്പോ​ഴ​ത്തെ അ​വ​സ്ഥ.

ഇ​ട​തു​പ​ക്ഷ​ത്തി​ന് പാ​ർ​ല​മെ​ന്‍റി​ൽ കൂ​ടു​ത​ൽ അം​ഗ​ങ്ങ​ളു​ണ്ടാ​യാ​ലേ ക്വാ​ളി​റ്റി മെ​ച്ച​പ്പെ​ടു​ത്താ​ൻ ക​ഴി​യൂ. ഈ ​ആ​ശ​യ​ത്തി​ന് പി​ന്തു​ണ ന​ൽ​ക​ണ​മെ​ന്നാ​ണ് ജ​ന​ങ്ങ​ളോ​ട് പ​റ​യാ​നു​ള്ള​ത്. ഭ​ര​ണ​ഘ​ട​ന​ക്കെ​തി​രാ​യ, ജ​ന​ങ്ങ​ൾ​ക്കെ​തി​രാ​യ ആ​ക്ര​മ​ണ​ങ്ങ​ളെ ത​ട​യാ​ൻ ആ​ത്മാ​ർ​ഥ​മാ​യി ശ്ര​മി​ക്കു​ന്ന​ത് എ​ൽ.​ഡി.​എ​ഫ് മാ​ത്ര​മാ​ണ്.