കുന്ദമംഗലം ഗ്രാമപഞ്ചായത്ത് അംഗത്തോടൊപ്പം ഒരു ആകാശയാത്ര

കു​ന്ദ​മം​ഗ​ലം: ഗ്രാ​മ​പ​ഞ്ചാ​യ​ത്ത് എ​ട്ടാം വാ​ർ​ഡ് അം​ഗം കെ.​കെ.​സി. നൗ​ഷാ​ദ് ത​ന്റെ വാ​ർ​ഡി​ലെ ജ​ന​ങ്ങ​ളു​മൊ​ത്ത് ബം​ഗ​ളൂ​രു​വി​ലേ​ക്ക് ബ​സ്-​ട്രെ​യി​ൻ-​വി​മാ​ന യാ​ത്ര സം​ഘ​ടി​പ്പി​ക്കു​ന്നു. ഞാ​യ​റാ​ഴ്ച രാ​ത്രി എ​ട്ടു മ​ണി​ക്ക് കു​ന്ദ​മം​ഗ​ലം ബ​സ് സ്റ്റാ​ൻ​ഡ് പ​രി​സ​ര​ത്തു​നി​ന്ന് എം.​കെ. രാ​ഘ​വ​ൻ എം.​പി ഫ്ലാ​ഗ് ഓ​ഫ്ചെ​യ്യു​ന്ന യാ​ത്ര ബ​സ് മാ​ർ​ഗം നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ലേ​ക്ക് പു​റ​പ്പെ​ടും.

മൂ​ന്ന് ബ​സു​ക​ളി​ലാ​യി യാ​ത്ര ആ​രം​ഭി​ക്കു​ന്ന 160 അം​ഗ സം​ഘം അ​വി​ടെ​നി​ന്ന് മൂ​ന്ന് വി​മാ​ന​ങ്ങ​ളി​ലാ​യി ബം​ഗ​ളൂ​രു വി​മാ​ന​ത്താ​വ​ള​ത്തി​ൽ തി​ങ്ക​ളാ​ഴ്ച രാ​വി​ലെ എ​ട്ടു​മ​ണി​യോ​ടെ എ​ത്തി​ച്ചേ​രും. അ​വി​ടെ ഏ​ർ​പ്പാ​ടാ​ക്കി​യ ബ​സു​ക​ളി​ൽ ആ​ദ്യം കെ.​എം.​സി.​സി​യു​ടെ ബം​ഗ​ളൂ​രു​വി​ലെ ശി​ഹാ​ബ് ത​ങ്ങ​ൾ സെ​ന്റ​ർ ഫോ​ർ ഹ്യു​മാ​നി​റ്റി ഓ​ഫി​സി​ലേ​ക്ക് പോ​കു​ക​യും അ​വി​ടെ​വെ​ച്ച് പ്രാ​ഥ​മി​ക ക​ർ​മ​ങ്ങ​ളും മ​റ്റും നി​ർ​വ​ഹി​ക്കു​ക​യും ചെ​യ്യും. പ്ര​ഭാ​ത ഭ​ക്ഷ​ണ​വും അ​വി​ടെ​നി​ന്ന് ക​ഴി​ച്ച​ശേ​ഷം മ​ഹാ​ന​ഗ​ര​ത്തി​ലെ കാ​ഴ്ച കാ​ണാ​നി​റ​ങ്ങും.

ക​ർ​ണാ​ട​ക നി​യ​മ​സ​ഭ​യാ​യ വി​ധാ​ൻ സൗ​ധ​യി​ലേ​ക്കാ​ണ് സം​ഘം ആ​ദ്യം യാ​ത്ര​തി​രി​ക്കു​ന്ന​ത്. അ​വി​ടെ ക​ർ​ണാ​ട​ക നി​യ​മ​സ​ഭ സ്പീ​ക്ക​ർ യു.​ടി. ഖാ​ദ​ർ ഇ​വ​രെ സ്വീ​ക​രി​ക്കും. തു​ട​ർ​ന്ന് നി​യ​മ​സ​ഭ സ​ന്ദ​ർ​ശി​ച്ച​ശേ​ഷം ക​ബ​ൺ പാ​ർ​ക്കി​ലേ​ക്ക് പോ​കും. ഉ​ച്ച​ഭ​ക്ഷ​ണം കെ.​എം.​സി.​സി വ​ള​ന്റി​യ​ർ​മാ​ർ അ​വി​ടെ എ​ത്തി​ച്ച് വി​ത​ര​ണം ചെ​യ്യും.

