കുന്ന്യോറ മലയിൽ ഭീഷണിയായി മണ്ണിടിച്ചിൽ

കൊ​യി​ലാ​ണ്ടി: കു​ന്ന്യോ​റ മ​ല​യി​ൽ വ​ൻ മ​ണ്ണി​ടി​ച്ചി​ൽ. ഞാ​യ​റാ​ഴ്ച രാ​വി​ലെ​യാ​ണ് തു​ട​ക്കം. ന​ന്തി-​ചെ​ങ്ങോ​ട്ടു​കാ​വ് ബൈ​പാ​സ് ക​ട​ന്നു​പോ​കു​ന്നി​ട​ത്താ​ണ് മ​ണ്ണി​ടി​ച്ചി​ൽ. മ​ഴ തു​ട​രു​ക​യാ​ണെ​ങ്കി​ൽ ഇ​നി​യും മ​ണ്ണി​ടി​ച്ചി​ലു​ണ്ടാ​കും. ഏ​താ​നും വീ​ടു​ക​ൾ അ​പ​ക​ട​ഭീ​ഷ​ണി​യി​ലു​മാ​ണ്.

വി​സ്തൃ​ത​മാ​യ കു​ന്നി​നെ കീ​റി​മു​റി​ച്ചാ​ണ് ബൈ​പാ​സ് നി​ർ​മാ​ണം ന​ട​ക്കു​ന്ന​ത്. 30 മീ​റ്റ​ർ ഉ​യ​ര​ത്തി​ൽ​നി​ന്നാ​ണ് ഇ​രു ഭാ​ഗ​ങ്ങ​ളി​ൽ​നി​ന്ന് മ​ണ്ണി​ടി​ഞ്ഞ​ത്. അ​ശാ​സ്ത്രീ​യ രീ​തി​യി​ലാ​ണ് ഇ​വി​ടെ മ​ല വെ​ട്ടി റോ​ഡ് നി​ർ​മാ​ണം തു​ട​ങ്ങി​യ​ത്. ഇ​തി​നെ​തി​രെ പ്ര​ക്ഷോ​ഭ​വു​മാ​യി നാ​ട്ടു​കാ​ർ രം​ഗ​ത്തെ​ത്തി​യി​രു​ന്നു. ഡെ​പ്യൂ​ട്ടി ക​ല​ക്ട​ർ ഉ​ൾ​പ്പെ​ടെ​യു​ള്ള​വ​രു​ടെ നേ​തൃ​ത്വ​ത്തി​ൽ ച​ർ​ച്ച​ക​ളും ന​ട​ന്നു. ഇ​തി​ൽ​നി​ന്ന് രൂ​പ​പ്പെ​ട്ട നി​ർ​ദേ​ശ​ങ്ങ​ൾ ബൈ​പാ​സ് നി​ർ​മാ​ണ​ത്തി​ൽ ഏ​ർ​പ്പെ​ട്ട​വ​ർ പാ​ലി​ച്ചി​ല്ല.

വ​ൻ​തോ​തി​ൽ മ​ണ്ണ് താ​ഴേ​ക്കു പ​തി​ച്ചി​ട്ടു​ണ്ട്. കു​ത്ത​നെ​യാ​ണ് ഇ​വി​ടെ മ​ണ്ണെ​ടു​പ്പ് ന​ട​ത്തി​യ​ത്. അ​പ​ക​ട​ത്തി​ൽ​പെ​ടാ​വു​ന്ന സ്ഥ​ലം അ​ക്വ​യ​ർ ചെ​യ്തെ​ടു​ക്കു​ക​യും വീ​ട്ടു​കാ​രെ പു​ന​ര​ധി​വ​സി​പ്പി​ക്ക​ണ​മെ​ന്നും നേ​ര​ത്തേ ആ​വ​ശ്യം ഉ​യ​ർ​ന്നി​രു​ന്നു. കു​ന്ന്യോ​റ മ​ല​യി​ൽ മ​ണ്ണി​ടി​ച്ചി​ലി​നെ തു​ട​ർ​ന്ന് നി​ല​വി​ൽ അ​ഞ്ചു വീ​ടു​ക​ൾ അ​പ​ക​ട ഭീ​ഷ​ണി​യി​ലാ​ണെ​ന്ന് ത​ഹ​സി​ൽ​ദാ​ർ സി.​പി. മ​ണി പ​റ​ഞ്ഞു. ആ​വ​ശ്യ​മെ​ങ്കി​ൽ ഇ​വ​രെ സു​ര​ക്ഷി​ത കേ​ന്ദ്ര​ത്തി​ലേ​ക്കു മാ​റ്റും.