ലോ ​കോ​ള​ജ് വി​ദ്യാ​ർ​ഥി​നി​യു​ടെ മ​ര​ണം: ആ​ൺ​സു​ഹൃ​ത്ത് അ​റ​സ്റ്റി​ൽ

കോ​ഴി​ക്കോ​ട്​: കോ​ഴി​ക്കോ​ട് ഗ​വ. ലോ ​കോ​ള​ജ് വി​ദ്യാ​ർ​ഥി​നി​ താ​മ​സ​സ്ഥ​ല​ത്ത് തൂ​ങ്ങി​മ​രി​ച്ചതുമാ​യി ബ​ന്ധ​പ്പെ​ട്ട് ആ​ൺ​സു​ഹൃ​ത്ത് അ​റ​സ്റ്റി​ൽ. മൂ​ന്നാം സെ​മ​സ്റ്റ​ർ വി​ദ്യാ​ർ​ഥി​നി തൃ​ശൂ​ർ പാ​വ​റ​ട്ടി ഊ​ക്ക​ൻ​സ്​ റോ​ഡി​ൽ കൈ​ത​ക്ക​ൽ മൗ​സ മെ​ഹ​റി​സി (20)ന്റെ ​മ​ര​ണ​വു​മാ​യി ബ​ന്ധ​പ്പെ​ട്ടാ​ണ് കോ​ഴി​ക്കോ​ട് കോ​വൂ​ർ സ്വ​ദേ​ശി​യാ​യ അ​ൽ​ഫാ​ൻ ഇ​ബ്രാ​ഹി​മി (34)നെ ​ചേ​വാ​യൂ​ർ എ​സ്.​ഐ നി​മി​ൻ കെ. ​ദി​വാ​ക​ര​ൻ അ​റ​സ്റ്റ് ചെ​യ്ത​ത്.

ആ​ത്മ​ഹ​ത്യ പ്രേ​ര​ണ​ക്കു​റ്റം ചു​മ​ത്തി​യാ​ണ് കേ​സെ​ടു​ത്ത​ത്. വ്യാ​ഴാ​ഴ്ച രാ​വി​ലെ ക​ൽ​പ​റ്റ​ക്ക​ടു​ത്തു​നി​ന്നാ​ണ് പൊ​ലീ​സ് സം​ഘം അ​ൽ​ഫാ​നെ അ​റ​സ്റ്റ് ചെ​യ്ത​ത്. അ​ന്വേ​ഷ​ണ​ത്തി​ന്റെ ഭാ​ഗ​മാ​യി മൗ​സ മെ​ഹ​റി​സി​ന്റെ മ​റ്റു സു​ഹൃ​ത്തു​ക്ക​ളെ ചോ​ദ്യം ചെ​യ്യു​ന്ന​തി​നാ​യി പൊ​ലീ​സ് വി​ളി​ച്ചു​വ​രു​ത്തി മൊ​ഴി​യെ​ടു​ത്തി​രു​ന്നു. എ​ന്നാ​ൽ, സു​ഹൃ​ത്താ​യ അ​ൽ​ഫാ​ൻ എ​ത്താ​തെ ഒ​ളി​വി​ൽ ക​ഴി​യു​ക​യാ​യി​രു​ന്നു.

ക​ഴി​ഞ്ഞ വ​ർ​ഷം ന​വം​ബ​റി​ലാ​യി​രു​ന്നു ലോ ​കോ​ള​ജി​ന് സ​മീ​പ​ത്തെ ക​ട​യി​ൽ പാ​ർ​ട്ട്‌​ടൈ​മാ​യി ജോ​ലി ചെ​യ്തി​രു​ന്ന മൗ​സ മെ​ഹ​റി​സി​നെ അ​ൽ​ഫാ​ൻ പ​രി​ച​യ​പ്പെ​ട്ട​ത്. പി​ന്നീ​ട് ഇ​രു​വ​രും അ​ടു​ത്ത സു​ഹൃ​ത്തു​ക്ക​ളാ​യി. അ​തി​നി​ടെ അ​ൽ​ഫാ​ൻ വി​വാ​ഹി​ത​നാ​ണെ​ന്നും കു​ട്ടി​യു​ണ്ടെ​ന്നു​മു​ള്ള വി​വ​രം മൗ​സ അ​റി​ഞ്ഞു. മൗ​സ ബ​ന്ധ​ത്തി​ൽ​നി​ന്ന് പി​ന്മാ​റാ​ൻ ശ്ര​മി​ച്ച​തോ​ടെ അ​ൽ​ഫാ​ൻ സ്വ​യം പ​രി​ക്കേ​ൽ​പി​ക്കു​ക​യും മൗ​സ​യെ മ​ർ​ദി​ക്കു​ക​യും ചെ​യ്തു. മൗ​സയു​ടെ ഫോ​ണും അ​ൽ​ഫാ​ൻ കൈ​വ​ശ​പ്പെ​ടു​ത്തി. ഇ​തി​ലെ​ല്ലാം ദുഃ​ഖി​ത​യാ​യ മൗ​സ, ആ​ത്മ​ഹ​ത്യ​ചെ​യ്ത ദി​വ​സം രാ​വി​ലെ കോ​ള​ജി​ലെ​ത്തി കാ​ര്യ​ങ്ങ​ളെ​ല്ലാം സു​ഹൃ​ത്തു​ക്ക​ളോ​ട് പ​റ​ഞ്ഞി​രു​ന്നു.

ഓ​ൺ​ലൈ​ൻ ത​ട്ടി​​പ്പി​ൽ അ​ൽ​ഫാ​ന്റെ ബാ​ങ്ക് അ​ക്കൗ​ണ്ട് റി​സ​ർ​വ് ബാ​ങ്ക് മുമ്പ് മ​ര​വി​പ്പി​ച്ചി​ട്ടു​ണ്ട്. ഒ​ളി​വി​ൽ പോ​യ അ​ൽ​ഫാ​ൻ ബം​ഗ​ളൂ​രു, ഗോ​വ, ഗു​ണ്ട​ൽ​പേ​ട്ട് എ​ന്നി​വി​ട​ങ്ങ​ളി​ലാ​യി​രു​ന്നു ക​ഴി​ഞ്ഞ​ത്.