കോഴിക്കോട് മെഡിക്കൽ കോളജ് ആശുപത്രി ഐ.വി ഫ്ലൂയിഡിന് ക്ഷാമം; രോഗികളുടെ ജീവൻ അപകടത്തിൽ

കോ​ഴി​ക്കോ​ട്: അ​ത്യാ​സ​ന്ന​നി​ല​യി​ലാ​യ രോ​ഗി​ക​ൾ​ക്ക് അ​ത്യാ​വ​ശ്യ​മാ​യ ഐ.​വി ഫ്ലൂ​യി​ഡ്, ഓ​ക്സി​ജ​ൻ മാ​സ്ക്, നെ​ബുലൈ​സേ​ഷ​ൻ മാ​സ്ക് എ​ന്നി​വ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കി​ട്ടാ​ക്ക​നി. അ​ത്യാ​സ​ന്ന​നി​ല​യി​ൽ​നി​ന്ന് രോ​ഗി​യെ ര​ക്ഷി​ക്കാ​നു​ള്ള ആ​ദ്യ പ​ടി​ക​ളാ​ണ് ഇ​വ. എ​ന്നാ​ൽ, ദി​വസേന 3000ത്തിലധി​കം രോ​ഗി​ക​ൾ എ​ത്തു​ന്ന മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഇ​വ​ക്ക് ക്ഷാ​മം തു​ട​ങ്ങി​യി​ട്ട് മാ​സ​ങ്ങ​ളാ​യി.

ഓ​ക്സി​ജ​ൻ മാ​സ്കും നെ​ബു​ലൈ​സേ​ഷ​ൻ മാ​സ്കും രോ​ഗി​ക​ൾ പു​റ​ത്തു​നി​ന്ന് വാ​ങ്ങേ​ണ്ട അ​വ​സ്ഥ​യാ​ണ്. ഐ.​വി ഫ്ലൂ​യി​ഡ് ഭാ​ഗ്യ​മു​ണ്ടെ​ങ്കി​ൽ കി​ട്ടും. മെ​ഡി​ക്ക​ൽ സ​ർ​വി​സ​സ് കോ​ർ​പ​റേ​ഷ​ൻ (കെ.​എം.​എ​സ്.​സി.​എ​ൽ) ആ​ണ് ഐ.​വി ഫ്ലൂ​യി​ഡ് വി​ത​ര​ണം ചെ​യ്യു​ന്ന​ത്. ഈ ​സാ​മ്പ​ത്തി​ക വ​ർ​ഷ​ത്തേ​ക്ക് ഒ​മ്പ​തു ല​ക്ഷം ഐ.​വി ഫ്ലൂ​യി​ഡി​നാ​ണ് മെ​ഡി​ക്ക​ൽ കോ​ള​ജ് സ്റ്റോ​റി​ൽ​നി​ന്ന് അ​പേ​ക്ഷ ന​ൽ​കി​യി​രു​ന്ന​ത്. ഇ​തി​ൽ ഒ​ന്നു​പോ​ലും ല​ഭി​ച്ചി​ട്ടി​ല്ല​ത്രെ. മെ​ഡി​ക്ക​ൽ കോ​ള​ജി​ലേ​ക്കു​ള്ള ഐ.​വി ഫ്ലൂ​യി​ഡി​ന്‍റെ ഏ​പ്രി​ൽ, മേ​യ്, ജൂ​ൺ, ജൂ​ലൈ മാ​സ​ങ്ങ​ളി​ലെ വി​ത​ര​ണം നി​ല​ച്ചി​രി​ക്കു​ക​യാ​ണ്. അ​തി​നാ​ൽ പ​ല വാ​ർ​ഡു​ക​ളി​ലും രോ​ഗി​ക​ളെ​ക്കൊ​ണ്ട് പു​റ​ത്തു​നി​ന്ന് വാ​ങ്ങി​പ്പി​ക്കു​ക​യാ​ണ്.

കു​ടി​ശ്ശി​ക കാ​ര​ണം മ​രു​ന്ന് വി​ത​ര​ണ ക​മ്പ​നി കെ.​എം.​എ​സ്.​സി.​എ​ൽ വി​ത​ര​ണം നി​ർ​ത്തി​യ​താ​ണ് മെ​ഡി​ക്ക​ൽ കോ​ള​ജി​ൽ ക്ഷാ​മം നേ​രി​ടാ​ൻ കാ​ര​ണ​മെ​ന്ന് അ​റി​യു​ന്നു. നി​ല​വി​ൽ കെ.​എം.​എ​സ്.​സി.​എ​ൽ ജി​ല്ല​യി​ലെ മ​റ്റ് ആ​ശു​പ​ത്രി​ക​ളി​ൽ​നി​ന്ന് ശേ​ഖ​രി​ച്ചാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് വ​ള​രെ പ​രി​മി​ത​മാ​യ അ​ള​വി​ൽ ഐ.​വി ഫ്ലൂ​യി​ഡ് എ​ത്തി​ക്കു​ന്ന​ത്. എ​ങ്കി​ലും ഭൂ​രി​ഭാ​ഗ​ത്തി​നും ഐ.​വി ഫ്ലൂ​യി​ഡ് ല​ഭി​ക്കു​ന്നി​ല്ലെ​ന്നാ​ണ് പ​രാ​തി.