മീ​റോ​ട്മ​ല ചെ​ങ്ക​ൽ ഖ​ന​നം: ജില്ല ക​ല​ക്ട​ർ​ക്കു മു​ന്നി​ൽ സ​ങ്ക​ടം പ​റ​ഞ്ഞ് അ​മ്മ​മാ​രും കു​ട്ടി​ക​ളും

മേ​പ്പ​യൂ​ർ: ചെ​ങ്ക​ൽ ഖ​ന​നം ന​ട​ക്കു​ന്ന മീ​റോ​ട്മ​ല​യി​ൽ ജി​ല്ല ക​ല​ക്ട​ർ സ​ന്ദ​ർ​ശ​നം ന​ട​ത്തി. കീ​ഴ​രി​യൂ​ർ, മേ​പ്പ​യൂ​ർ പ​ഞ്ചാ​യ​ത്തു​ക​ളി​ലാ​യി വ്യാ​പി​ച്ചു​കി​ട​ക്കു​ന്ന ഈ ​മ​ല​യി​ൽ അ​ന​ധി​കൃ​ത​മാ​യാ​ണ് ഖ​ന​നം ന​ട​ക്കു​ന്ന​തെ​ന്ന നാ​ട്ടു​കാ​രു​ടെ പ​രാ​തി​യെ തു​ട​ർ​ന്നാ​ണ് ജി​ല്ല ക​ല​ക്ട​ർ സാം​ബ​ശി​വ​റാ​വു സ​ന്ദ​ർ​ശി​ച്ച​ത്.

രാ​വി​ലെ 10 മ​ണി​ക്ക് ത​ന്നെ സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള നൂ​റു​ക​ണ​ക്കി​ന് പ്ര​ദേ​ശ​വാ​സി​ക​ൾ മ​ല​യി​ൽ ഒ​ത്തു​കൂ​ടി​യി​രു​ന്നു. ഏ​റെ​നാ​ളാ​യി പ്ര​ദേ​ശ​ത്തെ ജ​ന​ങ്ങ​ൾ പ്ര​ക്ഷോ​ഭ​ത്തി​ലാ​യി​രു​ന്നു. മൂ​ന്നു മ​ണി​ക്കൂ​റോ​ളം ക​ല​ക്ട​റെ കാ​ത്തി​രു​ന്ന ജ​ന​ങ്ങ​ൾ അ​വ​രു​ടെ ഭ​യാ​ശ​ങ്ക​ക​ൾ ജി​ല്ല ക​ല​ക്ട​റെ നേ​രി​ട്ട് അ​റി​യി​ച്ചു.

ഭ​യാ​ശ​ങ്ക​യി​ൽ മ​ഴ​ക്കാ​ല​ത്ത് കി​ട​ന്നു​റ​ങ്ങാ​നാ​വു​ന്നി​ല്ലെ​ന്നും ഏ​തു​സ​മ​യ​ത്തും മ​ല​യി​ൽ കു​ത്ത​നെ നി​ൽ​ക്കു​ന്ന കി​ള​ച്ചി​ട്ട മ​ണ്ണ് താ​ഴോ​ട്ടു നീ​ങ്ങി നി​ര​വ​ധി വീ​ടു​ക​ൾ മ​ണ്ണി​ന​ടി​യി​ൽ​പെ​ടു​മെ​ന്നും അ​വ​ർ അ​റി​യി​ച്ചു. മാ​ത്ര​മ​ല്ല, ഇ​തു​വ​രെ ചെ​ങ്ക​ൽ ഖ​ന​നം ന​ട​ത്തി​യ പ്ര​ദേ​ശ​ത്ത് രൂ​പ​പ്പെ​ട്ട വ​ലി​യ കു​ഴി​ക​ളി​ൽ മ​ഴ​ക്കാ​ല​ത്ത് വെ​ള്ളം നി​റ​ഞ്ഞു​നി​ൽ​ക്കു​ന്ന​ത് താ​ഴെ അ​ടു​ത്ത​ടു​ത്താ​യി താ​മ​സി​ക്കു​ന്ന നി​ര​വ​ധി കു​ടും​ബ​ങ്ങ​ൾ​ക്ക് ക​ന​ത്ത ഭീ​ഷ​ണി​യാ​വു​ക​യാ​ണ്.

