അന്താരാഷ്ട്ര മാതൃഭാഷ ദിനം: 80ലും മാതൃഭാഷയെ സ്നേഹിച്ച് കൊതിതീരാത്ത നമ്പൂതിരി മാഷ്

കു​ന്ദ​മം​ഗ​ലം: മാ​തൃ​ഭാ​ഷ​യാ​യ മ​ല​യാ​ള​ത്തെ സ്നേ​ഹി​ക്കു​ക​യും പു​തു​ത​ല​മു​റ​ക്ക് പ​ക​ർ​ന്നു​കൊ​ടു​ക്കു​ക​യും ചെ​യ്യു​ന്ന ഒ​രു മാ​തൃ​ക അ​ധ്യാ​പ​ക​നു​ണ്ട് കു​ന്ദ​മം​ഗ​ലം പൈ​ങ്ങോ​ട്ടു​പു​റ​ത്ത്. ദേ​ശീ​യ അ​ധ്യാ​പ​ക അ​വാ​ർ​ഡ് ല​ഭി​ച്ച കു​റി​ഞ്ഞ​ൻ​കോ​ട്ട് മ​ന​യി​ൽ നാ​രാ​യ​ണ​ൻ ന​മ്പൂ​തി​രി എ​ന്ന കെ.​എ​ൻ. ന​മ്പൂ​തി​രി.

നാ​ട്ടു​കാ​രു​ടെ പ്രി​യ​പ്പെ​ട്ട ന​മ്പൂ​തി​രി മാ​ഷ്. 1965ൽ ​ദേ​വ​ഗി​രി സേ​വി​യോ ഹൈ​സ്കൂ​ളി​ൽ മാ​തൃ​ഭാ​ഷ അ​ധ്യാ​പ​ക​നാ​യി ഔ​ദ്യോ​ഗി​ക ജീ​വി​തം ആ​രം​ഭി​ച്ച കെ.​എ​ൻ. ന​മ്പൂ​തി​രി തു​ട​ർ​ന്ന് ജെ.​ഡി.​ടി​യി​ൽ ദീ​ർ​ഘ​കാ​ലം അ​ധ്യാ​പ​ക​നാ​യി സേ​വ​ന​മ​നു​ഷ്ഠി​ച്ചു. 1998ലാ​ണ് അ​ധ്യാ​പ​ന​വൃ​ത്തി​യി​ൽ​നി​ന്ന് വി​ര​മി​ച്ച​ത്.

1980 മു​ത​ൽ കേ​ര​ള അ​സോ​സി​യേ​ഷ​ൻ ഫോ​ർ നോ​ൺ ഫോ​ർ​മ​ൽ എ​ജു​ക്കേ​ഷ​ൻ ആ​ൻ​ഡ് ഡെ​വ​ല​പ്‌​മെ​ന്റി​ൽ അം​ഗ​മാ​യ കെ.​എ​ൻ. ന​മ്പൂ​തി​രി സാ​ക്ഷ​ര​ത പ്ര​വ​ർ​ത്ത​ന​ങ്ങ​ൾ​ക്ക് മു​ന്നി​ൽ​നി​ന്ന് പ്ര​വ​ർ​ത്തി​ച്ചു. ജ​ന ശി​ക്ഷ​ൻ സ​ൻ​സ്‌​ത​ൻ (ജെ.​എ​സ്.​എ​സ്), ഭാ​ര​ത് സേ​വ​ക് സ​മാ​ജ് (ബി.​എ​സ്.​എ​സ്) എ​ന്നീ സം​ഘ​ട​ന​ക​ളും സ​മ്പൂ​ർ​ണ സാ​ക്ഷ​ര​ത​ക്ക് വേ​ണ്ടി ഇ​ദ്ദേ​ഹ​ത്തി​ന്റെ സം​ഘ​ട​ന​യോ​ടൊ​പ്പം പ്ര​വ​ർ​ത്തി​ച്ചു. സ​ർ​ക്കാ​റി​ന്റെ സ​മ്പൂ​ർ​ണ സാ​ക്ഷ​ര​ത​യു​ടെ പ്രൈ​മ​ർ എ​ഴു​തി​യി​ട്ടു​ണ്ട്.

