കെ.എസ്.ആർ.ടി.സി ടെർമിനൽ; പരിശോധനക്ക് പഞ്ഞമില്ല

കോ​ഴി​ക്കോ​ട്: മ​ന്ത്രി മാ​റി​യി​ട്ടും പ്ര​ഖ്യാ​പ​ന​ങ്ങ​ൾ നി​ര​വ​ധി വ​ന്നി​ട്ടും ന​ഗ​ര​ഹൃ​ദ​യ​ഭാ​ഗ​ത്തെ കെ.​എ​സ്.​ആ​ർ.​ടി.​സി ബ​സ് സ്റ്റാ​ൻ​ഡ് ടെ​ർ​മി​ന​ലി​ന് ശാ​പ​മോ​ക്ഷ​മി​ല്ല. കെ​ട്ടി​ട​ത്തി​ന്‍റെ ബ​ല​ക്ഷ​യം പ​രി​ശോ​ധി​ക്കാ​ൻ പു​തി​യ സ​മി​തി​യെ നി​യോ​ഗി​ക്കാ​നാ​ണ് കെ.​ടി.​ഡി.​എ​ഫ്.​സി തീ​രു​മാ​നം. തി​രു​വ​ന​ന്ത​പു​രം സ​ർ​ക്കാ​ർ എ​ൻ​ജി​നീ​യ​റി​ങ് കോ​ള​ജി​ലെ വി​ദ​ഗ്ധ​രും പി.​ഡ​ബ്ല്യു.​ഡി ടെ​ക്നി​ക്ക​ൽ എ​ൻ​ജി​നീ​യ​റി​ങ് വി​ഭാ​ഗ​വും ചേ​ർ​ന്ന് പു​തി​യ അ​ന്വേ​ഷ​ണ സം​ഘ​ത്തെ നി​യോ​ഗി​ക്കാ​നാ​ണ് കെ.​ടി.​ഡി.​എ​ഫ്.​സി​യു​ടെ നീ​ക്കം. ഇ​തി​ന് ചീ​ഫ് സെ​ക്ര​ട്ട​റി​യി​ൽ​നി​ന്ന് അ​നു​മ​തി വാ​ങ്ങി​യ​താ​യാ​ണ് വി​വ​രം. സ​മി​തി വൈ​കാ​തെ കോ​ഴി​ക്കോ​ട്ടെ​ത്തി ടെ​ർ​മി​ന​ൽ പ​രി​ശോ​ധി​ക്കും.

ക​ഴി​ഞ്ഞ സെ​പ്റ്റം​ബ​റി​ൽ കോ​ഴി​ക്കോ​ട്ടെ​ത്തി​യ മ​ന്ത്രി ഗ​ണേ​ഷ് കു​മാ​ർ, പി.​ഡ​ബ്ല്യു.​ഡി ടെ​ക്നി​ക്ക​ൽ എ​ൻ​ജി​നീ​യ​റു​ടെ നേ​തൃ​ത്വ​ത്തി​ലു​ള്ള സം​ഘ​ത്തെ അ​യ​ക്കു​മെ​ന്ന് പ്ര​ഖ്യാ​പി​ച്ചി​രു​ന്നെ​ങ്കി​ലും ഇ​തു​വ​രെ സ​മി​തി​യെ നി​യോ​ഗി​ക്കു​ക​യോ പ​രി​ശോ​ധ​ന ന​ട​ത്തു​ക​യോ ചെ​യ്തി​ട്ടി​ല്ല. സ​മി​തി റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ‘അ​ലി​ഫ്’ ബി​ൽ​ഡേ​ഴ്സു​ത​ന്നെ അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്നും അ​തി​ന് ത​യാ​റ​ല്ലെ​ങ്കി​ൽ ക​രാ​റി​ൽ​നി​ന്ന് അ​വ​ർ​ക്ക് പി​ന്മാ​റാ​മെ​ന്നു​മാ​യി​രു​ന്നു മ​ന്ത്രി പ്ര​ഖ്യാ​പി​ച്ചി​രു​ന്ന​ത്. ഇ​തെ​ല്ലാം പു​ക​മ​റ‍യി​ൽ കി​ട​ക്കു​ന്ന​തി​നി​ടെ​യാ​ണ് കെ.​ടി.​ഡി.​എ​ഫ്.​സി​യു​ടെ പു​തി​യ നീ​ക്കം.