ത​ങ്ങ​ളു​ടെ കു​ടി​വെ​ള്ള​ത്തി​‍െൻറ ഉ​റ​വ ഈ ​മ​ല​യാ​ണെ​ന്നും മ​ല സം​ഭ​രി​ച്ചു​വെ​ക്കു​ന്ന വെ​ള്ള​മാ​ണ് വേ​ന​ൽ​ക്കാ​ല​ത്തും സ​മൃ​ദ്ധ​മാ​യി ല​ഭി​ക്കു​ന്ന​തെ​ന്നും ക​ല​ക്ട​റെ ധ​രി​പ്പി​ച്ചു. ഖ​ന​നം പൂ​ർ​ണ​മാ​യി നി​ർ​ത്താ​ൻ വേ​ണ്ട ന​ട​പ​ടി സ്വീ​ക​രി​ക്കാ​മെ​ന്ന് പ്ര​ദേ​ശ​വാ​സി​ക​ൾ​ക്ക് ക​ല​ക്ട​ർ ഉ​റ​പ്പു​ന​ൽ​കി.

ക​ഴി​ഞ്ഞ അ​ഞ്ചു വ​ർ​ഷ​മാ​യി ഒ​രു അ​നു​മ​തി​യു​മി​ല്ലാ​തെ​യാ​ണ് പ്ര​ദേ​ശ​ത്ത് ഖ​ന​നം ന​ട​ന്ന​തെ​ന്ന് റ​വ​ന്യൂ അ​ധി​കാ​രി​ക​ൾ ക​ല​ക്ട​റെ അ​റി​യി​ച്ചു. റ​വ​ന്യൂ ഭൂ​മി​യി​ൽ​നി​ന്ന് അ​നു​മ​തി​യി​ല്ലാ​തെ ചെ​ങ്ക​ൽ ഖ​ന​നം ന​ട​ത്തി​യ​വ​ർ​ക്കെ​തി​രെ ശ​ക്ത​മാ​യ ന​ട​പ​ടി ഉ​ണ്ടാ​കു​മെ​ന്നും ഇ​വ​രി​ൽ​നി​ന്ന്​ ക​ന​ത്ത പി​ഴ ഈ​ടാ​ക്കു​മെ​ന്നും ക​ല​ക്ട​ർ അ​റി​യി​ച്ചു.

കൊ​യി​ലാ​ണ്ടി ത​ഹ​സി​ൽ​ദാ​ർ സി.​പി. മ​ണി, കീ​ഴ​രി​യൂ​ർ വി​ല്ലേ​ജ് ഓ​ഫി​സ​ർ അ​നി​ൽ​കു​മാ​ർ, മേ​ല​ടി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ൻ​റ്​ കെ.​പി. ഗോ​പാ​ല​ൻ നാ​യ​ർ, കീ​ഴ​രി​യൂ​ർ പ​ഞ്ചാ​യ​ത്ത് പ്ര​സി​ഡ​ൻ​റ്​ കെ.​കെ. നി​ർ​മ​ല, മേ​പ്പ​യൂ​ർ പ​ഞ്ചാ​യ​ത്ത് പ്ര​സി​ഡ​ൻ​റ്​ കെ.​ടി. രാ​ജ​ൻ തു​ട​ങ്ങി​യ നി​ര​വ​ധി ജ​ന​പ്ര​തി​നി​ധി​ക​ളും രാ​ഷ്​​ട്രീ​യ പാ​ർ​ട്ടി നേ​താ​ക്ക​ളും ജ​ന​ങ്ങ​ളോ​ടൊ​പ്പം മ​ല​യി​ൽ ത​ന്നെ ഉ​ണ്ടാ​യി​രു​ന്നു.