കോഴിക്കോട് മെഡി. കോളജ് അത്യാഹിത വിഭാഗം എന്നു തുറക്കും?

കോ​ഴി​ക്കോ​ട്: കോ​ഴി​ക്കോ​ട് മെ​ഡി​ക്ക​ൽ കോ​ള​ജ് സൂ​പ്പ​ർ സ്പെ​ഷാ​ലി​റ്റി അ​ത്യാ​ഹി​ത വി​ഭാ​ഗം ഇ​നി എ​ന്ന് പ്ര​വ​ർ​ത്ത​ന സ​ജ്ജ​മാ​ക്കു​മെ​ന്ന് കാ​ര്യ​ത്തി​ൽ ഇ​രു​ട്ടി​ൽ ത​പ്പി അ​ധി​കൃതർ. ര​ണ്ടാം ത​വ​ണ​യും തീ​യും പു​ക​യും ഉ​യ​ർ​ന്ന​തോ​ടെ ഇ​നി കെ​ട്ടി​ട​ത്തി​ൽ ഭൗ​തി​ക, സാ​ങ്കേ​തി​ക പ​രി​ശോ​ധ​ന​ക​ളെ​ല്ലാം ന​ട​ത്തി സു​ര​ക്ഷ ഉ​റ​പ്പു​വ​രു​ത്തി​യ ശേ​ഷം രോ​ഗി​ക​ളെ പ്ര​വേ​ശി​പ്പി​ച്ചാ​ൽ മ​തി​യെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ നി​ല​പാ​ട്. കേ​ന്ദ്ര ഫ​ണ്ട് ഉ​പ‍യോ​ഗി​ച്ചു​ള്ള കെ​ട്ടി​ടം പ​ണി​ത് കൈ​മാ​റി​യ എ​ച്ച്.​എ​ൽ.​എ​ൽ സം​ഘം പ​രി​ശോ​ധ​ന തു​ട​ങ്ങി​യി​ട്ടു​ണ്ട്.

ക​ഴി​ഞ്ഞ ദി​വ​സം ഓ​പ​റേ​ഷ​ൻ തി​യ​റ്റ​ർ പ​രി​ശോ​ധ​ന​ക്കി​ടെ ക​ത്തി​ന​ശി​ക്കാ​നി​ട​യാ​ക്കി​യ​ത് എ​ർ​ത്ത് ഷോ​ർ​ട്ടേ​ജ് കാ​ര​ണ​മാ​ണെ​ന്നാ​ണ് പി.​ഡ​ബ്ല്യു.​ഡി അ​ധി​കൃ​ത​രു​ടെ വി​ല​യി​രു​ത്ത​ൽ.

അ​തി​നാ​ൽ, ഇ​നി എ​ച്ച്.​എ​ൽ.​എ​ല്ലി​ന്‍റെ ത​ന്നി​ഷ്ട പ്ര​കാ​രം മാ​ത്രം പ്ര​വൃ​ത്തി​ക​ൾ ന​ട​ത്തി​യാ​ൽ പോ​രെ​ന്നും ഇ​ല​ക്ട്രി​ക്ക​ൽ ഇ​ൻസ് പെ​ക്ട​റേ​റ്റ്, പി.​ഡ​ബ്ല്യു.​ഡി, മ​റ്റ് സാ​ങ്കേ​തി​ക വി​ദ​ഗ്ധ​ർ എ​ന്നി​വ​ര​ട​ങ്ങി​യ സം​ഘം പ​രി​ശോ​ധി​ച്ച് ക​ണ്ടെ​ത്തു​ന്ന ത​ക​രാ​റു​ക​ളെ​ല്ലാം പ​രി​ഹ​രി​ച്ചു ത​ര​ണ​മെ​ന്നു​മാ​ണ് ആ​ശു​പ​ത്രി അ​ധി​കൃ​ത​ർ എ​ച്ച്.​എ​ൽ.​എ​ല്ലി​നോ​ട് ആ​വ​ശ്യ​പ്പെ​ടു​ന്ന​ത്.

