മാനഭംഗ ശ്രമക്കേസിൽ പ്രതി പിടിയിലായില്ല; നിരാശയോടെ കുടുംബം വീടു വിട്ടു

കു​റ്റ്യാ​ടി: സ്ത്രീ​ക​ൾ മാ​ത്ര​മു​ള്ള വീ​ട്ടി​ൽ അ​തി​ക്ര​മി​ച്ചു ക​യ​റി യു​വ​തി​യെ മാ​ന​ഭം​ഗ​പ്പെ​ടു​ത്താ​ൻ ശ്ര​മി​ച്ച കേ​സി​ൽ ആ​ഴ്ച​ക​ൾ ക​ഴി​ഞ്ഞി​ട്ടും പ്ര​തി പി​ടി​യി​ലാ​വാ​ത്ത​തി​ൽ നി​രാ​ശ​രാ​യ കു​ടും​ബം വീ​ടു പൂ​ട്ടി വി​ദേ​ശ​ത്തേ​ക്ക് പോ​യി. ക​ക്ക​ട്ടി​ൽ വി​വാ​ഹം ചെ​യ്തു കൊ​ണ്ടു​വ​ന്ന തെ​ല​ങ്കാ​ന സ്വ​ദേ​ശി​നി​യെ വീ​ട്ടി​ൽ അ​തി​ക്ര​മി​ച്ചു ക​യ​റി പീ​ഡി​പ്പി​ക്കാ​ൻ ശ്ര​മി​ക്കു​ക​യാ​ണു​ണ്ടാ​യ​ത്. സം​ഭ​വ​മ​റി​ഞ്ഞ് പി​റ്റേ​ന്നു ത​ന്നെ വി​ദേ​ശ​ത്തു​നി​ന്ന് ഭ​ർ​ത്താ​വ് നാ​ട്ടി​ലെ​ത്തി​യി​രു​ന്നു. ഉ​ന്ന​ത പൊ​ലീ​സ് മേ​ധാ​വി​ക​ൾ, മ​നു​ഷ്യാ​വ​കാ​ശ ക​മീ​ഷ​ൻ, വ​നി​ത ക​മീ​ഷ​ൻ, വി​വി​ധ പാ​ർ​ട്ടി​ക​ൾ തു​ട​ങ്ങി​യ​വ​ർ​ക്കെ​ല്ലാം നി​വേ​ദ​നം ന​ൽ​കി​യി​ട്ടും കേ​സി​ന് തു​മ്പു​ണ്ടാ​യി​ല്ല.

യു​വ​തി​യെ​യും മാ​താ​വി​നെ​യും വീ​ട്ടി​ൽ ത​നി​ച്ചാ​ക്കി പോ​കാ​നു​ള്ള ഭ​യ​വും വി​ദേ​ശ​ത്തേ​ക്ക് ക​ട​ക്കാ​നു​ള്ള കാ​ര​ണ​മാ​യി പ​റ​യു​ന്നു. പു​ല​ർ​ച്ചെ സം​ഭ​വം ന​ട​ന്നി​ട്ടും കു​റ്റ്യാ​ടി പൊ​ലീ​സ് മൊ​ഴി​യെ​ടു​ക്കാ​നെ​ത്തി​യ​ത് വൈ​കീ​ട്ടാ​ണെ​ന്ന് യു​വ​തി പ​രാ​തി​പ്പെ​ട്ടി​രു​ന്നു. പൊ​ലീ​സ് ഉ​ദാ​സീ​ന​ത​ക്കെ​തി​രെ മ​നു​ഷ്യാ​വ​കാ​ശ ക​മീ​ഷ​ൻ സ്വ​മേ​ധ​യാ കേ​സെ​ടു​ത്തി​രു​ന്നു.

ജി​ല്ല പൊ​ലീ​സ് മേ​ധാ​വി​യോ​ട് അ​ന്വേ​ഷ​ണം ന​ട​ത്തി 15 ദി​വ​സ​ത്തി​ന​കം റി​പ്പോ​ർ​ട്ട് ആ​വ​ശ്യ​പ്പെ​ട്ടി​രു​ന്നു. വി​വി​ധ പാ​ർ​ട്ടി നേ​താ​ക്ക​ൾ ഇ​വ​രു​ടെ വീ​ട് സ​ന്ദ​ർ​ശി​ച്ചി​രു​ന്നെ​ങ്കി​ലും ആ​രും യു​വ​തി​ക്ക് നീ​തി​യാ​വ​ശ്യ​പ്പെ​ട്ട് പ​ര​സ്യ പ്ര​സ്താ​വ​ന ന​ട​ത്തു​ക​യു​ണ്ടാ​യി​ല്ല. മ​ഹി​ള കോ​ൺ​ഗ്ര​സ് മാ​ത്ര​മാ​ണ് രം​ഗ​ത്തു വ​ന്ന​ത്. പ്ര​തി​ക​ളെ പി​ടി​ക്ക​ണ​മെ​ന്നാ​വ​ശ്യ​പ്പെ​ട്ട് അ​വ​ർ കു​റ്റ്യാ​ടി സി.​ഐ​ക്ക് നി​വേ​ദ​നം ന​ൽ​കു​ക​യു​ണ്ടാ​യി. ഒ​ക്ടോ​ബ​ർ 2ന് ​സ​ത്യ​ഗ്ര​ഹ​വും തീ​രു​മാ​നി​ച്ചി​ട്ടു​ണ്ട്.