പി​ന്നീ​ട് മെ​ട്രോ റെ​യി​ൽ, ഗൃ​ഹോ​പ​ക​ര​ണ​ശാ​ല​യു​ടെ മാ​ൾ എ​ന്നി​വ​യും സ​മ​യം ല​ഭി​ക്കു​ന്ന മു​റ​ക്ക് മ​റ്റ് ഇ​ട​ങ്ങ​ളും സ​ന്ദ​ർ​ശി​ക്കും. യാ​ത്രാ​സം​ഘം തി​രി​ച്ചു രാ​ത്രി​യി​ൽ ബം​ഗ​ളൂ​രു റെ​യി​ൽ​വേ സ്റ്റേ​ഷ​നി​ൽ എ​ത്തി​ച്ചേ​രും. കെ.​എം.​സി.​സി വ​ള​ന്റി​യ​ർ സം​ഘം രാ​ത്രി​ഭ​ക്ഷ​ണം അ​വി​ടെ​വെ​ച്ച് വി​ത​ര​ണം ചെ​യ്യും.

ട്രെ​യി​നി​ൽ ചൊ​വ്വാ​ഴ്ച രാ​വി​ലെ കോ​ഴി​ക്കോ​ട് റെ​യി​ൽ​വേ സ്റ്റേ​ഷ​നി​ൽ തി​രി​ച്ചെ​ത്തും. ത​ന്റെ വാ​ർ​ഡി​ലെ ഒ​രു​പാ​ട് സാ​ധാ​ര​ണ​ക്കാ​ർ വി​മാ​ന​യാ​ത്ര ന​ട​ത്തി​യി​ട്ടി​ല്ലെ​ന്നും അ​വ​രു​ടെ സ്വ​പ്നം സാ​ക്ഷാ​ത്ക​രി​ക്കാ​നാ​ണ് യാ​ത്ര​യെ​ന്നും കെ.​കെ.​സി. നൗ​ഷാ​ദ് ‘മാ​ധ്യ​മ’​ത്തോ​ട് പ​റ​ഞ്ഞു.

ക​ഴി​ഞ്ഞ ത​വ​ണ വാ​ർ​ഡി​ൽ​നി​ന്ന് ഊ​ട്ടി​യി​ലേ​ക്ക് നൗ​ഷാ​ദ് യാ​ത്ര സം​ഘ​ടി​പ്പി​ച്ചി​രു​ന്നു. ഒ​രാ​ൾ​ക്ക് മൊ​ത്തം ചെ​ല​വ് 5000 രൂ​പ വ​രു​മെ​ങ്കി​ലും 1000 രൂ​പ മെം​ബ​റു​ടെ സ​ബ്‌​സി​ഡി ക​ഴി​ച്ചാ​ൽ ഒ​രാ​ൾ​ക്ക് 4000 രൂ​പ​യാ​ണ് ചെ​ല​വ് വ​രു​ന്ന​ത്. സാ​ധാ​ര​ണ​ക്കാ​ര​ന് താ​ങ്ങു​ന്ന യാ​ത്ര​ച്ചെ​ല​വും ന​ൽ​കി ആ​കാ​ശ​യാ​ത്ര​ക്ക് പു​റ​പ്പെ​ടാ​ൻ ത​യാ​റെ​ടു​ക്കു​ക​യാ​ണ് എ​ട്ടാം വാ​ർ​ഡി​ലെ ജ​ന​ങ്ങ​ൾ.