ന​ല്ല അ​ധ്യാ​പ​ക​നു​ള്ള ദേ​ശീ​യ അ​വാ​ർ​ഡ് അ​ന്ന​ത്തെ രാ​ഷ്ട്ര​പ​തി ഡോ. ​ശ​ങ്ക​ർ ദ​യാ​ൽ ശ​ർ​മ​യി​ൽ​നി​ന്ന് 1995ൽ ​ഏ​റ്റു​വാ​ങ്ങി. കോ​ഴി​ക്കോ​ട് ജി​ല്ല​യി​ലെ ഏ​റ്റ​വും മി​ക​ച്ച സാ​ക്ഷ​ര​ത പ്ര​വ​ർ​ത്ത​ക​നാ​യി സം​സ്ഥാ​ന സ​ർ​ക്കാ​ർ 2013ൽ ​തി​ര​ഞ്ഞെ​ടു​ത്തു. എ​ൻ.​സി.​ഇ.​ആ​ർ.​ടി​യു​ടെ കേ​ര​ള​ത്തി​ൽ ന​ട​ത്തി​യ വി​ദ്യാ​ഭ്യാ​സ ഉ​പ​ന്യാ​സ മ​ത്സ​ര​ത്തി​ൽ 1978ൽ ​ഒ​ന്നാം സ്ഥാ​നം നേ​ടി​യി​ട്ടു​ണ്ട്.

എ​സ്.​സി.​ഇ.​ആ​ർ.​ടി​യു​ടെ മ​ല​യാ​ള പാ​ഠ​പു​സ്‌​ത​ക​ങ്ങ​ൾ എ​ഴു​തു​ന്ന​തി​ന് അ​വ​സ​രം ല​ഭി​ച്ചി​ട്ടു​ണ്ട്. നി​ര​വ​ധി ആ​നു​കാ​ലി​ക​ങ്ങ​ളി​ലും പാ​ഠ​ക്കു​റി​പ്പു​ക​ളി​ലും ഇ​ദ്ദേ​ഹ​ത്തി​ന്റെ ഭാ​ഷാ​പ​ര​മാ​യ സാ​മ​ർ​ഥ്യം ഉ​പ​യോ​ഗി​ച്ചി​ട്ടു​ണ്ട്. ആ​കാ​ശ​വാ​ണി​യി​ൽ മാ​തൃ​ഭാ​ഷ​യി​ൽ ഏ​റ്റ​വു​മ​ധി​കം റേ​ഡി​യോ ക്ലാ​സ് എ​ടു​ത്തി​ട്ടു​ണ്ട് കെ.​എ​ൻ. ന​മ്പൂ​തി​രി. ഇ​ത് 1975 മു​ത​ൽ 1996 വ​രെ തു​ട​ർ​ന്നു.

മം​ഗ​ൾ പാ​ണ്ഡെ​യു​ടെ ക​ഥ മ​ല​യാ​ള​ത്തി​ൽ ‘ആ​ദ്യാ​ധ്യാ​യ നാ​യ​ക​ന്മാ​ർ’ എ​ന്ന പേ​രി​ൽ റേ​ഡി​യോ​യി​ൽ ക്ലാ​സാ​യി അ​വ​ത​രി​പ്പി​ച്ചു. അ​ധ്യാ​ത്മ രാ​മാ​യ​ണ​ത്തി​ന്റെ അ​ർ​ഥ​വും വ്യാ​ഖ്യാ​ന​വും മ​ല​യാ​ള​ത്തി​ൽ എ​ഴു​തു​ക​യും ചെ​യ്തി​ട്ടു​ണ്ട് കെ.​എ​ൻ. ന​മ്പൂ​തി​രി. പ്രാ​യം 80 ആ​യെ​ങ്കി​ലും ഇ​പ്പോ​ഴും പ്ര​ദേ​ശ​ത്തെ പെ​യി​ൻ ആ​ൻ​ഡ് പാ​ലി​യേ​റ്റി​വ് പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​ണ്. ഭാ​ര്യ: ന​ളി​നി അ​ന്ത​ർ​ജ​നം. മ​ക്ക​ൾ: സ​ന്തോ​ഷ് ബാ​ബു (ദു​ബൈ​യി​ൽ എ​ൻ​ജി​നീ​യ​ർ), സ​ജീ​ഷ് നാ​രാ​യ​ൺ (പ്ല​സ് ടു ​മ​ല​യാ​ളം അ​ധ്യാ​പ​ക​ൻ). മ​രു​മ​ക​ൾ: ഡോ. ​എ.​എം. റീ​ന (ശ്രീ​കൃ​ഷ്ണ കോ​ള​ജ് ഗു​രു​വാ​യൂ​ർ മ​ല​യാ​ളം അ​ധ്യാ​പി​ക).