ടെ​ർ​മി​ന​ലി​ന് ബ​ല​ക്ഷ​യ​മു​ണ്ടെ​ന്നും ​95 ശ​​ത​​മാ​​നം തൂ​​ണു​​ക​​ളും ബ​​ല​​പ്പെ​​ടു​​ത്ത​​ണ​​മെ​​ന്നും​ മ​​ദ്രാ​​സ്​ ഐ.​​​ഐ.​​ടി​ റി​​പ്പോ​​ർ​ട്ട് ചെ​യ്തി​രു​ന്നു. ഇ​തി​ന് 32 കോ​ടി വ​രു​മെ​ന്നും സം​ഘം ക​ണ്ടെ​ത്തി​യി​രു​ന്നു. ഇ​ത്ര​യും തു​ക ആ​ര് മു​ട​ക്കു​മെ​ന്ന​ത് സം​ബ​ന്ധി​ച്ച് അ​നി​ശ്ചി​ത​ത്വം നീ​ളു​ന്ന​തി​നി​ടെ​യാ​ണ് ബ​ല​ക്ഷ​യം പ​രി​ശോ​ധി​ക്കു​ന്ന​തി​ന് പു​തി​യ സ​മി​തി​യെ നി​യോ​ഗി​ക്കാ​ൻ കേ​ര​ള ട്രാ​ൻ​സ്പോ​ർ​ട്ട് ഡെ​വ​ല​പ്മെ​ന്‍റ് ഫി​നാ​ൻ​സ് കോ​ർ​പ​റേ​ഷ​ൻ (കെ.​ടി.​ഡി.​എ​ഫ്.​സി) തീ​രു​മാ​നി​ച്ച​ത്. കു​റ​ഞ്ഞ ചെ​ല​വി​ൽ ബ​ല​പ്പെ​ടു​ത്താ​മെ​ന്ന് സ​മി​തി റി​പ്പോ​ർ​ട്ട് ല​ഭി​ച്ചാ​ൽ കെ​ട്ടി​ടം പാ​ട്ട​ത്തി​നെ​ടു​ത്ത ‘അ​ലി​ഫു’​മാ​യി കോ​ട​തി​ക്കു പു​റ​ത്ത് ധാ​ര​ണ​യി​ലെ​ത്തി അ​റ്റ​കു​റ്റ​പ്പ​ണി ന​ട​ത്തി കെ​ട്ടി​ടം വാ​ണി​ജ്യാ​വ​ശ്യ​ത്തി​ന് തു​റ​ന്നു​കൊ​ടു​ക്കാ​മെ​ന്നാ​ണ് കെ.​ടി.​ഡി.​എ​ഫ്.​സി​യു​ടെ വി​ല​യി​രു​ത്ത​ൽ.

