ലോ​ക്സ​ഭ​യി​ലും കു​ത്ത​ക നേ​ടാ​ൻ എ​ൽ.​ഡി.​എ​ഫ്, നേ​ട്ടം കൂ​ട്ടാ​ൻ യു.​ഡി.​എ​ഫ്

കോ​ഴി​ക്കോ​ട്: ന​ഗ​ര ഹൃ​ദ​യം തൊ​ട്ടു​ള്ള മ​ണ്ഡ​ല​മാ​ണ്​ കോ​ഴി​ക്കോ​ട്​ നോ​ർ​ത്ത്. കേ​ര​ള​പ്പി​റ​വി​ക്കു​ശേ​ഷം ആ​ദ്യ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ലെ ഒ.​ടി. ശാ​ര​ദ കൃ​ഷ്ണ​ൻ കോ​ഴി​ക്കോ​ടി​​ന്‍റെ ആ​ദ്യ മേ​യ​റാ​യി​രു​ന്ന ക​മ്യൂ​ണി​സ്​​റ്റ് പാ​ർ​ട്ടി​യി​ലെ എ​ച്ച്. മ​ഞ്ജു​നാ​ഥ റാ​വു​വി​നെ തോ​ൽ​പി​ച്ച്​ ച​രി​ത്ര​ത്തി​ന്​ തു​ട​ക്ക​മി​ട്ട പ​ഴ​യ കോ​ഴി​ക്കോ​ട് ഒ​ന്ന് മ​ണ്ഡ​ലം ഉ​ൾ​പ്പെ​ട്ട കോ​ഴി​ക്കോ​ട് നോ​ർ​ത്ത് ഇ​പ്പോ​ൾ എ​ൽ.​ഡി.​എ​ഫി​​ന്‍റെ സ്​​ഥി​രം ത​ട്ട​ക​മാ​ണ്. ഈ ​കു​ത്ത​ക ലോ​ക്സ​ഭ​യി​ലും നി​ല​നി​ർ​ത്താ​നു​ള്ള ശ്ര​മ​ത്തി​ലാ​ണ് എ​ൽ.​ഡി.​എ​ഫ്. ​എം.​കെ. രാ​ഘ​വ​ന്റെ നാ​ലാം വ​ര​വ് ത​ട​യാ​നു​ള്ള നീ​ക്ക​ത്തി​ൽ മ​ണ്ഡ​ലം ക​രീ​മി​നൊ​പ്പം നി​ൽ​ക്കു​മെ​ന്ന പ്ര​തീ​ക്ഷ​യി​ലാ​ണ് ഇ​ട​ത് ക്യാ​മ്പു​ക​ൾ. എ​ന്നാ​ൽ, ഭൂ​രി​പ​ക്ഷം കു​റ​ഞ്ഞാ​ലും ലീ​ഡ് നി​ല​നി​ർ​ത്തു​മെ​ന്ന് യു.​ഡി.​എ​ഫ് നേ​താ​ക്ക​ൾ പ​റ​യു​ന്നു.

