ആ​ദ്യ​ദി​നം​ കോഴിക്കോട്ട് ഒരു പത്രിക മാത്രം

കോ​ഴി​ക്കോ​ട്: ലോ​ക്സ​ഭ തെ​ര​ഞ്ഞെ​ടു​പ്പി​നാ​യി ജില്ലയിൽ സ്ഥാ​നാ​ർ​ഥി​ക​ളു​ടെ നാ​മ​നി​ർ​ദേ​ശ പ​ത്രി​ക ന​ൽ​ക​ൽ ആ​രം​ഭി​ച്ച​പ്പോ​ൾ മ​ത്സ​രി​ക്കാ​ൻ ഒ​രാ​ളെ​ത്തി. കോ​ഴി​ക്കോ​ട് പാ​ർ​ല​മെ​ന്റ് മ​ണ്ഡ​ലം എ​സ്.​യു.​സി.​ഐ സ്ഥാ​നാ​ർ​ഥി ഡോ. ​എം. ജ്യോ​തി​രാ​ജാ​ണ് ആ​ദ്യ​ദി​വ​സ​മാ​യ വ്യാ​ഴാ​ഴ്ച പ​ത്രി​ക ന​ൽ​കി​യ​ത്.

ജി​ല്ല ക​ല​ക്ട​റും വ​ര​ണാ​ധി​കാ​രി​യു​മാ​യ സ്നേ​ഹി​ൽ കു​മാ​ർ സി​ങ്ങി​നാ​ണ് ഉ​ച്ച​ക്ക് 12ഓ​ടെ പ്ര​വ​ർ​ത്ത​ക​ർ​ക്കൊ​പ്പ​മെ​ത്തി പ​ത്രി​ക ന​ൽ​കി​യ​ത്. കോ​ഴി​ക്കോ​ട് മ​ണ്ഡ​ല​ത്തി​ന്റെ വ​ര​ണാ​ധി​കാ​രി ക​ല​ക്ട​ര്‍ സ്‌​നേ​ഹി​ല്‍ കു​മാ​ര്‍ സി​ങ്ങും ഉ​പ​വ​ര​ണാ​ധി​കാ​രി സ​ബ് ക​ല​ക്ട​ര്‍ ഹ​ര്‍ഷി​ല്‍ ആ​ര്‍. മീ​ണ​യു​മാ​ണ്. എ.​ഡി.​എം കെ. ​അ​ജീ​ഷാ​ണ് വ​ട​ക​ര മ​ണ്ഡ​ല​ത്തി​ന്റെ വ​ര​ണാ​ധി​കാ​രി. ഉ​പ​വ​ര​ണാ​ധി​കാ​രി വ​ട​ക​ര ആ​ർ.​ഡി.​ഒ പി. ​അ​ന്‍വ​ര്‍ സാ​ദ​ത്ത്.

ക​ല​ക്ട​റേ​റ്റി​ലാ​ണ് ഇ​രു മ​ണ്ഡ​ങ്ങ​ളി​ലേ​ക്കു​മു​ള്ള പ​ത്രി​ക​ക​ള്‍ സ്വീ​ക​രി​ക്കു​ന്ന​ത്. രാ​വി​ലെ 11 മു​ത​ല്‍ വൈ​കീ​ട്ട് മൂ​ന്നു​വ​രെ​യാ​ണ് പ​ത്രി​ക സ്വീ​ക​രി​ക്കു​ന്ന സ​മ​യം. അ​വ​സാ​ന തീ​യ​തി ഏ​പ്രി​ല്‍ നാ​ല്. നെ​ഗോ​ഷ്യ​ബ്ള്‍ ഇ​ന്‍സ്ട്രു​മെ​ന്റ്സ് ആ​ക്ട് പ്ര​കാ​രം അ​വ​ധി ദി​ന​ങ്ങ​ളാ​യ മാ​ര്‍ച്ച് 29, 31, ഏ​പ്രി​ല്‍ ഒ​ന്ന് തീ​യ​തി​ക​ളി​ല്‍ പ​ത്രി​ക സ​മ​ർ​പ്പ​ണം ഉ​ണ്ടാ​കി​ല്ല. സൂ​ക്ഷ്മ​പ​രി​ശോ​ധ​ന ഏ​പ്രി​ല്‍ അ​ഞ്ചി​ന് ന​ട​ക്കും. പ​ത്രി​ക പി​ന്‍വ​ലി​ക്കാ​നു​ള്ള അ​വ​സാ​ന തീ​യ​തി ഏ​പ്രി​ല്‍ എ​ട്ടാ​ണ്.