കെ​ട്ടി​ടം 30 വ​ർ​ഷ​ത്തേ​ക്ക് അ​ലി​ഫി​ന് പാ​ട്ട​ത്തി​ന് ന​ൽ​കി 2021ലാ​ണ് ക​രാ​റി​ൽ ഒ​പ്പി​ട്ട​ത്. ഇ​തി​ന് പി​ന്നാ​ലെ ബ​ല​ക്ഷ​യ​മു​ണ്ടെ​ന്ന് മ​ദ്രാ​സ് ഐ.​ഐ.​ടി റി​പ്പോ​ർ​ട്ടും പു​റ​ത്തു​വ​ന്നു. ഇ​തോ​ടെ കെ​ട്ടി​ടം ബ​ല​പ്പെ​ടു​ത്തി​യ ശേ​ഷം കൈ​മാ​റാ​മെ​ന്ന് കെ.​ടി.​ഡി.​എ​ഫ്.​സി അ​റി​യി​ക്കു​ക​യാ​യി​രു​ന്നു. 2015ല്‍ 75 ​​കോ​​ടി രൂ​​പ ചെ​​ല​​വി​​ലാ​​ണ് ടെ​​ര്‍മി​​ന​​ൽ നി​​ര്‍മാ​​ണം പൂ​​ര്‍ത്തി​​യാ​​ക്കി​​യ​​ത്.

നി​ർ​മാ​ണ​ച്ചെ​ല​വി​ന്‍റെ പ​​കു​​തി​ തു​ക വേ​ണം ബ​​ല​​പ്പെ​​ടു​​ത്താ​​ൻ. ഈ ​പ​ണം ക​ണ്ടെ​ത്താ​ൻ കോ​ഴി​ക്കോ​ട്ടെ കെ.​എ​സ്.​ആ​ർ.​ടി.​സി ഭൂ​മി കെ.​ടി.​ഡി.​എ​ഫ്.​സി​ക്ക് കൈ​മാ​റു​ന്ന​തി​നു​ള്ള നീ​ക്ക​ങ്ങ​ളും ആ​രം​ഭി​ച്ചു. ന​ട​പ​ടി​ക​ൾ വൈ​കി​യ​തോ​ടെ കെ​ട്ടി​ടം ബ​ല​പ്പെ​ടു​ത്തി ഉ​ട​ൻ കൈ​മാ​റ​ണ​മെ​ന്ന് ആ​വ​ശ്യ​പ്പെ​ട്ട് അ​ലി​ഫ് ഹൈ​കോ​ട​തി​യെ സ​മീ​പി​ച്ചു. ഇ​തി​നി​ടെ കെ.​ടി.​ഡി.​എ​ഫ്.​സി എം.​ഡി​യും മ​ന്ത്രി​യും മാ​റി.

കെ​ട്ടി​ടം നി​ല​വി​ലെ അ​വ​സ്ഥ​യി​ൽ​ത​ന്നെ കൈ​മാ​റു​ന്നു എ​ന്നാ​ണ് ധാ​ര​ണ​യെ​ന്നും ബ​ല​പ്പെ​ടു​ത്ത​ൽ പാ​ട്ട​ത്തി​നെ​ടു​ത്ത​വ​രു​ടെ ഉ​ത്ത​ര​വാ​ദി​ത്ത​മാ​ണെ​ന്നും സ​ർ​ക്കാ​ർ കോ​ട​തി​യി​ലും നി​യ​മ​സ​ഭ​യി​ലും വ്യ​ക്ത​മാ​ക്കി. കെ​ട്ടി​ടം എ​റ്റെ​ടു​ത്തി​ല്ലെ​ന്നാ​ണ് അ​ലി​ഫ് അ​വ​കാ​ശ​പ്പെ​ടു​ന്ന​തെ​ങ്കി​ലും താ​ഴെ നി​ല​യി​ലെ പാ​ർ​ക്കി​ങ്, ഒ​ന്നാം നി​ല​യി​ലെ ക​ട​ക​ൾ എ​ന്നി​വ​യി​ൽ​നി​ന്നു​ള്ള വാ​ട​ക കൈ​പ്പ​റ്റു​ന്ന​ത് അ​ലി​ഫാ​ണ്. കെ.​ടി.​ഡി.​എ​ഫ്.​സി​ക്കോ കെ.​എ​സ്.​ആ​ർ.​ടി.​സി​ക്കോ ഇ​തി​ൽ​നി​ന്ന് ഒ​ന്നും ല​ഭി​ക്കു​ന്നി​ല്ല.