കളരിക്കണ്ടിയിൽ പട്ടാപ്പകൽ വീട്ടിൽനിന്ന് 10,000 രൂപ മോഷണം പോയി

കുന്ദമംഗലം: ആളില്ലാത്ത വീട്ടിൽനിന്ന് പട്ടാപ്പകൽ 10,000 രൂപ മോഷണം പോയി. കളരിക്കണ്ടി ആലുംതോട്ടത്തിൽ ഹക്കീമി​െൻറ വീട്ടിൽ നിന്നാണ് തിങ്കളാഴ്ച ഉച്ചക്ക് 12.30ന് മോഷണം പോയത്. ഡ്രൈവറായ ഹക്കിം ജോലിക്ക് പോയതായിരുന്നു. വീട്ടിലെ സ്ത്രീകളും കുട്ടികളും വാതിൽ ലോക്ക് ചെയ്യാതെ അടുത്ത വീട്ടിലേക്ക് പോയ സമയത്താണ് മോഷണം. അകത്തെ അലമാരയിൽ നിന്നാണ് 10,000 രൂപ നഷ്​ടപ്പെട്ടത്.

തൊട്ടടുത്തുള്ള സി.സി ടി.വിയിൽ പതിഞ്ഞ ദൃശ്യത്തിൽനിന്ന് ആക്ടിവ സ്കൂട്ടറിലാണ് മോഷ്​ടാവ് വന്നതെന്ന് മനസ്സിലായിട്ടുണ്ട്. കുന്ദമംഗലം പൊലീസ് സ്ഥലത്തെത്തി അന്വേഷണം തുടങ്ങി.