ബസിൽ പെൺകുട്ടിയെ ശല്യം ചെയ്​ത യുവാവ് അറസ്റ്റിൽ

കൊയിലാണ്ടി: സ്വകാര്യ ബസിൽ പെൺകുട്ടിയെ ശല്യം ചെയ്ത യുവാവ് അറസ്റ്റിൽ. ഈസ്റ്റ്ഹിൽ സ്വദേശി രാഹുലിനെ (32) ആണ് പൊലീസ് അറസ്​റ്റ്​ ചെയ്തത്.

വെള്ളിയാഴ്ച വൈകീട്ട് കോഴിക്കോട്-കണ്ണൂർ റൂട്ടിലോടുന്ന ബസിൽ നന്തിയിൽ വെച്ചാണ് സംഭവം. പെൺകുട്ടിയുടെ പരാതിയെ തുടർന്ന് രാത്രി തന്നെ പൊലീസ് യുവാവിനെ പിടികൂടി.

ഇയാൾ സ്ഥിരമായി സ്ത്രീകളെ ശല്യം ചെയ്യുന്നതായി പരാതി ലഭിച്ചിട്ടുണ്ടെന്ന് പൊലീസ് പറഞ്ഞു. എസ്.ഐമാരായ എസ്. ശ്രീജേഷ്, അനൂപ്, ഹെറാൾഡ് ജോർജ് എന്നിവർ നേതൃത്വം നൽകി.