LEADക്ഷാമമില്ല; കോവിഡ്​ വാക്​സിൻ കുത്തിവെക്കാൻ ആളേറുന്നു

കോഴിക്കോട്​: കോവിഡി​‍ൻെറ രണ്ടാം തരംഗം പടരുന്നതോടെ വാക്​സിൻ കുത്തിവെക്കാൻ തിരക്കേറുന്നു. കഴിഞ്ഞ ആഴ്​ചവരെ മടിച്ചിരുന്നവരാണ്​ ഇപ്പോൾ വാക്​സിൻ ക്യാമ്പുകൾ ​അന്വേഷിച്ച്​ നടക്കുന്നത്​. കോവിഡ്​ ജില്ലയിൽ വ്യാപിക്കുകയാണ്​. കോവിഷീൽഡും കോവാക്​സിനും കുത്തിവെപ്പിന്​ ഇതു​വരെയുള്ള ലക്ഷ്യം ജില്ല കൈവരിച്ചതായി ഡി.എം.ഒ (ആരോഗ്യം) ചുമതല വഹിക്കുന്ന ഡോ. പിയൂഷ്​ നമ്പൂതിരിപ്പാട്​ പറഞ്ഞു. നിലവിൽ വാക്​സിന്​ ക്ഷാമമില്ലെന്നും അദ്ദേഹം പറഞ്ഞു. ബുധനാഴ്​ച അർധരാത്രി വരെ 4,18,299 പേർക്കാണ്​ ജില്ലയിൽ ആകെ വാക്​സിൻ നൽകിയത്​. 3,69,412 പേർക്ക്​ ആദ്യ ഡോസും 48,887 പേർക്ക്​ രണ്ടാം ഡോസും കുത്തിവെച്ചു. 90 സർക്കാർ കേന്ദ്രങ്ങളിലും 11 സ്വകാര്യ ആശുപത്രികളടക്കമുള്ള സ്​ഥലങ്ങളിലും കുത്തിവെപ്പിന്​ സൗകര്യമുണ്ട്​. 47,984 ആരോഗ്യപ്രവർത്തകർ ആദ്യ ഡോസ്​ സ്വീകരിച്ചു. ലക്ഷമിട്ടതി​‍ൻെറ നൂറു ശതമാനമാണിത്​. 28,097 ​ആരോഗ്യപ്രവർത്തകർക്ക്​ രണ്ടാം ഡോസും കുത്തിവെച്ചു. ആകെയുള്ളതി​‍ൻെറ 69 ശതമാനമാണിത്​. തെരഞ്ഞെടുപ്പ്​ ഉദ്യോഗസ്​ഥർക്കും തെരഞ്ഞെടുപ്പ്​ ഉദ്യോഗസ്​ഥരല്ലാത്ത മുൻനിര​ ജോലിക്കാർക്കും ആദ്യ ഡോസ്​ നൂറു ശതമാനം കുത്തിവെപ്പ്​ നടത്തി. 30,381 തെരഞ്ഞെടുപ്പ്​ ഉദ്യേഗസ്​ഥർക്ക്​ ആദ്യ ഡോസ്​ നൽകി. തെരഞ്ഞെടുപ്പ്​ ഉദ്യോഗസ്​ഥരല്ലാത്ത മുൻനിര​ ജോലിക്കാരിൽ ലക്ഷ്യമിട്ട 10,189 പേർ ആദ്യ ഡോസും ഇവരിൽപ്പെടുന്ന 7,501 പേർ രണ്ടാം ഡോസും സ്വീകരിച്ചു. 45-60 പ്രായമുള്ളവരിൽ 29 ശതമാനം ​േപർക്ക്​ മാ​ത്രമാണ്​ ജില്ലയിൽ ആദ്യ ഡോസ്​ ​െകാടുത്തത്​​. 9,84,753 പേർക്ക്​ കുത്തിവെക്കുകയാണ്​ ​ആണ്​ ലക്ഷ്യം. നിലവിൽ 2,80,858 പേരാണ്​ കുത്തിവെപ്പെടുത്തത്​. ഇതേ വിഭാഗത്തിൽ ജില്ലയിൽ രണ്ടാം ഡോസ്​ എടുത്തത്​ 13 ശതമാനമാണ്​. 62,220​ ഡോസ്​ വാക്​സിൻ ജില്ലയിൽ സ്​റ്റോക്കുണ്ട്​. 56,220 ഡോസും കോവിഷീൽഡാണ്​. പരമാവധി പേർ വാക്​സിനെടുക്കണമെന്നാണ്​ ആരോഗ്യവിദഗ്​ധരുടെ നിർദേശം. കുത്തിവെപ്പ്​ എടുത്ത ശേഷം ശാരീരികമായ ബുദ്ധിമുട്ടുകളൊന്നുമില്ലെന്ന്​ അനുഭവസ്​ഥരും പറയുന്നു. വാക്​സിൻ സ്വീകരിച്ച ശേഷം രോഗം വന്നാലും തീ​വ്രത കുറയുമെന്നും വിദഗ്​ധർ ചൂണ്ടിക്കാട്ടുന്നു. ​ന്യുമോണിയ അടക്കമുള്ള കോവിഡ്​ അനുബന്ധ രോഗങ്ങൾക്കും കുറവുണ്ടാകും. അതേസമയം, കുത്തിവെപ്പ്​ എടുത്തവർ മാസ്​കും സാനിറ്റൈസറും ഉപയോഗിക്കണം. കുത്തിവെപ്പുമായി ബന്ധപ്പെട്ട സംശയങ്ങൾക്ക് 1056, 0471- 2552056, 7594001442 എന്നീ ഫോൺ നമ്പറുകളിൽ വിളിച്ചാൽ ​ മറുപടി ലഭിക്കും. സ്വന്തം ലേഖകൻ