കിണറിൽ വീണ ആടിനെ രക്ഷപ്പെടുത്തി

കൊയിലാണ്ടി: കിണറ്റിൽ വീണ ആടിനെ അഗ്നി സുരക്ഷ സേന രക്ഷിച്ചു. ചൊവ്വാഴ്ച വൈകുന്നേരം 5.30 ഓടെ കീഴരിയൂർ പൂവംകുഴി താഴ കുഞ്ഞിമൊയ്‌തീൻ്റെ വീട്ടിലെ ആട് മുറ്റത്തെ 25അടി താഴ്ചയുള്ള കിണറ്റിൽ വീഴുകയായിരുന്നു.

കൊയിലാണ്ടിയിൽ നിന്ന് സീനിയർ ഫയർ ആൻഡ് റെസ്ക്യൂ ഓഫീസർ വി.കെ.ബാബുവിൻ്റെ നേതൃത്വത്തിൽ അഗ്നിരക്ഷസേന എത്തുമ്പോൾ അയൽക്കാരൻ കിണറിൽ ഇറങ്ങി ആടിനെ പിടിച്ചു നിൽക്കുകയായിരുന്നു.സേന അംഗങ്ങൾ സുരക്ഷ വല ഇറക്കി ആടിനെയും അയൽക്കാരനെയും കരക്കുകയറ്റി.