എ​റ്റ​വു​മൊ​ടു​വി​ൽ മു​ൻ മേ​യ​ർ തോ​ട്ട​ത്തി​ൽ ര​വീ​ന്ദ്ര​ൻ തോ​ൽ​പി​ച്ച​ത് യൂ​ത്ത് കോ​ൺ​ഗ്ര​സ് നേ​താ​വ് കെ.​എം. അ​ഭി​ജി​ത്തി​നെ. തു​ട​ർ​ച്ച​യാ​യി മൂ​ന്നു​ത​വ​ണ എ. ​പ്ര​ദീ​പ് കു​മാ​ർ എം.​എ​ൽ.​എ​യാ​യ മ​ണ്ഡ​ലം. നി​യ​മ​സ​ഭ തെ​ര​ഞ്ഞെ​ടു​പ്പി​ൽ പ്ര​ദീ​പി​നെ​യും ലോ​ക്സ​ഭ തെ​ര​ഞ്ഞെ​ടു​പ്പി​ൽ അ​ദ്ദേ​ഹ​ത്തി​ന്റെ മ​റു​ചേ​രി​യി​ലെ എം.​കെ. രാ​ഘ​വ​നെ​യും ജ​യി​പ്പി​ക്കു​ക എ​ന്ന​ത് മൂ​ന്നു​ ത​വ​ണ​യും മ​ണ്ഡ​ല​ത്തി​ന്റെ സ്വ​ഭാ​വ​മാ​യി​രു​ന്നു. ക​ഴി​ഞ്ഞ ലോ​ക്​​സ​ഭ തെ​ര​ഞ്ഞെ​ടു​പ്പി​ൽ എം.​കെ. രാ​ഘ​വ​നെ​തി​രെ പ്ര​ദീ​പ്​ കു​മാ​ർ ത​ന്നെ സ്​​ഥാ​നാ​ർ​ഥി​യാ​യ​പ്പോ​ൾ പ​ക്ഷേ രാ​ഘ​വ​ൻ ലീ​ഡ് നേ​ടി. ’87 മു​ത​ൽ ഇ​ട​തു​വ​ല​ത് മു​ന്ന​ണി​ക​ളെ മാ​റി മാ​റി പി​ന്തു​ണ​ക്കു​ക​യെ​ന്ന​താ​യി​രു​ന്നു മ​ണ്ഡ​ല​ത്തി​ന്റെ സ്വ​ഭാ​വം.

എ​ന്നാ​ൽ, പ്ര​ദീ​പ്​ കു​മാ​ർ മ​ത്സ​രി​ക്കാ​ൻ വ​ന്ന​തോ​ടെ അ​ക്ക​ഥ മാ​റി. നി​യ​മ​സ​ഭ​യി​ലേ​ക്ക്​ ഓ​രോ ത​വ​ണ​യും പ്ര​ദീ​പ്​ കു​മാ​റി​​ന്‍റെ ഭൂ​രി​പ​ക്ഷം കൂ​ടി​വ​ന്നു. കോ​ഴി​ക്കോ​ട് ഒ​ന്ന് എ​ന്ന് 1957 മു​ത​ൽ അ​റി​യ​പ്പെ​ട്ട മ​ണ്ഡ​ലം അ​തി​ർ​ത്തി മാ​റ്റ​ത്തോ​ടെ നോ​ർ​ത്താ​യി മാ​റു​ക​യാ​യി​രു​ന്നു. മാ​വൂ​ർ റോ​ഡി​ന് വ​ട​ക്ക് നോ​ർ​ത്ത് മ​ണ്ഡ​ല​വും തെ​ക്ക് സൗ​ത്തു​മെ​ന്ന രീ​തി​യി​ലാ​ണ് അ​തി​ർ​ത്തി. നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫ്​ ജ​യി​ക്കു​ക​യും യു.​ഡി.​എ​ഫി​ന്​ ശ​ക്​​തി കു​റ​യു​ക​യും ബി.​ജെ.​പി വോ​ട്ട്​ വ​ർ​ധി​പ്പി​ക്കു​ക​യും ചെ​യ്യു​ക എ​ന്ന സ്വ​ഭാ​വ​വും മ​ണ്ഡ​ല​ത്തി​ലു​ണ്ട്. കോ​ർ​പ​റേ​ഷ​ൻ തെ​ര​ഞ്ഞെ​ടു​പ്പി​ൽ ബി.​​ജെ.​പി​യു​ടെ ഏ​ഴി​ൽ ആ​റു സീ​റ്റും മ​ണ്ഡ​ല​ത്തി​ൽ നി​ന്നെ​ന്ന​ത് അ​വ​ർ​ക്ക് ആ​ത്മ​വി​ശ്വാ​സ​മേ​റ്റു​ന്നു.