കോ​ഴി​ക്കോ​ട് മെഡി. കോളജിൽ ജോലി വാഗ്ദാനം ചെയ്ത് തട്ടിപ്പ്; കീഴടങ്ങിയ പ്രതിയെ പൊലീസ് കസ്റ്റഡിയിൽ വാങ്ങും

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജ് ആ​​ശു​പ​ത്രി​യി​ൽ ജോ​ലി വാ​ഗ്ദാ​നം ചെ​യ്ത് പ​ല​രി​ൽ​നി​ന്നാ​യി ഒ​ന്ന​ര​ക്കോ​ടി​യോ​ളം രൂ​പ ത​ട്ടി റി​മാ​ൻ​ഡി​ലാ​യ പ്ര​തി​യെ പൊ​ലീ​സ് ക​സ്റ്റ​ഡി​യി​ൽ വാ​ങ്ങും. പ​ന്തീ​രാ​ങ്കാ​വ് പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ, വ്യാ​ഴാ​ഴ്ച മൂ​ന്നാം ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ കീ​ഴ​ട​ങ്ങി​യ പൊ​ക്കു​ന്ന് സ്വ​ദേ​ശി വി. ​ദി​ദി​ൻ കു​മാ​റി​നെ​യാ​ണ് മ​റ്റു സ്റ്റേ​ഷ​നു​ക​ളി​ലെ കേ​സി​ലും അ​റ​സ്റ്റ് രേ​ഖ​പ്പെ​ടു​ത്തി ക​സ്റ്റ​ഡി​യി​ൽ വാ​ങ്ങു​ക. ഇ​തി​നാ​യി പൊ​ലീ​സ് ഉ​ട​ൻ കോ​ട​തി​യി​ൽ അ​പേ​ക്ഷ ന​ൽ​കും.

ഇ​യാ​ൾ​ക്കെ​തി​രെ മെ​ഡി​ക്ക​ൽ കോ​ള​ജ്, പ​ന്തീ​രാ​ങ്കാ​വ്, ചേ​വാ​യൂ​ർ, ഫ​റോ​ക്ക്, അ​ത്തോ​ളി, മു​ക്കം, കൊ​ടു​വ​ള്ളി തു​ട​ങ്ങി​യ സ്റ്റേ​ഷ​നു​ക​ളി​ലാ​ണ് കേ​സു​ള്ള​ത്. ദി​ദി​ൻ മു​മ്പ് മെ​ഡി​ക്ക​ൽ കോ​ള​ജി​ൽ താ​ൽ​ക്കാ​ലി​ക വ്യ​വ​സ്ഥ​യി​ൽ ജോ​ലി ചെ​യ്തി​രു​ന്നു. ഈ ​ബ​ന്ധ​മു​പ​യോ​ഗി​ച്ച് ചി​ല​രു​​ടെ ഒ​ത്താ​ശ​യോ​ടെ ആ​ശു​പ​ത്രി വി​ക​സ​ന​സ​മി​തി​ക്ക് കീ​ഴി​ൽ ഡാ​റ്റ എ​ൻ​ട്രി അ​ട​ക്കം ജോ​ലി​ക​ൾ ത​ര​പ്പെ​ടു​ത്തി ന​ൽ​കാ​മെ​ന്നു പ​റ​ഞ്ഞാ​ണ് പ​ല​രി​ൽ​നി​ന്നാ​യി പ​ണം കൈ​പ്പ​റ്റി​യ​ത്. പൊ​ലീ​സ് കേ​സ് ര​ജി​സ്റ്റ​ർ ചെ​യ്ത​തോ​​ടെ ഇ​യാ​ൾ നാ​ട്ടി​ൽ​നി​ന്ന് മു​ങ്ങു​ക​യാ​യി​രു​ന്നു. ജോ​ലി വാ​ഗ്ദാ​നം ചെ​യ്ത് പാ​ലാ​ഴി സ്വ​ദേ​ശി​യി​ൽ​നി​ന്ന് മൂ​ന്ന​ര ല​ക്ഷം കൈ​പ്പ​റ്റി​യെ​ന്നാ​ണ് പ​ന്തീ​രാ​ങ്കാ​വ് പൊ​ലീ​സി​ലെ കേ​സ്.