േഗാ​ൾ​ഡ്​ പാ​ല​സ്​ ജ്വല്ലറി നിക്ഷേപ തട്ടിപ്പ്​: രണ്ട്​ ഉടമകൾ ഡൽഹിയിൽ പിടിയിൽ

കു​റ്റ്യാ​ടി: േഗാ​ൾ​ഡ്​ പാ​ല​സ്​ ജ്വ​ല്ല​റി നി​ക്ഷേ​പ ത​ട്ടി​പ്പു കേ​സി​ൽ പൊ​ലീ​സ്​ അ​ന്വേ​ഷി​ക്കു​ന്ന ര​ണ്ട്​ ഉ​ട​മ​ക​ൾ ഡ​ൽ​ഹി​യി​ൽ പി​ടി​യി​ൽ. ര​ണ്ടാം പാ​ർ​ട്​​ണ​ർ കു​ള​ങ്ങ​ര​ത്താ​ഴ ക​േ​ച്ച​രി​കെ​ട്ടി​യ​പ​റ​മ്പ​ത്ത്​ കെ.​പി.​ഹ​മീ​ദ്​ (55), മൂ​ന്നാം പാ​ർ​ട്​​ണ​ർ മീ​ത്ത​ലെ ത​യ്യു​ള്ള​തി​ൽ എം.​ടി. മു​ഹ​മ്മ​ദ്​(51) എ​ന്നി​വ​രെ​യാ​ണ്​ ഡ​ൽ​ഹി വി​മാ​ന​ത്താ​വ​ള​ത്തി​ൽ​നി​ന്ന്​ കു​റ്റ്യാ​ടി പൊ​ലീ​സ്​ ക​സ്​​റ്റ​ഡി​യി​ലെ​ടു​ത്ത​ത്. കോ​ടി​ക​ളു​ടെ സ്വ​ർ​ണ​വും പ​ണ​വും വാ​ങ്ങി ജ്വ​ല്ല​റി പൂ​ട്ടി​യ​തി​നെ തു​ട​ർ​ന്ന്​ നി​ക്ഷേ​പ​ക​ർ ന​ൽ​കി​യ പ​രാ​തി പ്ര​കാ​രം ഒ​ന്നാം പാ​ർ​ട്​​ണ​ർ കു​ള​ങ്ങ​ര​ത്താ​ഴ വാ​തു​ക്ക​ൽ​പ​മ്പ​ത്ത്​ വി.​പി.​സ​മീ​റി​നെ അ​റ​സ്​​റ്റ്​ ചെ​യ്​​തി​രു​ന്നു. എ​ന്നാ​ൽ, ഖ​ത്ത​റി​ലേ​ക്ക്​ ക​ട​ന്ന ഹ​മീ​ദ്​, മു​ഹ​മ്മ​ദ്​ എ​ന്നി​വ​രെ പി​ടി​കൂ​ടാ​നാ​വാ​ത്ത​തി​നാ​ൽ പൊ​ലീ​സ്​ ലു​ക്കൗ​ട്ട്​ നോ​ട്ടീ​സ്​ പു​റ​പ്പെ​ടു​വി​ച്ചി​രു​ന്നു. പ്ര​തി​ക​ൾ ദോ​ഹ​യി​ൽ​നി​ന്ന് യു.​കെ.​വ​ഴി ഡ​ൽ​ഹി​യി​ൽ ഇ​റ​ങ്ങി​യെ​ന്ന വി​വ​രം ല​ഭി​ച്ച​തി​നെ തു​ട​ർ​ന്ന് ​പ്ര​ത്യേ​ക അ​ന്വേ​ഷ​ണ സം​ഘ​ം വി​മാ​ന​ത്താ​വ​ള​ത്തി​ലെ​ത്തി ക​സ്​​റ്റ​ഡി​യി​ലെ​ടു​ക്കു​ക​യാ​യി​രു​ന്നു.

ഏ​ഴു ദി​വ​സ​ത്തേ​ക്ക്​ ക​സ്​​റ്റ​ഡി​യ​ിൽ വാ​ങ്ങി​യ മാ​നേ​ജി​ങ്​ ഡ​യ​റ​ക്​​ട​ർ കൂ​ടി​യാ​യ വി.​പി. സ​ബീ​റി​നെ ബു​ധ​നാ​ഴ്​​ച വീ​ണ്ടും കോ​ട​തി​യി​ൽ ഹാ​ജ​രാ​ക്കി റി​മാ​ൻ​റ്​​ ചെ​യ്​​തി​ട്ടു​ണ്ട്. ക​ഴി​ഞ്ഞ​മാ​സം 29 നാ​ണ്​ സ​ബീ​ർ അ​റ​സ്​​റ്റി​ലാ​യ​ത്. ക​ഴി​ഞ്ഞ 26നാ​ണ്​ ജ്വ​ല്ല​റി​യു​ടെ കു​റ്റ്യാ​ടി, ക​ല്ലാ​ച്ചി, പ​യ്യോ​ളി ശാ​ഖ​ക​ൾ പൂ​ട്ടി​യ​തി​നെ തു​ട​ർ​ന്ന്​​ നി​ക്ഷേ​പ​ക​ർ പ​രാ​തി​യു​മാ​യി പൊ​ലീ​സി​നെ സ​മീ​പി​ച്ച​ത്.