കാർ ബാർബർ ഷോപ്പിൽ ഇടിച്ചുകയറി; രണ്ടുപേർക്ക് പരിക്ക്

കുറ്റ്യാടി: പൊലീസുകാരനും കുടുംബവും യാത്രചെയ്ത കാർ നിയന്ത്രണം വിട്ട് ബാർബർ ഷോപ്പിൽ ഇടിച്ചുകയറി രണ്ട് യാത്രക്കാർക്ക് പരിക്ക്. കോഴിക്കോടുനിന്ന് വരുകയായിരുന്ന കാർ വയനാട് റോഡിലെ വളവ് തിരിയുന്നതിനിടയിൽ കെ.കെ. പ്രദീപ​െൻറ അപ്പൂസ്​ ബാർബർ ഷോപ്പിനാണ് ഇടിച്ചത്. നടപ്പാതയിലൂടെ ഓടി ബാർബർ ഷോപ്പി​െൻറ ചില്ലുവാതിലിൽ ഇടിക്കുകയായിരുന്നു.

കോഴിക്കോട്ട്​ സേവനം ചെയ്യുന്ന സീനിയർ സിവിൽ പൊലീസ് ഓഫിസർ മരുതോങ്കര മൊയിലോത്തറ ഉണ്ണികൃഷ്ണൻ, മകൾ എന്നിവർക്കാണ് പരിക്കേറ്റത്. ഇരുവരെയും കുറ്റ്യാടി ഗവ.താലൂക്ക് ആശുപത്രിയിൽ പ്രവേശിപ്പിച്ചു. കാറിലുണ്ടായിരുന്ന ഭാര്യയും മകനും പരിക്കേൽക്കാതെ രക്ഷപ്പെട്ടു. ഈ കടയിൽ മുമ്പും നിയന്ത്രണം വിട്ട കാർ ഇടിച്ചുകയറി രണ്ട് കാൽനടക്കാർക്ക് പരിക്കേറ്റിരുന്നു. നടപ്പാതക്ക് ഉയരം കുറഞ്ഞതാണ് കാരണം. നടപ്പാത പുനർനിർമിച്ച് വേലി സ്ഥാപിക്കാൻ എം.എൽ.എ ഫണ്ടിൽ തുക വകയിരുത്തിയിട്ടും പണി തുടങ്ങിയിട്ടില്ല.