തെ​ര​ഞ്ഞെ​ടു​പ്പ് പ്ര​വ​ർ​ത്ത​നം സ​ജീ​വം; ബി.​എ​ൽ.​ഒ​മാ​ർ ദു​രി​ത​ത്തി​ൽ

കൊ​യി​ലാ​ണ്ടി: പു​റ​ത്തെ ചൂ​ടി​ൽ ശ​രീ​ര​വും അ​ക​ച്ചൂ​ടി​ൽ ത​ങ്ങ​ളു​ടെ മ​ന​സ്സും ഉ​രു​കി​ത്തീ​രു​ക​യാ​ണെ​ന്ന് ബി.​എ​ൽ.​ഒ​മാ​ർ. തെ​ര​ഞ്ഞെ​ടു​പ്പ് പ്ര​ക്രി​യ​യി​ൽ നി​ർ​ണാ​യ​ക ജോ​ലി ചെ​യ്യു​ന്ന ബൂ​ത്ത് ലെ​വ​ൽ ഓ​ഫി​സ​ർ​മാ​ർ​ക്ക് വോ​ട്ട​ർ പ​ട്ടി​ക ശു​ദ്ധീ​ക​ര​ണം, പ​ട്ടി​ക​യി​ൽ പേ​രു​ചേ​ർ​ക്ക​ൽ, ഇ​ര​ട്ടി​പ്പ് ഒ​ഴി​വാ​ക്ക​ൽ തു​ട​ങ്ങി നി​ര​വ​ധി ജോ​ലി​ക​ളാ​ണ് ചെ​യ്യേ​ണ്ടി​വ​രു​ന്ന​ത്. ഇ​തോ​ടൊ​പ്പം ഓ​ഫി​സി​ലെ ത​സ്തി​ക പ്ര​കാ​രം ചെ​യ്യേ​ണ്ടു​ന്ന ജോ​ലി​ക​ളും പൂ​ർ​ത്തീ​ക​രി​ക്ക​ണം. പൊ​തു​തെ​ര​ഞ്ഞെ​ടു​പ്പ് കാ​ല​യ​ള​വി​ൽ ബി.​എ​ൽ.​ഒ​മാ​ർ​ക്ക് ജോ​ലി​ഭാ​രം വ​ള​രെ കൂ​ടു​ത​ലാ​ണ്. എ​ന്നാ​ൽ, ഇ​തി​ന​നു​സ​രി​ച്ചു​ള്ള വേ​ത​നം ത​ങ്ങ​ൾ​ക്ക് ല​ഭി​ക്കാ​റി​ല്ലെ​ന്ന് ഇ​വ​ർ പ​രാ​തി​പ്പെ​ടു​ന്നു. മാ​ത്ര​വു​മ​ല്ല, മു​ക​ളി​ൽ​നി​ന്ന് നി​ർ​ദേ​ശി​ക്ക​പ്പെ​ടു​ന്ന പ​ല ജോ​ലി​ക​ളും ചെ​യ്തു​തീ​ർ​ക്കാ​ൻ വേ​ണ്ട​ത്ര സ​മ​യം കി​ട്ടാ​ത്ത​തും പ്ര​യാ​സ​മു​ണ്ടാ​ക്കു​ന്നു.

ഏ​പ്രി​ൽ 26ന് ​ന​ട​ക്കു​ന്ന പൊ​തു​തെ​ര​ഞ്ഞെ​ടു​പ്പി​ൽ വോ​ട്ട​ർ​മാ​ർ​ക്ക് വീ​ടു​ക​ളി​ൽ വി​ത​ര​ണം ചെ​യ്യേ​ണ്ടു​ന്ന സ്ലി​പ്പി​ൽ വോ​ട്ട​ർ​മാ​രെ തി​രി​ച്ച​റി​യാ​നു​ള്ള വീ​ട്ടു​പേ​ര്, വി​ലാ​സം തു​ട​ങ്ങി​യ കാ​ര്യ​ങ്ങ​ളി​ല്ലെ​ന്ന​തും വ​ള​രെ ചെ​റി​യ അ​ക്ഷ​ര​ത്തി​ലാ​ണ് വി​വ​ര​ങ്ങ​ൾ പ്രി​ന്റ് ചെ​യ്ത​തെ​ന്ന​തും ഇ​വ​ർ​ക്ക് ജോ​ലി​യി​ൽ കൂ​ടു​ത​ൽ പ്ര​യാ​സം സൃ​ഷ്ടി​ക്കു​ന്നു.

