പച്ചവെള്ളംപോലും കിട്ടാതെ കോ​ഴി​ക്കോ​ട്​ കെ.എസ്​.ആർ.ടി.സി ബസ്​സ്റ്റാൻഡ്

കോ​ഴി​ക്കോ​ട്​: ആ​യി​ര​ക്ക​ണ​ക്കി​ന്​ യാ​ത്രി​ക​ർ വ​ന്നി​റ​ങ്ങു​ന്ന ​ കെ.​എ​സ്.​ആ​ർ.​ടി.​സി ബ​സ്​​സ്റ്റാ​ൻ​ഡി​ൽ ആ​കെ​യു​ണ്ടാ​യി​രു​ന്ന ര​ണ്ട്​ ടീ ​സ്റ്റാ​ളു​ക​ൾ അ​ധി​കൃ​ത​ർ പൊ​ളി​ച്ചു​മാ​റ്റി​യ​തോ​ടെ പ​ച്ച​വെ​ള്ളം​പോ​ലും കി​ട്ടാ​ത്ത അ​വ​സ്ഥ. 24 മ​ണി​ക്കൂ​റും ബ​സ്​ സ​ർ​വി​സു​ക​ളു​ള്ള സ്​​റ്റാ​ൻ​ഡി​ൽ ചാ​യ, ക​ടി, അ​വ​ശ്യ​വ​സ്തു​ക്ക​ൾ എ​ന്നി​വ വി​ൽ​ക്കു​ന്ന ര​ണ്ട്​ ക​ട​ക​ളാ​ണ്​ പൊ​ളി​ച്ചു​മാ​റ്റി​യ​ത്. ബ​സ്​​സ്റ്റാ​ൻ​ഡ്​ ന​ട​ത്തി​പ്പു​കാ​രാ​യ കെ.​ടി.​ഡി.​എ​ഫ്.​സി വ​ലി​യ വാ​ട​ക നി​ശ്ച​യി​ച്ച്​ ന​ൽ​കി​യ ക​ട​ക​ളാ​ണ്​ ക​ഴി​ഞ്ഞ ഞാ​യ​റാ​ഴ്ച പൊ​ലീ​സ്​ സം​ര​ക്ഷ​ണ​യി​ൽ എ​ത്തി പൊ​ളി​ച്ചു​കൊ​ണ്ടു​പോ​യ​ത്.

ഒ​രു വ​ർ​ഷം മു​മ്പാ​ണ്​ ഇ​വി​ടെ ക​ട​ക​ൾ തു​ട​ങ്ങി​യ​ത്. പ്ര​വ​ർ​ത്ത​നം തു​ട​ങ്ങി വ​ർ​ഷ​ങ്ങ​ളോ​ളം ചാ​യ​യും വെ​ള്ള​വും കി​ട്ടാ​ത്ത ബ​സ്​​സ്റ്റാ​ൻ​ഡ്​ ആ​യി​രു​ന്നു ഇ​ത്. വീ​ണ്ടും ബ​സ്​​സ്റ്റാ​ൻ​ഡ്​ കെ​ട്ടി​ട​സ​മു​ച്ച​യം പാ​ട്ട​ത്തി​ന്​ കൊ​ടു​ക്ക​ൽ ന​ട​പ​ടി​ക​ൾ അ​നി​ശ്ചി​ത​മാ​യി വൈ​കി​യ സാ​ഹ​ച​ര്യ​ത്തി​ലാ​ണ്​ മി​ക​ച്ച വാ​ട​ക ഇ​ടാ​ക്കി കെ.​ടി.​ഡി.​എ​ഫ്.​സി നേ​രി​ട്ട്​ ക​ട​ക​ൾ 15 വ​ർ​ഷ​ത്തേ​ക്ക്​ വാ​ട​ക​ക്ക്​ ന​ൽ​കി​യ​ത്. വ​ർ​ഷം തോ​റും പു​തു​ക്ക​ണ​മെ​ന്ന വ്യ​വ​സ്​​ഥ​യി​ലാ​യി​രു​ന്നു കൈ​മാ​റ്റം.

അ​ലി​ഫ്​ ബി​ൽ​ഡേ​ഴ്​​സ്​ എ​ന്ന സ്ഥാ​പ​ന​ത്തി​ന്​ തു​ച്ഛ​വി​ല ക​ണ​ക്കാ​ക്കി വ്യാ​പാ​ര​സ​മു​ച്ച​യം പാ​ട്ട​ത്തി​ന്​ ന​ൽ​കി​യ​തോ​ടെ​യാ​ണ്​ നി​ല​വി​ലെ ക​ച്ച​വ​ട​ക്കാ​രെ ഇ​വി​ടെ​നി​ന്ന്​ പു​റ​ത്താ​ക്കാ​നു​ള്ള ന​ട​പ​ടി​ക​ൾ ഉ​ണ്ടാ​യ​ത്. ടീ ​സ്റ്റാ​ളു​ക​ൾ​കൂ​ടി അ​വ​ർ​ക്ക്​ ന​ൽ​കു​ന്ന​തി​ന്‍റെ ഭാ​ഗ​മാ​ണ്​ അ​പ്ര​തീ​ക്ഷി​ത​മാ​യി ക​ട​ക​ൾ പൊ​ളി​ച്ചു നീ​ക്കി​യ​ത്. ബ​സ്​​സ്റ്റാ​ൻ​ഡ്​ കെ​ട്ടി​ടം ബ​ല​പ്പെ​ടു​ത്ത​ൽ പ്ര​വൃ​ത്തി ക​ഴി​ഞ്ഞാ​ലേ ഇ​നി അ​ലി​ഫ്​ ബി​ൽ​ഡേ​ഴ​സി​നും ഇ​വി​ടെ ക​ട​ക​ൾ ആ​രം​ഭി​ക്കാ​നാ​വൂ.

അ​തു​വ​രെ അ​വ​രു​മാ​യു​ള്ള ഇ​ട​പാ​ടു​ക​ൾ സ​ർ​ക്കാ​ർ റ​ദ്ദ്​ ചെ​യ്ത​താ​ണ്. ബ​ല​പ്പെ​ടു​ത്ത​ലി​നാ​യി ബ​സ്​​സ്റ്റാ​ൻ​ഡ് ഇ​വി​ടെ​നി​ന്ന്​ മാ​റ്റാ​നു​ള്ള ന​ട​പ​ടി​ക​ൾ തു​ട​ങ്ങി​യി​ട്ടേ​യു​ള്ളൂ. ക​ട്ട​ൻ​ചാ​യ കു​ടി​ക്ക​ണ​മെ​ങ്കി​ൽ ബ​സ്​​സ്റ്റാ​ൻ​ഡി​ന്​ പു​റ​ത്ത്​ മാ​വൂ​ർ റോ​ഡി​ലെ ഹോ​ട്ട​ലു​ക​ളെ ആ​ശ്ര​യി​ക്കു​ക​യേ ഇ​നി നി​ർ​വാ​ഹ​മു​ള്ളൂ. ദീ​ർ​ഘ​ദൂ​ര യാ​ത്രി​ക​രാ​ണ്​ ഇ​തി​ൽ ഏ​റെ പ്ര​യാ​സ​പ്പെ​ടു​ക. പു​റ​ത്തു​പോ​യി ഭ​ക്ഷ​ണം ക​ഴി​ച്ച് വ​രാ​നു​ള്ള സ​മ​യം അ​വ​ർ​ക്കു​ണ്ടാ​വി​ല്ല.