അ​പ​ക​ട​മു​ണ്ടാ​യി അ​ടി​ക്ക​ടി രോ​ഗി​ക​ളെ മാ​റ്റേ​ണ്ടി​വ​രു​ന്ന​ത് ആ​രോ​ഗ്യ വ​കു​പ്പി​ന് ത​ന്നെ നാ​ണ​ക്കേ​ടു​ണ്ടാ​ക്കി​യെ​ന്നാ​ണ് വി​ല​യി​രു​ത്ത​ൽ. ആ​ദ്യ പൊ​ട്ടി​ത്തെ​റി​ക്ക് ശേ​ഷം ഫ​യ​ർ ആ​ന്റ് സേ​ഫ്റ്റി, ഇ​ല​ക്ട്രി​സി​റ്റി വി​ഭാ​ഗ​ത്തി​ന്‍റെ പ​രി​ശോ​ധ​ന ന​ട​ത്തി തി​ടു​ക്ക​പ്പെ​ട്ട് രോ​ഗി​ക​ളെ തി​രി​കെ പ്ര​വേ​ശി​പ്പി​ച്ച ഉ​ട​ൻ വീ​ണ്ടും തീ​യും പു​ക​യും ഉ​യ​ർ​ന്ന​തോ​ടെ ശ​രി​ക്കും പൊ​ള്ളി​യ​ത് ആ​ശു​പ​ത്രി അ​ധി​കൃ​ത​ർ​ക്കാ​ണ്. യു​ദ്ധ​കാ​ലാ​ടി​സ്ഥാ​ന​ത്തി​ൽ അ​ത്യാ​ഹി​ത വി​ഭാ​ഗ​ത്തി​ന്റെ പ്ര​വ​ർ​ത്ത​നം പു​നഃ​സ്ഥാ​പി​ക്കാ​ൻ നി​ർ​ദേ​ശി​ച്ച ആ​രോ​ഗ്യ മ​ന്ത്രി ര​ണ്ടാ​മ​ത്തെ അ​പ​ക​ട​ത്തോ​ടു​കൂ​ടി ആ​ശു​പ​ത്രി അ​ധി​കൃ​ത​രെ കൈ​വി​ട്ടു.

സ​മ​ഗ്രാ​ന്വേ​ഷ​ണം വേ​ണം -ക​രാ​റു​കാ​ർ

കോ​ഴി​ക്കോ​ട്: കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ തു​ട​ർ​ച്ച​യാ​യി തീ​യും പു​ക​യും ഉ​യ​ർ​ന്ന സം​ഭ​വ​ത്തി​ൽ സ​മ​ഗ്ര അ​ന്വേ​ഷ​ണം വേ​ണ​ന്ന് കേ​ര​ള ഗ​വ. കോ​ൺ​ട്രാ​ക്റ്റേ​ഴ്സ് ഫെ​ഡ​റേ​ഷ​ൻ. കാ​ല​ങ്ങ​ളാ​യി സം​സ്ഥാ​ന​ത്തെ മെ​ഡി​ക്ക​ൽ കോ​ള​ജു​ക​ൾ അ​ട​ക്ക​മു​ള്ള മു​ഴു​വ​ൻ സ​ർ​ക്കാ​ർ സ്ഥാ​പ​ന​ങ്ങ​ളു​ടെ​യും വൈ​ദ്യു​തീ​ക​ര​ണ പ്ര​വൃ​ത്തി പി.​ഡ​ബ്ല്യു.​ഡി ഇ​ല​ക്ട്രി​ക്ക​ൽ വി​ഭാ​ഗ​മാ​ണ് ചെ​യ്തു പോ​രു​ന്ന​ത്.

എ​ന്നാ​ൽ, അ​ടു​ത്ത​കാ​ല​ത്താ​യി ഇ​ല​ക്ട്രി​ക്ക​ൽ പ്ര​വൃ​ത്തി​ക​ൾ മ​റ്റ് പ​ല ഏ​ജ​ൻ​സി​ക​ളെ​യും ഏ​ൽ​പ്പി​ക്കു​ക​യാ​ണ്. ഇ​ല​ക്ട്രി​ക്ക​ൽ പ്ര​വൃ​ത്തി​ക്ക് ആ​വ​ശ്യ​മാ​യ ഒ​രു യോ​ഗ്യ​ത​യും ഇ​ല്ലാ​ത്ത​വ​രാ​ണ് പ്ര​വൃ​ത്തി​ക​ൾ ചെ​യ്തു​വ​രു​ന്ന​ത്. ഇ​ത്ത​രം പ്ര​വൃ​ത്തി​ക​ൾ യോ​ഗ്യ​ത​യു​ള്ള​വ​ർ​ക്ക് ന​ൽ​ക​ണ​മെ​ന്നും ഫെ​ഡ​റേ​ഷ​ൻ ആ​വ​ശ്യ​പ്പെ​ട്ടു.

