വി​ര​ൽ പ​തി​ഞ്ഞ് 77.24 %

കോ​ഴി​ക്കോ​ട്: നാ​ടി​ള​ക്കി​യ പ്ര​ചാ​ര​ണ​ങ്ങ​ളു​ടെ ആ​വേ​ശ​മ​ത്ര​യും പ്ര​തി​ഫ​ലി​ച്ച വോ​ട്ടെ​ടു​പ്പി​ൽ ജി​ല്ല​യി​ൽ 77.24 ശ​ത​മാ​നം പോ​ളി​ങ്. ആ​കെ​യു​ള്ള 26,82,682 വോ​ട്ട​ര്‍മാ​രി​ൽ 20,72,137 പേ​ർ ജ​നാ​ധി​പ​ത്യ​ത്തി​ന്റെ ആ​ഘോ​ഷ​ത്തി​ൽ പ​ങ്കാ​ളി​ക​ളാ​യി. ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ 79.23 ശ​ത​മാ​നം പേ​രാ​ണ് വോ​ട്ട് രേ​ഖ​പ്പെ​ടു​ത്തി​യ​ത്.

പോ​ളി​ങ് ബൂ​ത്തു​ക​ളി​ലെ​ത്തി​യ​വ​രു​ടെ ശ​ത​മാ​ന​ത്തി​ലും എ​ണ്ണ​ത്തി​ലും കൂ​ടു​ത​ലും സ്ത്രീ ​വോ​ട്ട​ർ​മാ​രാ​ണ് . 14,16,275 സ്ത്രീ ​വോ​ട്ട​ർ​മാ​രി​ൽ 1120065 പേ​രാ​ണ് വോ​ട്ടു​ചെ​യ്ത​ത് - 79.09 ശ​ത​മാ​നം. 12,66,375 പു​രു​ഷ വോ​ട്ട​ർ​മാ​രി​ൽ 952063 പേ​രും (75.18 ശ​ത​മാ​നം) 32 ട്രാ​ന്‍സ്ജ​ന്‍ഡ​ര്‍ വോ​ട്ട​ർ​മാ​രി​ൽ ഒ​മ്പ​തു പേ​രും (28.12 ശ​ത​മാ​നം) വോ​ട്ട​വ​കാ​ശം വി​നി​യോ​ഗി​ച്ചു.

കോ​ഴി​ക്കോ​ട് കോ​ർ​പ​റേ​ഷ​നി​ൽ 69.55 ശ​ത​മാ​ന​മാ​ണ് പോ​ളി​ങ്. 475739 പേ​രി​ൽ 330891 പേ​രാ​ണ് വോ​ട്ട് ചെ​യ്ത​ത്. 224161 പു​രു​ഷ​ന്മാ​രി​ൽ 157974(70.47 ശ​ത​മാ​നം) പേ​രും 251571 സ്ത്രീ​ക​ളി​ൽ 172915 (68.73 ശ​ത​മാ​നം) പേ​രും ഏ​ഴ് ട്രാ​ൻ​സ്‌​ജെ​ൻ​ഡേ​ഴ്സി​ൽ ര​ണ്ടു പേ​രും (28.57 ശ​ത​മാ​നം) വോ​ട്ട് രേ​ഖ​പ്പെ​ടു​ത്തി. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ 70.49 ശ​ത​മാ​ന​മാ​യി​രു​ന്നു പോ​ളി​ങ്.

മു​നി​സി​പ്പാ​ലി​റ്റി​ക​ളി​ൽ കു​ടു​ത​ൽ പോ​ളി​ങ് രേ​ഖ​പ്പെ​ടു​ത്തി​യ​ത് രാ​മ​നാ​ട്ടു​ക​ര​യി​ലും (81.39 ശ​ത​മാ​നം) കു​റ​വ് പ​യ്യോ​ളി​യി​ലു​മാ​ണ് (76.53 ശ​ത​മാ​നം). ബ്ലോ​ക്ക് പ​ഞ്ചാ​യ​ത്തു​ക​ളി​ൽ പേ​രാ​മ്പ്ര​യി​ലാ​ണ് ഉ​യ​ർ​ന്ന പോ​ളി​ങ് -81.46 ശ​ത​മാ​നം. തൂ​ണേ​രി ബ്ലോ​ക്കി​ലാ​ണ് കു​റ​വ് വോ​ട്ട് രേ​ഖ​പ്പെ​ടു​ത്തി​യ​ത് -76.35 ശ​ത​മാ​നം. ഗ്രാ​മ​പ​ഞ്ചാ​യ​ത്തു​ക​ളി​ലും ആ​വേ​ശ​ക​ര​മാ​യി​രു​ന്നു പോ​ളി​ങ്. ജി​ല്ല​യി​ല്‍ വി​വി​ധ ത​ല​ങ്ങ​ളി​ലേ​ക്കാ​യി 3,002 പു​രു​ഷ​ന്മാ​രും 3,326 സ്ത്രീ​ക​ളും ഉ​ള്‍പ്പെ​ടെ 6,328 സ്ഥാ​നാ​ര്‍ഥി​ക​ളാ​ണ് ജ​ന​വി​ധി തേ​ടു​ന്ന​ത്.

ജി​ല്ല പ​ഞ്ചാ​യ​ത്തി​ലേ​ക്ക് 111, ബ്ലോ​ക്ക് പ​ഞ്ചാ​യ​ത്തു​ക​ളി​ലേ​ക്ക് 604, ഗ്രാ​മ​പ​ഞ്ചാ​യ​ത്തു​ക​ളി​ലേ​ക്ക് 4424, കോ​ര്‍പ​റേ​ഷ​നി​ലേ​ക്ക് 326, ന​ഗ​ര​സ​ഭ​ക​ളി​ലേ​ക്ക് 863 എ​ന്നി​ങ്ങ​നെ​യാ​ണ് മ​ത്സ​ര​രം​ഗ​ത്തു​ള്ള സ്ഥാ​നാ​ര്‍ഥി​ക​ള്‍. ഫ്ര​ഷ് ക​ട്ട് വി​രു​ദ്ധ സ​മ​ര​ത്തി​നു പി​ന്നാ​ലെ പൊ​ലീ​സ് ന​ട​പ​ടി തു​ട​ങ്ങി​യ​തോ​ടെ ഒ​ളി​വി​ൽ​പോ​യ ക​രി​ങ്ങ​മ​ണ്ണ വാ​ർ​ഡി​ലെ യു.​ഡി.​എ​ഫ് സ്ഥാ​നാ​ർ​ഥി തെ​ര​ഞ്ഞെ​ടു​പ്പു​നാ​ളി​ലും വോ​ട്ട​ർ​മാ​ർ​ക്ക് മു​ന്നി​ലെ​ത്തി​യി​ല്ല. ഇ​വി​ടെ സ​മ​ര​ത്തി​ൽ പ​ങ്കെ​ടു​ത്ത നി​ര​വ​ധി പ്ര​വ​ർ​ത്ത​ക​രും വോ​ട്ടു ചെ​യ്തി​ല്ല.