തെ​ര​ഞ്ഞെ​ടു​പ്പ് സം​ബ​ന്ധി​ച്ച പ്ര​വൃ​ത്തി പൂ​ർ​ത്തീ​ക​രി​ക്കാ​നും സ്ലി​പ്പു​ക​ൾ വി​ത​ര​ണം ചെ​യ്യാ​നും നാ​ലു ദി​വ​സം മാ​ത്ര​മാ​ണ് ബി.​എ​ൽ.​ഒ​മാ​ർ​ക്ക് ഡ്യൂ​ട്ടി ലീ​വ് അ​നു​വ​ദി​ച്ച​ത്. ഒ​രു ബൂ​ത്തി​ലെ ശ​രാ​ശ​രി 1300ഓ​ളം വോ​ട്ട​ർ​മാ​രെ ക​ണ്ട് നാ​ലു ദി​വ​സ​ത്തി​നു​ള്ളി​ൽ ഇ​വ വി​ത​ര​ണം ചെ​യ്യാ​ൻ ക​ഴി​യി​ല്ലെ​ന്നും ബി.​എ​ൽ.​ഒ​മാ​ർ പ​റ​യു​ന്നു. കു​ന്നും ഇ​ടു​ങ്ങി​യ വ​ഴി​ക​ളും താ​ണ്ടി ക​ത്തു​ന്ന ചൂ​ടി​ൽ ജോ​ലി ചെ​യ്യാ​ൻ ഏ​റെ പ്ര​യാ​സ​മാ​ണ്.

85 വ​യ​സ്സാ​യ​വ​ർ​ക്കും അം​ഗ​പ​രി​മി​ത​ർ​ക്കും വീ​ട്ടി​ൽ​വെ​ച്ച് വോ​ട്ടു​ചെ​യ്യാ​നു​ള്ള സം​വി​ധാ​ന​മു​ണ്ടാ​യ​തോ​ടെ അ​തി​നും ബി.​എ​ൽ.​ഒ​മാ​രു​ടെ സേ​വ​നം നി​ർ​ബ​ന്ധ​മാ​ണ്. ജോ​ലി​സ​മ​യം കു​റ​യു​മ്പോ​ൾ ചു​മ​ത​ല​ക​ൾ വ​ർ​ധി​ച്ചു​വ​രു​ന്ന സ്ഥി​തി​യാ​ണ് ത​ങ്ങ​ൾ​ക്കെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു. പു​തി​യ ആ​ളു​ക​ൾ ഈ ​ജോ​ലി ഏ​റ്റെ​ടു​ക്കാ​ൻ മ​ടി​കാ​ണി​ക്കു​ന്ന​തി​നാ​ൽ നി​ല​വി​ലു​ള്ള​വ​ർ​ത​ന്നെ വ​ർ​ഷ​ങ്ങ​ളാ​യി ഈ ​രം​ഗ​ത്ത് തു​ട​രേ​ണ്ടി​വ​രു​ന്നു. ക​ഴി​ഞ്ഞ​വ​ർ​ഷ​ത്തെ ജോ​ലി​യു​ടെ വേ​ത​ന​വും ഇ​തു​വ​രെ ല​ഭി​ച്ചി​ട്ടി​ല്ല. ത​ങ്ങ​ളു​ടെ പ്ര​വ​ർ​ത്ത​ന​വു​മാ​യി ബ​ന്ധ​പ്പെ​ട്ട എ​ല്ലാ ഉ​ത്ത​ര​വു​ക​ളും അ​വ​സാ​ന നി​മി​ഷ​ത്തി​ലാ​ണ് എ​ത്തു​ന്ന​തെ​ന്നും ഇ​തി​നാ​ൽ വ​ലി​യ വി​ഷ​മ​മു​ണ്ടെ​ന്നും ഇ​വ​ർ പ​രാ​തി​പ്പെ​ടു​ന്നു.തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന മ​റ്റെ​ല്ലാ വി​ഭാ​ഗ​ത്തി​നും അ​ധി​ക​വേ​ത​നം ല​ഭി​ക്കു​മ്പോ​ൾ ബി.​എ​ൽ.​ഒ​മാ​ർ​ക്ക് ഒ​രു വ​ർ​ധ​ന​യും വേ​ത​ന​ത്തി​ൽ ല​ഭി​ക്കു​ന്നി​ല്ലെ​ന്നും ഇ​വ​ർ പ​റ​യു​ന്നു.