കുടിവെള്ള പൈപ്പ് പൊട്ടി; ആഴ്ചകളായി നാട്ടുകാർ ദുരിതത്തിൽ

കു​ന്ദ​മം​ഗ​ലം: പ​ട​നി​ലം ഭാ​ഗ​ത്ത്‌ കു​ടി​വെ​ള്ള പൈ​പ്പ് പൊ​ട്ടി ആ​ഴ്ച​ക​ളാ​യി നാ​ട്ടു​കാ​ർ ദു​രി​ത​ത്തി​ൽ. ദേ​ശീ​യ​പാ​ത​യു​ടെ വി​ക​സ​ന​വു​മാ​യി ബ​ന്ധ​പ്പെ​ട്ട് താ​ഴെ പ​ട​നി​ലം ഭാ​ഗ​ത്ത് ന​ട​ക്കു​ന്ന പ്ര​വൃ​ത്തി​ക​ൾ​ക്കി​ട​യി​ലാ​ണ് പൈ​പ്പ് പൊ​ട്ടി​യ​ത്. കു​ന്ദ​മം​ഗ​ലം പ​ഞ്ചാ​യ​ത്തി​ലെ ഒ​ന്നും ര​ണ്ടും വാ​ർ​ഡു​ക​ളു​ൾ​പ്പെ​ടു​ന്ന പ്ര​ദേ​ശ​മാ​ണി​ത്.

പ​ട​നി​ലം ജി.​എം.​എ​ൽ.​പി സ്കൂ​ൾ ഉ​ൾ​പ്പെ​ടെ നി​ര​വ​ധി വീ​ടു​ക​ളി​ൽ വെ​ള്ള​മി​ല്ലാ​താ​യി​ട്ട് 20 ദി​വ​സം ക​ഴി​ഞ്ഞു​വെ​ന്ന് നാ​ട്ടു​കാ​ർ പ​റ​യു​ന്നു. പ​ല വീ​ടു​ക​ളി​ലും കി​ണ​റി​ൽ വെ​ള്ള​മി​ല്ലാ​താ​കു​മ്പോ​ൾ ഏ​ക ആ​ശ്ര​യം പൈ​പ്പ് വെ​ള്ള​മാ​ണ്. അ​ധി​കൃ​ത​രെ പ​ല ദി​വ​സ​ങ്ങ​ളി​ലും ബ​ന്ധ​പ്പെ​ടു​മ്പോ​ൾ പൊ​ട്ടി​യ പൈ​പ്പ് ന​ന്നാ​ക്കാ​മെ​ന്ന് പ​റ​യു​മെ​ങ്കി​ലും ദി​വ​സ​മി​ത്ര​യാ​യി​ട്ടും ഒ​രു ന​ട​പ​ടി​യു​മാ​യി​ട്ടി​ല്ലെ​ന്ന് നാ​ട്ടു​കാ​ർ പ​റ​ഞ്ഞു.

ദേ​ശീ​യ​പാ​ത​യി​ൽ പി.​ഡ​ബ്ല്യു.​ഡി​യു​ടെ വ​ർ​ക്കി​നി​ട​യി​ൽ പൈ​പ്പ് പൊ​ട്ടി​യ​താ​ണെ​ന്നും സ്ഥ​ലം സ​ന്ദ​ർ​ശി​ച്ച് പി.​ഡ​ബ്ല്യു.​ഡി അ​ധി​കൃ​ത​രോ​ട് എ​ത്ര​യും വേ​ഗ​ത്തി​ൽ പൊ​ട്ടി​യ പൈ​പ്പ് ന​ന്നാ​ക്കാ​ൻ ആ​വ​ശ്യ​പ്പെ​ട്ടി​ട്ടു​ണ്ടെ​ന്നും വാ​ട്ട​ർ അ​തോ​റി​റ്റി അ​ധി​കൃ​ത​ർ ‘മാ​ധ്യ​മ’​ത്തോ​ട് പ​റ​ഞ്ഞു.

ദി​വ​സ​ങ്ങ​ളാ​യി വെ​ള്ള​മി​ല്ലാ​തെ ദു​രി​ത​ത്തി​ലാ​യ നാ​ട്ടു​കാ​ർ ആ​ക്ഷ​ൻ ക​മ്മി​റ്റി രൂ​പ​വ​ത്ക​രി​ക്കാ​ൻ തീ​രു​മാ​നി​ച്ചു. ശു​ദ്ധ​ജ​ല വി​ത​ര​ണ പ​ദ്ധ​തി​യി​ൽ​നി​ന്നെ​ത്തു​ന്ന വെ​ള്ള​ത്തെ മാ​ത്രം ആ​ശ്ര​യി​ച്ച് ക​ഴി​യു​ന്ന പ​ല കു​ടും​ബ​ങ്ങ​ൾ​ക്കും വെ​ള്ള​മെ​ത്തി​ക്കാ​ൻ ന​ട​പ​ടി​യി​ല്ലെ​ങ്കി​ൽ സ​മ​ര​വു​മാ​യി രം​ഗ​ത്തി​റ​ങ്ങാ​നാ​ണ് നാ​ട്ടു​കാ​രു​ടെ തീ​രു​മാ​നം.