കോഴിക്കോട് മെഡിക്കൽ കോളജ്: സുരക്ഷ നഴ്സുമാരുടെ മാത്രം ചുമതലയോ?

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ഐ.​സി.​യു പീ​ഡ​ന​ക്കേ​സി​ലെ അ​തി​ജീ​വി​ത​യെ ആ​ശു​പ​ത്രി ജീ​വ​ന​ക്കാ​ർ ഭീ​ഷ​ണി​പ്പെ​ടു​ത്തി​യ കേ​സി​ൽ സു​ര​ക്ഷ വീ​ഴ്ച​യു​ണ്ടാ​യ​തി​ൽ ഉ​ത്ത​ര​വാ​ദ​പ്പെ​ട്ട​വ​ർ​ക്കെ​തി​​രെ ന​ട​പ​ടി​യെ​ടു​ക്കാ​തെ ന​ഴ്സി​ങ് ഓ​ഫി​സ​ർ​മാ​രെ ബ​ലി​യാ​ടാ​ക്കു​ന്ന​താ​യി ആ​ക്ഷേ​പം.

വാ​ർ​ഡി​ൽ ചി​കി​ത്സ​യി​ൽ ക​ഴി​യു​ന്ന അ​തി​ജീ​വി​ത​ക്ക് സു​ര​ക്ഷ ഒ​രു​ക്കു​ന്ന​തി​ൽ വീ​ഴ്ച​യു​ണ്ടാ​യെ​ന്ന് ചൂ​ണ്ടി​ക്കാ​ട്ടി ആ​ശു​പ​ത്രി​യി​ലെ സീ​നി​യ​ർ ന​ഴ്സി​ങ് സൂ​പ്ര​ണ്ട്, ചീ​ഫ് ന​ഴ്സി​ങ് ഓ​ഫി​സ​ർ എ​ന്നി​വ​രെ സ്ഥ​ലം മാ​റ്റി​യ​ത് അ​ഡ്മി​നി​സ്ട്രേ​റ്റി​വ് ട്രൈ​ബ്യൂ​ണ​ൽ താ​ൽ​ക്കാ​ലി​ക​മാ​യി സ്റ്റേ ​ചെ​യ്തി​രു​ന്നു. സീ​നി​യ​ർ ന​ഴ്സി​ങ് ഓ​ഫി​സ​ർ സി.​ബി. അ​നി​ത​യു​ടെ സ്ഥ​ലം​മാ​റ്റം ശ​രി​വെ​ച്ച് ക​ഴി​ഞ്ഞ​ദി​വ​സം സ​ർ​ക്കാ​ർ ഉ​ത്ത​ര​വി​റ​ക്കു​ക​യും ഇ​വ​ർ​ക്ക് മെ​ഡി​ക്ക​ൽ കോ​ള​ജി​ൽ​നി​ന്ന് അ​ടി​യ​ന്ത​ര​മാ​യി വി​ടു​ത​ലും ന​ൽ​കി.

വി​ഷ​യം അ​ന്വേ​ഷി​ച്ച മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പ് ജോ​യ​ന്റ് ഡ​യ​റ​ക്ട​റു​ടെ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ലാ​ണ് ന​ട​പ​ടി​യെ​ന്നാ​ണ് ഉ​ത്ത​ര​വി​ൽ വ്യ​ക്ത​മാ​കു​ന്ന​ത്. സം​ഭ​വ​ത്തി​ൽ ആ​ശു​പ​ത്രി ഡെ​പ്യൂ​ട്ടി സൂ​പ്ര​ണ്ട്, ആ​ർ.​എം.​ഒ, മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ എ​ന്നി​വ​ർ​ക്ക് വീ​ഴ്ച​യു​ണ്ടാ​യ​താ​യും ഇ​വ​ർ​ക്കെ​തി​രെ ക​ടു​ത്ത ശി​ക്ഷന​ട​പ​ടി​ക​ൾ സ്വീ​ക​രി​ക്കാ​നും റി​പ്പോ​ർ​ട്ട് ശി​പാ​ർ​ശ ചെ​യ്തി​ട്ടു​ണ്ട്.

ഡെ​പ്യൂ​ട്ടി സൂ​പ്ര​ണ്ട്, ആ​ർ.​എം.​ഒ, മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ എ​ന്നി​വ​ർ​ക്കെ​തി​രെ ഒ​രു ന​ട​പ​ടി​യും ആ​രോ​ഗ്യ​വ​കു​പ്പ് സ്വീ​ക​രി​ച്ചി​ട്ടി​ല്ല. സ​ന്ദ​ർ​ശ​ക നി​യ​ന്ത്ര​ണം, സി.​സി.​ടി.​വി സം​വി​ധാ​നം, സു​ര​ക്ഷ ന​ൽ​ക​ൽ എ​ന്നി​വ​യി​ലും ഗു​രു​ത​ര​വീ​ഴ്ച​യാ​ണ് വാ​ർ​ഡ് ചു​മ​ത​ല​യു​ള്ള ന​ഴ്സി​ങ് വി​ഭാ​ഗം ജീ​വ​ന​ക്കാ​രു​ൾ​പ്പെ​ടെ​യു​ള്ള അ​ധി​കൃ​ത​രു​ടെ ഭാ​ഗ​ത്തു​നി​ന്നു​ണ്ടാ​യ​തെ​ന്ന് റി​പ്പോ​ർ​ട്ടി​ൽ പ​റ​യു​ന്നു.

സി.​സി.​ടി.​വി സ്ഥാ​പി​ക്ക​ലും സു​ര​ക്ഷ ഒ​രു​ക്ക​ലും ആ​ശു​പ​ത്രി അ​ധി​കൃ​ത​രു​ടെ ചു​മ​ത​ല​യാ​ണെ​ന്നും ഉ​ന്ന​ത ഉ​ദ്യോ​ഗ​സ്ഥ​രു​ടെ ഭാ​ഗ​ത്തു​നി​ന്നു​ണ്ടാ​യ വീ​ഴ്ച​യു​ടെ കു​റ്റം മു​ഴു​വ​ൻ ന​ഴ്സു​മാ​രു​ടെ ത​ല​യി​ൽ വെ​ച്ചു​കെ​ട്ടു​ക​യാ​ണെ​ന്നും ആ​ക്ഷേ​പ​മു​ണ്ട്.

ഭ​ര​ണാ​നു​കൂ​ല സം​ഘ​ട​നാ നേ​താ​വും പ്ര​വ​ർ​ത്ത​ക​രും പ്ര​തി​ക​ളാ​യ കേ​സി​ൽ പ്ര​തി​ക​ളെ സം​ര​ക്ഷി​ക്കാ​നും ശ്ര​മം ന​ട​ന്നി​രു​ന്നു. പ്ര​തി​ക​ളു​ടെ പേ​ര് കൈ​മാ​റി​യ​തി​ൽ പ്ര​തി​കാ​ര ന​ട​പ​ടി​യാ​യി ഭ​ര​ണാ​നു​കൂ​ല സം​ഘ​ട​ന​യു​ടെ സ​മ്മ​ർ​ദ​ത്തി​ലാ​ണ് ന​ഴ്സി​ങ് ഓ​ഫി​സ​ർ​മാ​രെ സ്ഥ​ലം മാ​റ്റി​യ​തെ​ന്നും ആ​ക്ഷേ​പ​മു​ണ്ട്.