എച്ച്.എൽ.എൽ സംഘം പരിശോധന തുടങ്ങി

കോ​ഴി​ക്കോ​ട്: നാ​ലു ദി​വ​സ​ത്തി​നി​ടെ ര​ണ്ടു ത​വ​ണ തീ​യും പു​ക​യും ഉ​ണ്ടാ​യി രോ​ഗി​ക​ളെ ഒ​ഴി​പ്പി​ച്ച കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പി.​എം.​എ​സ്‌.​എ​സ്‌.​വൈ സൂ​പ്പ​ർ സ്പെ​ഷാ​ലി​റ്റി അ​ത്യാ​ഹി​ത വി​ഭാ​ഗം കെ​ട്ടി​ട​ത്തി​ൽ എ​ച്ച്.​എ​ൽ.​എ​ൽ കേ​ന്ദ്ര​സം​ഘം പ​രി​ശോ​ധ​ന തു​ട​ങ്ങി. എ​ച്ച്.​എ​ൽ.​എ​ൽ ആ​ണ് കെ​ട്ടി​ടം നി​ർ​മി​ച്ച​ത്. എ​ച്ച്.​എ​ൽ.​എ​ല്ലി​ന്‍റെ ടെ​ക്നി​ക്ക​ൽ വി​ഭാ​ഗ​മാ​യ ഹൈ​റ്റ്സി​ന്‍റെ വൈ​സ് ചെ​യ​ർ​മാ​ൻ അ​ട​ക്ക​മു​ള്ള സം​ഘ​മാ​ണ് പ​രി​ശോ​ധ​ന​ക്കെ​ത്തി​യ​ത്.

ബു​ധ​നാ​ഴ്ച രാ​വി​ലെ ആ​ശു​പ​ത്രി​യി​ൽ എ​ത്തി​യ സം​ഘം പ്രി​ൻ​സി​പ്പ​ൽ ഡോ. ​കെ.​ജി. സ​ജീ​ത്ത് കു​മാ​റു​മാ​യി ച​ർ​ച്ച ന​ട​ത്തി. കെ​ട്ടി​ടം ഏ​റ്റെ​ടു​ത്ത് ര​ണ്ടു​വ​ർ​ഷം പൂ​ർ​ത്തി​യാ​വു​ന്ന​തി​നു മു​മ്പേ ഇ​ത്ത​ര​ത്തി​ൽ തു​ട​ർ​ച്ച​യാ​യി അ​പ​ക​ടം ഉ​ണ്ടാ​കു​ന്ന​ത് ഗു​രു​ത​ര സു​ര​ക്ഷ​വീ​ഴ്ച​യാ​ണെ​ന്ന് പ്രി​ൻ​സി​പ്പ​ൽ ക​മ്പ​നി അ​ധി​കൃ​ത​രെ അ​റി​യി​ച്ചു. എ​ന്തു​കൊ​ണ്ടാ​ണ് ഇ​ങ്ങ​നെ സം​ഭ​വി​ച്ച​തെ​ന്നും പ​രി​ഹ​രി​ക്കാ​ൻ എ​ന്തു ന​ട​പ​ടി​യാ​ണ് സ്വീ​ക​രി​ക്കു​ക എ​ന്ന​തി​നെ​ക്കു​റി​ച്ചും കൃ​ത്യ​മാ​യ പ്ലാ​ൻ ത​യാ​റാ​ക്കി ര​ണ്ടു ദി​വ​സ​ത്തി​ന​കം സ​മ​ർ​പ്പി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

നി​ര​വ​ധി രോ​ഗി​ക​ളെ ചി​കി​ത്സി​ക്കു​ന്ന കെ​ട്ടി​ട​മാ​ണി​ത്. അ​തി​ന് കു​റ്റ​മ​റ്റ രീ​തി​യി​ലു​ള്ള കെ​ട്ടി​ട​മാ​ണ് വേ​ണ്ട​ത്. അ​തി​നാ​ൽ, പു​തി​യ​ത് നി​ർ​മി​ച്ച് കൈ​മാ​റു​ന്ന​തി​ന് സ​മാ​ന​മാ​യി പ്ര​ശ്ന​ങ്ങ​ൾ പ​രി​ഹ​രി​ക്ക​ണം. പ​തി​റ്റാ​ണ്ടു​ക​ളു​ടെ പ്ര​വ​ർ​ത്ത​ന പാ​ര​മ്പ​ര്യ​മു​ള്ള സ്ഥാ​പ​ന​ത്തി​ൽ ആ​ദ്യ​മാ​യാ​ണ് ഇ​ത്ത​രം സം​ഭ​വ​മെ​ന്നും പ്രി​ൻ​സി​പ്പ​ൽ ക​മ്പ​നി പ്ര​തി​നി​ധി​ക​ളെ ധ​രി​പ്പി​ച്ചു. തീ​യും പു​ക​യും ഉ​യ​ർ​ന്ന സാ​ഹ​ച​ര്യം എ​ങ്ങ​നെ​യാ​ണ് ഉ​ണ്ടാ​യ​തെ​ന്ന് വ്യ​ക്ത​മാ​ക്ക​ണ​മെ​ന്നും അ​ദ്ദേ​ഹം ക​മ്പ​നി അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.